पडलेलं तोंड अन् डोळ्यात अश्रू.. ट्रम्पसमोर झुकले नेतन्याहू! दोहावरील हल्ल्याबाबत कतारची मागितली माफी, PHOTO VIRAL

Benjamin Netanyahu apologies to Quatar : इस्रायलचे पंतप्रधान बेंजामिन नेतन्याहू यांनी कतारचे पंतप्रधान शेख मोहम्मद बिन अब्दुलरहमान अल-थानी यांची माफी मागितली, ज्याचा फोटो सोशल मीडियावर व्हायरल होत आहे.

• इस्रायलच्या पंतप्रधानांनी मागितली कतारच्या पंतप्रधानांची माफी
• व्हाइट हाउसमधील या दृश्याचा फोटो व्हायरल
• नेतन्याहूंची उडाली खिल्ली

Trump Netanyahu Meet : वॉशिंग्टन : इस्रायलचे पंतप्रधान बेंजामिन नेतन्याहू (Benjamin Netnyahu) आणि डोनाल्ड ट्रम्प (Donald Trump) यांची नुकतीच अमेरिकेत भेट झाली होती. या भेटीचा उद्देश गाझाती युद्ध थांबवण्यावर तोडगा काढणे होता. यावेळी ट्रम्प यांनी युद्धबंदीसाठी प्रस्ताव मांडला जो इस्रायलने मान्यही केली. दरम्यान या वेळी एक मोठी घटना घडली. इस्रायलच्या पंतप्रधानांनी कचारच्या पंतप्रधानांची डोनाल्ड ट्रम्प यांच्या सांगण्यावरुन माफी मागितली. सध्या या दृश्याचा एक फोटो सोशल मीडियावर व्हायरल होत आहे.

व्हाईट हाउसच्या ओव्हल ऑफिसमध्ये सोमवारी (२९ सप्टेंबर) रोजी नेतन्याहू आणि ट्रम्प यांची भेट झाली होती. तुम्ही फोटोत पाहू शकता की ट्रम्प यांनी फोन धरलेला आहे. तर नेतन्याहू फोनवर बोलत आहे. मिळालेल्या माहितीनुसार, नेतन्याहू कतारचे पंतप्रधान शेख मोहम्मद बिन अब्दुलरहमान अल-थानी यांच्याशी फोनवर संवाद साधत होते. यावेळी त्यांनी ९ सप्टेंबर रोजी इस्रायलने कतारची राजधानी दोहावर केलेल्या हल्ल्याची माफी मागितली. याचा फोटो सोशल मीडियावर व्हायरल होत आहे.

इराणच्या Nuclear Programme ला मोठा धक्का; ब्रिटनने संबंधित संस्था अन् व्यक्तींवर घातली बंदी

पुन्हा हल्ला न करण्याची दिली हमी

याशिवाय नेतन्याहूंनी पुन्हा हल्ला न करण्याचीही हमी दिली आहे. दोहामध्ये झालेल्या हल्ल्यात हमासच्या वरिष्ठ अधिकाऱ्यांना लक्ष्य करण्यात आले होते. पण अधिकारी सुरक्षित असून वरिष्ठ अधिकारी खलील अल-हय्या यांच्या मुलाचा आणि आणखी पाच जणांचा मृत्यू झाला. ट्रम्प यांना सुरुवातील याची माहिती नव्हती. पण कतारच्या पंतप्रधानांनी फोन केल्यावर त्यांनी नेतन्याहूंवर तीव्र संताप व्यक्त केला. तसेच कतारनेही या हल्ल्याचा तीव्र निषेध केला होता.

दरम्यान नेतन्याहूंनी कतारवरील ९ सप्टेंबर रोजी केलेल्या हल्ल्याची माफी मागितली असून यावर दु:ख व्यक्त केले. तसेच त्यांनी पुन्हा हल्ला होऊ देणार नसल्याचेही म्हटले.

See more

For those who mock PM Netanyahu and claim he was “humiliated” by apologizing to Qatar –
let’s set the record straight: the Prime Minister apologized only for the death of the Qatari guard, not for the attempt to eliminate Hamas leaders. Netanyahu is a master of diplomacy. He… pic.twitter.com/RWkIPqd0ue — The Voice Of Truth 🙌 (@thevoicetruth1) October 1, 2025

फोटो सोशल मीडियावर व्हायरल

सध्या या घटनेटचा फोटो सोशल मीडियावर व्हायरल होत असून लोकांनी याला Historic म्हणून संबोधले आहे. नेतन्याहू यांच्या कारकिर्दीत खूप कमी वेळा कोणासमोर झुकले आहेत यामुळे सध्या या फोटोची सर्वत्र जास्तच चर्चा रंगली आहे.

FAQs(संबंधित प्रश्न)

प्रश्न १. इस्रायलच्या पंतप्रधानांनी कोणाची माफी मागितली? 

इस्रायलचे पंतप्रधान बेंजामिन नेतन्याहू यांनी कतारचे पंतप्रधान शेख मोहम्मद बिन अब्दुलरहमान अल-थानी यांची माफी मागितली.

प्रश्न २. बेंजामिन नेतन्याहूंनी कतारच्या पंतप्रधानांची माफी का मागितली? 

इस्रायलने ९ सप्टेंबर रोजी कतारची राजधानी दोहावर तीव्र हवाई हल्ला केला होता. ज्यामुळे दोहामध्ये प्रचंड घबराट पसरली होती. यामुळेच नेतन्याहूंनी कतारची माफी मागितली.

ट्रम्प यांनी तयार केला गाझाचा नवीन नकाशा? सीमेवर इस्रायल बफर-झोनसह होणार ‘हे’ बदल, समजून घ्या