India MEA reply to Birmingham Mayor Randhir Jaiswal
काश्मीर (Jammu-Kashmir) मुद्द्यावरून आंतरराष्ट्रीय स्तरावर भारतविरोधी भूमिका मांडण्याचा प्रयत्न करणाऱ्या परदेशी नेत्यांना भारताने पुन्हा एकदा कठोर संदेश दिला आहे. ब्रिटनमधील दुसऱ्या क्रमांकाचे मोठे शहर असलेल्या बर्मिंघमचे महापौर झाकीर चौधरी (Zaker Choudhry) यांनी काश्मीरसंदर्भात केलेल्या वादग्रस्त विधानावर भारतीय परराष्ट्र मंत्रालयाने (MEA) अत्यंत कडक शब्दांत प्रतिक्रिया दिली आहे. संपूर्ण जम्मू-काश्मीर आणि लडाख हा भारताचा अविभाज्य आणि सार्वभौम भाग असून यावर भारताची भूमिका पूर्णपणे स्पष्ट आणि ठाम आहे, असे परराष्ट्र मंत्रालयाने निःसंदिग्धपणे नमूद केले आहे.
हा संपूर्ण विवाद ब्रिटनमध्ये आयोजित एका कार्यक्रमादरम्यान सुरू झाला. १४ ऑगस्ट रोजी पाकिस्तानच्या स्वातंत्र्यदिनानिमित्त आयोजित कार्यक्रमात बोलताना बर्मिंघमचे ११६ वे लॉर्ड मेयर झाकीर चौधरी यांनी काश्मीरचा उल्लेख करताना तो पाकिस्तानचा भाग असल्याचे विधान केले होते. “काश्मीर आणि पाकिस्तान आमचा आहे, लष्कर आमचे आहे; भारत आणि पाकिस्तानने संवादाच्या टेबलावर बसून हा प्रश्न सोडवावा,” असे विधान त्यांनी केले होते. एका जबाबदार घटनात्मक पदावर बसलेल्या लोकप्रतिनिधीने असा पक्षपाती आणि वादग्रस्त दृष्टिकोन मांडल्यामुळे ब्रिटन आणि आंतरराष्ट्रीय स्तरावर तीव्र संताप व्यक्त केला गेला.
जागतिक घडामोडी संबंधित बातम्या वाचण्यासाठी येथे क्लिक करा : Nepal Flood : त्रिशुली-3A जलविद्युत बोगद्यात 9 दिवसांनंतर चमत्कार, 2 कामगारांची जिवंत सुटका, पहा VIDEO
या घटनेनंतर नवी दिल्लीत आयोजित साप्ताहिक पत्रकार परिषदेदरम्यान परराष्ट्र मंत्रालयाचे अधिकृत प्रवक्ते रणधीर जयस्वाल यांनी भारताची अधिकृत भूमिका स्पष्ट केली. पत्रकारांनी विचारलेल्या प्रश्नाला उत्तर देताना जयस्वाल म्हणाले, “काश्मीर मुद्द्यावर भारताची भूमिका काय आहे हे संपूर्ण जगाला माहीत आहे. संपूर्ण जम्मू-काश्मीर आणि लडाख हे भारताचे अविभाज्य आणि अखंड भाग आहेत. पाकिस्तानबाबतच्या धोरणाचा प्रश्न आहे, तर त्याबाबतही आमची भूमिका अतिशय स्पष्ट आणि ठाम आहे.”
#WATCH | Delhi: On the comments of the Mayor of Birmingham, Zaker Choudhry, regarding Kashmir, MEA Official Spokesperson Randhir Jaiswal says, “On Kashmir, we know where India stands. The whole of Jammu and Kashmir and Ladakh are parts of India, which are integral to India and… pic.twitter.com/lcRG5xNzMZ — ANI (@ANI) September 4, 2026
credit – social media and Twitter
भारताने आपल्या स्पष्ट प्रत्युत्तरातून हे सिद्ध केले आहे की, देशांतर्गत बाबींमध्ये किंवा प्रादेशिक अखंडतेच्या मुद्द्यावर कोणत्याही परदेशी राजकीय प्रतिनिधीने केलेले भाष्य किंवा अनावश्यक हस्तक्षेप भारत अजिबात खपवून घेणार नाही.
झाकीर चौधरी हे मूळचे पाकिस्तान-व्याप्त काश्मीर (PoK) मधील असून, १९६९ मध्ये वयाच्या अवघ्या १४ व्या वर्षी ते ब्रिटनमध्ये स्थायिक झाले होते. व्यावसायिक आणि सामाजिक क्षेत्रात काम केल्यानंतर त्यांनी २००६ मध्ये ब्रिटनमध्ये राजकीय प्रवासाला सुरुवात केली आणि मे २०२६ मध्ये ते बर्मिंघमचे पहिले मुस्लिम लॉर्ड मेयर बनले.
मात्र, ब्रिटनमधील एका महत्त्वाच्या शहराचे महापौर असताना त्यांनी एका विशिष्ट देशाच्या बाजूने केलेली ही चिथावणीखोर विधाने तेथील नागरिकांनाही आवडलेली नाहीत. सोशल मीडियावर ब्रिटनच्या अनेक नागरिकांनी आणि राजकारण्यांनी चौधरी यांच्या वक्तव्याचा तीव्र निषेध केला असून, त्यांना पदावरून हटवण्याची तसेच देशोधडीला लावण्याची (Deportation) मागणी लावून धरली आहे.
जागतिक घडामोडी संबंधित बातम्या वाचण्यासाठी येथे क्लिक करा : Nepal Flood: नेपाळ महापुरातून 5 वर्षांच्या चिमुरड्यासह 3 भारतीयांची थरारक सुटका; 169 जण सुरक्षित, तर 275 नागरिक अजूनही बेपत्ता
जम्मू-काश्मीरमधून कलम ३७० हटवल्यानंतर आणि लडाखला स्वतंत्र केंद्रशासित प्रदेशाचा दर्जा दिल्यानंतर भारताने आंतरराष्ट्रीय पटलावर आपली भूमिका अधिक आक्रमक केली आहे. काश्मीर हा भारताचा पूर्णपणे अंतर्गत विषय असून, त्यात पाकिस्तान किंवा तिसऱ्या कोणत्याही घटकाची मध्यस्थी स्वीकारली जाणार नाही, हे भारताने वारंवार स्पष्ट केले आहे. बर्मिंघमच्या महापौरांच्या विधानाला दिलेल्या या चोख उत्तरामुळे भारत आपल्या सार्वभौमत्वाशी आणि प्रादेशिक अखंडतेशी कोणतीही तडजोड करणार नाही, हाच संदेश पुन्हा एकदा जगासमोर गेला आहे.
.png "Videos"){kind=small}
