शुक्रवार, 2 ऑक्टोबर 2026
PM Modi : 'भारताला तुमचा अभिमान आहे' पंतप्रधान मोदींचा कॅप्टन स्मित माच्छर यांच्याशी व्हिडिओ कॉलवर संवाद; प्रकृतीची केली विचारपूस ( फोटो सौजन्य : सोशल मीडिया )
आकाशात हजारो फूट उंचीवर उडणाऱ्या विमानात जेव्हा भीषण संकट उभे ठाकते, तेव्हा वैमानिकाचे प्रसंगावधान आणि धैर्य हेच शेकडो प्रवाशांसाठी एकमेव आशेचा किरण असते. असाच एक अंगावर काटा आणणारा आणि संपूर्ण जगाला थक्क करणारा प्रकार फ्लायदुबईच्या (Flydubai) विमानामध्ये घडला. दुबईहून इस्रायलच्या तेल अवीवकडे उड्डाण करणाऱ्या विमानातील सह-वैमानिकानेच कॉकपिटमध्ये हल्ला करून विमान पाडण्याचा भीषण प्रयत्न केला. मात्र, या कठीण आणि जीवघेण्या प्रसंगात भारतीय वैमानिक कॅप्टन स्मित माच्छर यांनी स्वतःचा जीव धोक्यात घालून, रक्ताच्या थारोळ्यात असतानाही असीम धैर्याने सामना केला आणि ९/११ सारखी मोठी मानवी दुर्घटना रोखली. पंतप्रधान नरेंद्र मोदी (PM Modi) यांनी कॅप्टन स्मित यांच्याशी थेट संवाद साधून त्यांच्या प्रकृतीची विचारपूस केली. तसेच ९/११ सारखा भीषण हल्ला हाणून पाडल्याबद्दल इस्रायली पंतप्रधान नेतान्याहू यांच्यासह जागतिक नेत्यांनी त्यांचे ‘रिअल हिरो’ म्हणून कौतुक केले.
दुबईहून निघालेले फ्लायदुबईचे हे विमान ३४,००० फूट उंचीवर अत्यंत वेगाने प्रवासाच्या मार्गावर असताना अचानक कॉकपिटमध्ये अचानक गोंधळ उडाला. सह-वैमानिकाने अचानक आक्रमक होऊन कॅप्टन स्मित यांच्यावर प्राणघातक हल्ला केला आणि विमानाचे नियंत्रण स्वतःकडे घेऊन ते वेगाने खाली आणण्याचा प्रयत्न केला. अवघ्या काही मिनिटांत विमान १७,००० फुटांनी खाली कोसळले, ज्यामुळे विमानात प्रचंड घबराट पसरली. अत्यंत गंभीर जखमी झालेले असताना, अंगातून रक्ताच्या धारा वाहत असतानाही कॅप्टन स्मित यांनी हार मानली नाही. परिस्थिती अत्यंत हाताबाहेर गेल्याचे पाहून त्यांनी मन घट्ट केले, मनात हनुमान चालिसाचा जप केला आणि जिद्दीने कॉकपिटचे दार उघडण्यात यश मिळवले. कॉकपिटचे दार उघडताच बाहेर असलेल्या इतर केबिन क्रू आणि काही जागरूक प्रवाशांनी आत धाव घेऊन त्या हल्लेखोर सह-वैमानिकाला पकडले आणि त्याच्यावर ताबा मिळवला.
कॉकपिटवरील ताबा पूर्ववत मिळवल्यानंतर, सौदी अरेबियातील तबुक विमानतळावर विमानाचे तातडीने आपत्कालीन लँडिंग करण्यात आले. गंभीर जखमी झालेल्या कॅप्टन स्मित यांच्यावर तेथे प्राथमिक उपचार करून त्यांना तातडीने पुढील उपचारांसाठी संयुक्त अरब अमिराती (UAE) येथे हलवण्यात आले. या संपूर्ण घटनेत विमानातील सर्व १७० हून अधिक प्रवासी पूर्णपणे सुरक्षित राहिले. प्रवाशांच्या सुरक्षेसाठी स्वतःच्या जीवाची पर्वा न करणाऱ्या या भारतीय वीराचे नाव आज जगभरात सन्मानाने घेतले जात आहे.
जागतिक घडामोडी संबंधित बातम्या वाचण्यासाठी येथे क्लिक करा : Russia-Ukraine War: ‘पंतप्रधान मोदी युद्ध संपवू शकतात’; व्लादिमीर पुतिन यांचे रशिया-युक्रेन संघर्षावर मोठे विधान
या ऐतिहासिक शौर्याची दखल घेत भारताचे पंतप्रधान नरेंद्र मोदी यांनी कॅप्टन स्मित माच्छर यांच्याशी व्हिडिओ कॉलद्वारे थेट संवाद साधला. त्यांनी कॅप्टन स्मित यांच्या प्रकृतीची आस्थेने विचारपूस केली, त्यांच्या लवकर बरे होण्यासाठी सदिच्छा व्यक्त केल्या आणि “संपूर्ण भारताला तुमच्या शौर्याचा अभिमान आहे,” अशा शब्दांत त्यांची प्रशंसा केली. सोशल मीडियावरूनही पंतप्रधान मोदींनी कॅप्टन स्मित यांना ‘खरे हिरो’ संबोधत, त्यांनी दाखवलेला संयम आणि अढळ निर्धार हा देशवासीयांसाठी प्रेरणादायी असल्याचे म्हटले.
BREAKING! PM Modi Holds Telephonic Conversation With Brave Captain Smit Machchhar https://t.co/KqD384q84y — ANI (@ANI) October 2, 2026
credit – social media and Twitter
कॅप्टन स्मित यांच्या शौर्याचा केवळ भारतातच नव्हे, तर जागतिक स्तरावर मोठा गौरव केला जात आहे. इस्रायलचे पंतप्रधान बेंजामिन नेतान्याहू यांनी उघडपणे कॅप्टन स्मित यांना सलाम करत म्हटले की, “या भारतीय वैमानिकाने दाखवलेल्या अतुलनीय धाडसामुळे ९/११ सारखा भीषण दहशतवादी हल्ला टळला आणि आमच्या शेकडो नागरिकांचे प्राण वाचले”. याशिवाय अमेरिकेचे अध्यक्ष डोनाल्ड ट्रम्प यांच्यासह अनेक जागतिक नेत्यांनी आणि विमान वाहतूक क्षेत्रातील तज्ज्ञांनी कॅप्टन स्मित माच्छर यांच्या अद्वितीय धैर्याला मानाचा मुजरा केला आहे.
At the Centenary Celebrations of UPSC, PM @narendramodi spoke about the extraordinary courage of Captain Smit Machchhar, who displayed remarkable presence of mind during a mid-air emergency aboard a Flydubai flight. Despite being seriously injured, Captain Smit’s actions helped… pic.twitter.com/mQDdP3qx6b — MyGovIndia (@mygovindia) October 1, 2026
credit – social media and Twitter
जागतिक घडामोडी संबंधित बातम्या वाचण्यासाठी येथे क्लिक करा : Russia NATO Tension: ‘…तर आम्ही अणुहल्ला करू’; कॅलिनिनग्राडच्या वेढ्यावरून व्लादिमीर पुतिन यांचा नाटोला थेट इशारा
पंतप्रधानांशी बोलताना कॅप्टन स्मित अत्यंत भावूक झाले होते. त्यांनी या कठीण प्रसंगाचे वर्णन करताना सांगितले की, “त्या क्षणी मला वाटले होते की विमान नक्कीच कोसळणार आहे, परंतु माझ्या डोळ्यांसमोर शेकडो निरपराध प्रवाशांचे चेहरे होते. मी केवळ माझे कर्तव्य पार पाडण्याचा प्रयत्न करत होतो.” कॅप्टन स्मित यांनी विनम्रतेने सांगितले की, प्रवाशांचे प्राण त्यांनी नव्हे, तर भगवंताच्या कृपेने आणि सर्व टीमच्या सहकार्याने वाचले आहेत.
आपल्या कौशल्याने, मनोधैर्याने आणि कर्तव्याप्रती असलेल्या अथांग निष्ठेने कॅप्टन स्मित माच्छर यांनी हे सिद्ध केले की, भारतीय कधीही संकटापुढे झुकत नाहीत. त्यांनी दाखवलेला हा पराक्रम आणि प्रसंगावधान प्रत्येक भारतीयाच्या हृदयात अभिमानाची ज्योत तेवत ठेवणारा ठरला आहे.
