India Bangladesh ties: ‘शेवटचा शब्द, आम्ही भारताच्या विरोधात…’ बांगलादेशच्या उच्चायुक्तांनी ‘असे’ म्हणून नवी दिल्लीत जिंकली मने

India Bangladesh relations 2026 : बांगलादेशने भारताला त्याच्या ५६ व्या स्वातंत्र्यदिनी सुरक्षेचे आश्वासन दिले आहे. ढाका भारताच्या हिताच्या विरोधात कोणतीही कारवाई करणार नाही, असे त्यांनी सांगितले.

• सुरक्षेची मोठी हमी
• तारिक रहमान यांचा पुढाकार
• अस्थिरतेच्या चर्चांना पूर्णविराम

India Bangladesh relations 2026 : दक्षिण आशियातील भू-राजकीय घडामोडी वेगाने बदलत असताना, भारताचा शेजारी देश बांगलादेश (Bangladesh) कडून एक अत्यंत सकारात्मक आणि आश्वासक बातमी समोर आली आहे. बांगलादेशच्या ५६ व्या स्वातंत्र्यदिनानिमित्त आयोजित कार्यक्रमात बोलताना भारतातील बांगलादेशचे उच्चायुक्त रियाझ हमीदुल्ला यांनी दोन्ही देशांमधील मैत्रीचा नवा अध्याय सुरू झाल्याचे संकेत दिले आहेत. गेल्या काही महिन्यांपासून सुरू असलेल्या राजकीय अस्थिरतेनंतर, आता “निश्चिंत राहा” असा संदेश बांगलादेशने भारताला दिला आहे.

सुरक्षेबाबत बांगलादेशची ‘नो कॉम्प्रमाईज’ भूमिका

उच्चायुक्त रियाझ हमीदुल्ला यांनी ठामपणे सांगितले की, बांगलादेश आपल्या भूमीचा वापर भारताच्या हिताच्या विरोधात किंवा सुरक्षेला बाधा आणण्यासाठी कधीही करू देणार नाही. “दोन्ही देशांनी एकमेकांवर विश्वास ठेवला पाहिजे आणि भविष्याकडे सकारात्मकतेने पाहिले पाहिजे,” असे ते म्हणाले. भारत आणि बांगलादेश यांच्यात ४,०९६ किमीची लांब सीमा आहे, त्यामुळे बांगलादेशने दिलेले हे सुरक्षेचे आश्वासन भारताच्या ईशान्येकडील राज्यांच्या (Seven Sisters) शांततेसाठी अत्यंत महत्त्वपूर्ण मानले जात आहे.

जागतिक घडामोडी संबंधित बातम्या वाचण्यासाठी येथे क्लिक करा : War End: ‘सैन्य पाठवण्याची गरज भासणार नाही…’ 10 दिवसांचा डेडलाइन ड्रामा; रुबियोने सांगितला ट्रम्पचा खरा प्लॅन

तारिक रहमान आणि पंतप्रधान मोदी: संवादाचे नवे दालन

मुहम्मद युनूस यांच्या नेतृत्वाखालील अंतरिम सरकारच्या काळात दोन्ही देशांमधील संबंधांमध्ये काहीसा दुरावा आला होता. मात्र, संसदीय निवडणुकीत बांगलादेश नॅशनल पार्टीच्या (BNP) विजयानंतर आणि तारिक रहमान पंतप्रधान झाल्यानंतर चित्र वेगाने बदलत आहे. पंतप्रधान रहमान यांनी नरेंद्र मोदींना पाठवलेला संदेश हा केवळ औपचारिक नसून, तो भविष्यातील सहकार्याचा पाया आहे. दोन्ही देशांचे नेतृत्व आता भूतकाळातील मतभेद विसरून आर्थिक आणि व्यापारी प्रगतीवर लक्ष केंद्रित करू इच्छिते.

See more

VIDEO | Delhi: As Bangladesh celebrates its Independence Day, Bangladesh High Commissioner to India, Riaz Hamidullah, says, “Each year on this day, every Bangladeshi across generations pays homage to our freedom fighters for their bravery and supreme sacrifice in the… pic.twitter.com/TeuMZHxD7s — Press Trust of India (@PTI_News) March 26, 2026

credit – social media and Twitter

“अस्थिरतेची भीती वाटणाऱ्यांना जमिनीवरील वास्तव पहावे लागेल”

बांगलादेशातील लोकशाही प्रक्रियेवर प्रश्नचिन्ह उपस्थित करणाऱ्यांना उत्तर देताना हमीदुल्ला म्हणाले की, निवडणुका अत्यंत शांततेत पार पडल्या. भारतीय पत्रकारांनीही तिथल्या परिस्थितीचे प्रत्यक्ष निरीक्षण केले आहे. “बांगलादेश हा एक मुक्त समाज आहे, तिथे चर्चा आणि वाद होणे स्वाभाविक आहे, पण याचा अर्थ देश अस्थिर आहे असा होत नाही,” असे त्यांनी स्पष्ट केले. निवडणुकांना एक महिना उलटला असून जनजीवन पूर्णपणे सामान्य झाले आहे, हे त्यांनी अधोरेखित केले.

जागतिक घडामोडी संबंधित बातम्या वाचण्यासाठी येथे क्लिक करा : War Update: इराणने सौदीत मांडला मृत्यूचा खेळ; US सैनिकांची वर्दी रक्ताने माखली, 10 हून अधिक सैनिक जखमी, पहा VIRAL VIDEO

 भविष्याकडे झेप घेण्याची वेळ

उच्चायुक्तांच्या भाषणाचा मुख्य सूर हा ‘भविष्याकडे पाहणे’ हा होता. भूतकाळात रेंगाळण्यापेक्षा नवीन संधी शोधणे दोन्ही देशांच्या हिताचे आहे. कनेक्टिव्हिटी, व्यापार आणि दहशतवाद विरोधी मोहिमांमध्ये भारत आणि बांगलादेश आता खांद्याला खांदा लावून काम करण्याच्या तयारीत आहेत. नव्या सरकारच्या या ‘सुरक्षा गॅरंटी’ मुळे नवी दिल्लीतील धोरणकर्त्यांना मोठा दिलासा मिळाला आहे.