पंतप्रधान बनताच Tarique Rahman ॲक्शन मोडमध्ये; पहिल्या कॅबिनेट बैठकीत धडाकेबाज निर्णयांचा सपाटा

Bangladesh News : बांगलादेशात नवे सरकार स्थापना झाले आहे. तारिक रहमान नवे पंतप्रधान बनले असून बुधवारी (१८ फेब्रुवारी) सरकारच्या मंडळाची पहिली कॅबिनेट बैठक पार पडली. या बैठकीत अनेक महत्वाच्या मुद्यांवर निर्णय घेण्यात आले.

• PM बनताच ॲक्शन मोडमध्ये तारिक रहमान
• पहिल्या कॅबिनेट बैठकीत घेतले अनेक महत्वपूर्ण निर्णय
• मंत्र्यांचे दणाणले दाबे

Bangladesh PM Tarique Rahman Cabinet Meeting : ढाका : बांगलादेशात (Bangladesh)  सत्तांतरणानंतर नवनिर्वाचित पंतप्रधान तारिक रहमान (Tarique Rahman) ॲक्शन मोडमध्ये आले आहे. पंतप्रधान पदाची सुत्रे हाती घेताच रहमान यांनी बुधवारी (१८ फेब्रुवारी) पहिली कॅबिनेट बैठक बोलावली. या बैठकीत रहमान यांनी कठोर भूमिका घेत पुढील १८० दिवसांचा विस्तृत आराखडा आखला आहे. रहमान यांनी आपल्या कामाचा धडाका सुरु केला आहे.

बांगलादेशात महिला राज संपुष्टात; Tarique Rahman बनले नवे पंतप्रधान

ही बैठक ढाका येथील सचिवायातील कॅबिनेट विभागात पार पडली. या बैठकीत रहमान सरकारने  सहा महिन्यांचा आराखडा आखून प्रशासकिय कामांना सुरुवात केली. बैठकीनंतर गृहमंत्री सलाहुद्दीन अहमद यांनी पत्रकारांशी संवाद साधला. त्यांनी सांगितले की, सहसा सरका १०० दिवसांचा अजेंडा ठेवते, पण यावेळी १८० दिवसांचा व्यापाक आणि धोरणात्मक आराखडा तयार करण्यात आला. लवकरच याचे तपशील सार्वजनित केले जाणार असल्याचे अहमद यांनी स्पष्ट केले. सरकारने विश्वास व्यक्त केला की, स्पष्ट आणि दीर्घकालीन प्रशासकीय योजनेमुळे देशात समन्वय आणि धोरण अंमलबजावणीला गती येईल.

या महत्वाच्या मुद्यांवर विशेष लक्ष

या बैठकीत रहमान यांच्या सरकारने तयार केलेल्या १८० दिवसांच्या आराखड्यात काही प्रमुख बाबींवर लक्ष केंद्रित करण्यात आले आहे.

• महागाईवर नियंत्रण : सरकारने पहिल्या सहा महिन्यांत जीवनावश्यक वस्तूंच्या किंमती कमी करणे आणि सर्वसामान्यांना दिलासा देण्यावर विशेष भर दिला.
• कायदा आणि सुव्यवस्था : तसेच देशातील कायदा आणि सुव्यवस्था सुरधारण्यावरही लक्ष केंद्रित करण्यात आले.
• पुरवठा साखळी : याशिवाय सरकारने बाजापेठांमधील पुरवठी साखळी स्थिर करण्याचेही धोरण ठेवले आहे.
• उर्जा संकट : तसचे देशातील उर्जा संकट दूर करण्यासाठी गॅस आणि विजेचा अखंड पुरवठा सुनिश्चित करण्याचे ठरले.

मॉब कल्चरवर रहमान यांची कठोर भूमिका

दरम्यान सरकारने मॉब कल्चरवर कडक भूमिका घेतली. सरकारने स्पष्ट केले की, लोकाशाही पद्धतीने आंदोलन करण्याचा अधिकार प्रत्येकाला आहे, परंतु मागण्या पूर्ण करण्यासाठी महामार्ग रोखणे, सार्वजनिक मामत्तेचे नुकसान करणे, सरकारवर दबाव आणण्याचा प्रयत्न सहन केला जाणार नाही. सध्या तारिक रहमान यांच्या या भूमिकेने देशातील अनेकांना दिलासा मिळाला आहे. माजी पदच्युत पंतप्रधाव शेख हसीना (Sheikh Hasina) यांच्या पतनानंतर दीड वर्षांनी देशात लोकशाही सरकार स्थापन झाले आहे. यामुळे लोकांनी देशात शांतता बनून राहिल अशी आशा व्यक्त केली आहे.

बांगलादेशात सत्ता बदल अन् भारताचा मैत्रीचा हात ; नवे पंतप्रधान Tarique Rahamn यांना भारत भेटीचे आमंत्रण