मंगळवार, 10 नोव्हेंबर 2026
War Update: इराणने सौदीत मांडला मृत्यूचा खेळ; US सैनिकांची वर्दी रक्ताने माखली, १० हून अधिक सैनिक जखमी, पहा VIRAL VIDEO ( फोटो सौजन्य : सोशल मीडिया )
Iran missile attack Saudi Prince Sultan Air Base : मध्य-पूर्वेतील युद्धाने (US-Israel Iran War) आता सर्वात भयानक वळण घेतले आहे. २८ फेब्रुवारी २०२६ रोजी सुरू झालेल्या या संघर्षाला आज २९ दिवस पूर्ण झाले आहेत, मात्र शांततेऐवजी आता विनाशाच्या ज्वाळा अधिक भडकल्या आहेत. इराणने चक्क सौदी अरेबियातील (Saudi Arabia) अमेरिकेच्या अत्यंत सुरक्षित मानल्या जाणाऱ्या ‘प्रिन्स सुलतान’ हवाई तळाला लक्ष्य केले आहे. या हल्ल्याने केवळ अमेरिकेचे लष्करी नुकसान केले नाही, तर जागतिक महायुद्धाची घंटा वाजवली आहे.
मिळालेल्या माहितीनुसार, इराणने मध्यरात्रीच्या सुमारास क्षेपणास्त्रे आणि ड्रोनचा पाऊस पाडला. अमेरिकन अधिकाऱ्यांनी नाव न सांगण्याच्या अटीवर कबूल केले आहे की, या हल्ल्यात किमान १० अमेरिकन सैनिक जखमी झाले आहेत. यातील दोघांची प्रकृती अत्यंत चिंताजनक आहे. हल्ल्याची तीव्रता इतकी भीषण होती की, अमेरिकेची इंधन भरणारी ‘KC-135 स्ट्रॅटोटँकर’ विमाने जळून खाक झाली आहेत. उपग्रहाने टिपलेल्या छायाचित्रांमध्ये धावपट्टीवर विखुरलेले विमानांचे अवशेष आणि आगीचे गोळे स्पष्ट दिसत आहेत, जे या हल्ल्याची भीषणता अधोरेखित करतात.
जागतिक घडामोडी संबंधित बातम्या वाचण्यासाठी येथे क्लिक करा : World War 3 : ‘Thank you people of India’ एक संदेश आणि गेम ओव्हर; इराणनच्या इस्रायलवर हल्ल्याचा ‘हा’ VIDEO तुफान VIRAL
या हल्ल्यानंतर अमेरिकेचे राष्ट्राध्यक्ष डोनाल्ड ट्रम्प यांनी मित्र राष्ट्रांवर, विशेषतः ‘नाटो’ (NATO) देशांवर आपला राग व्यक्त केला आहे. होर्मुझची सामुद्रधुनी सुरक्षित ठेवण्याच्या मोहिमेत नाटो देशांनी अमेरिकेला अपेक्षित साथ दिली नाही, असा ट्रम्प यांचा आरोप आहे. “आम्ही दरवर्षी नाटोच्या सुरक्षेवर अब्जावधी डॉलर्स खर्च करतो, पण जेव्हा आम्हाला तुमची गरज असते, तेव्हा तुम्ही गायब असता. मग आम्ही तरी तुमच्या पाठीशी का उभे राहावे?” असा रोखठोक सवाल ट्रम्प यांनी विचारला आहे. ट्रम्प यांच्या या भूमिकेमुळे पाश्चिमात्य देशांच्या युतीमध्ये मोठी फूट पडण्याची शक्यता निर्माण झाली आहे.
🇮🇷🇺🇸 Imagens de satélite comprovam que o Irã conseguiu destruir três aviões de reabastecimento aéreo KC-135 da Força Aérea dos EUA que estavam estacionados na Base Aérea Príncipe Sultan, Arábia Saudita. O CENTCOM confirmou anteriormente que as aeronaves haviam sido “danificadas”. pic.twitter.com/PWloQlpWGS — Análise Geopolítica (@AnaliseGeopol) March 27, 2026
credit – social media and Twitter
हल्ल्याच्या दरम्यान इराणने सौदीची राजधानी रियाधच्या दिशेनेही एक मोठे क्षेपणास्त्र डागले होते. मात्र, सौदीच्या हवाई संरक्षण यंत्रणेने (Air Defence) ते हवेतच उडवून दिले. जर हे क्षेपणास्त्र रियाधमध्ये कोसळले असते, तर मृतांचा आकडा हजारोच्या घरात गेला असता. या घटनेनंतर सौदी अरेबिया आता थेट इराणविरुद्ध मैदानात उतरणार का, याकडे सर्वांचे लक्ष लागले आहे.
जागतिक घडामोडी संबंधित बातम्या वाचण्यासाठी येथे क्लिक करा : World War 3: इराणच्या भीतीने अमेरिकन सैनिकांनी सोडले तळ; हॉटेल्समध्ये लपले, ‘प्रिसिजन स्ट्राईक’ ने USचा 10 अब्ज डॉलर्सचा चुराडा
इराण-इस्रायल युद्धाचा हा २९ वा दिवस जगाला विनाशाच्या उंबरठ्यावर घेऊन आला आहे. एका बाजूला अमेरिकन सैनिकांचे सांडलेले रक्त आणि दुसरीकडे नाटो देशांमधील फाटाफूट, यामुळे मध्य-पूर्वेतील चित्र अधिकच गुंतागुंतीचे झाले आहे. जर हे युद्ध लवकर थांबले नाही, तर जागतिक ऊर्जा पुरवठा पूर्णपणे कोलमडून पडेल आणि महागाईचा भडका उडेल.
Ans: इराणने सौदी अरेबियातील 'प्रिन्स सुलतान' (Prince Sultan Air Base) या अमेरिकेच्या महत्त्वाच्या हवाई तळावर हल्ला केला आहे.
Ans: अधिकृत माहितीनुसार, किमान १० अमेरिकन सैनिक जखमी झाले असून त्यापैकी दोघांची प्रकृती गंभीर आहे.
Ans: होर्मुझच्या सामुद्रधुनीच्या सुरक्षेसाठी नाटो देशांनी अमेरिकेला लष्करी सहकार्य न केल्यामुळे ट्रम्प यांनी नाराजी व्यक्त केली आहे.
