फोटो सौजन्य सोशल मीडिया
८ आणि ९ ऑक्टोबरच्या मध्यरात्री ही घटना घडल्याची माहिती संयुक्त राष्ट्रांच्या एका संस्थेने रविवारी दिली . या अशा अचानक झालेल्या अपघातामुळे आता आफ्रिकेत स्थलांतरितांच्या सुरक्षित प्रवासाचा प्रश्न पुन्हा ऐरणीवर आला आहे .
जिबुतीच्या किनाऱ्याजवळ घडलेल्या या दुर्घटनेने संपूर्ण जगाचे लक्ष वेधून घेतले आहे . चांगल्या भविष्याच्या आणि रोजगाराच्या शोधात धोकादायक समुद्र मार्गाने प्रवास करणाऱ्या स्थलांतरितांना या दुर्घटनेत जीव गमवावा लागला आहे . मृतांमध्ये १५ लहान मुलांचाही समावेश असल्याने या घटनेचे गांभीर्य अधिक वाढले आहे . बोट बुडाल्यानंतर अनेक प्रवासी समुद्रात बेपत्ता झाले . त्यांचा शोध घेण्याचे आव्हान मोठे असून सर्व बचाव यंत्रणा आता कामाला लागल्या आहेत .
आफ्रिकेतील अनेक देशांमधून रोजगार ,आर्थिक स्थैर्य , आणि चांगल्या जीवनाच्या शोधात हजारो लोक धोकादायक मार्गाने स्थलांतर करतात . अनेकदा क्षमतेपेक्षा अधिक प्रवासी भरलेल्या बोटी या समुद्र प्रवासात प्रवास करत असतात . हा प्रवास सुरु असताना पुरेशी सुरक्षा व्यवस्था नसते . खराब हवामान आणि मानवी तस्करीच्या जाळ्यामुळे अशा प्रवासात अपघातांचा धोका वाढतो . जिबूतीजवळील या दुर्घटनेने स्थलांतरितांच्या प्रवासातील धोक्याची पुन्हा एकदा जाणीव करून दिली आहे .
या दुर्घटनेत १०९ जणांचा मृत्यू झाल्याची माहिती समोर आली आहे . सुमारे ११६ जण बेपत्ता आहेत . मृतांचा आकडा आणि बेपत्ता व्यक्तींची संख्या लक्षात घेता ही अलीकडच्या काळातील गंभीर स्थलांतरित दुर्घटनांपैकी एक ठरली आहे . बेपत्ता प्रवाशांच्या शोधात आता बचाव पथके लागले आहेत .
तसेच मृतांची ओळख पटवणे हि प्रशासनासमोरील महत्वाची कामे आहेत . या दुर्घटनेनंतर समुद्रमार्गे होणाऱ्या बेकायदेशीर स्थलांतरितांवर नियंत्रण आणण्याबरोबरच स्थलांतरितांच्या सुरक्षेसाठी ठोस उपाय योजना करण्याची गरज असल्याचे पुन्हा अधोरेखित झाली आहे .
.png "Videos"){kind=small}
