भारत-अमेरिकेने व्हावे सावध? चीनच्या नव्या अत्याधुनिक ड्रोन बॉम्बर GJ-X चे उड्डाण यशस्वी, जगभरात खळबळ

एक खळबळजनक वृत्त समोर आले आहे. चीनने पुन्हा एकदा आपली लष्करी ताकद दाखवण्यास सुरुवात केली आहे. नुकतेच चीनमध्ये एका अत्याधुनिक बॉम्ब ड्रोनचे उड्डाण करण्यात आले आहे, ज्याने संपूर्ण जगाचे लक्ष वेधले आहे.

भारत-अमेरिकेने व्हावे सावध? चीनच्या नव्या अत्याधुनिक ड्रोन बॉम्बर GJ-X चे उड्डाण यशस्वी, जगभरात खळबळ (फोटो सौजन्य: सोशल मीडिया)

Follow Us:

Follow Us:

• चीनने पुन्हा केले लष्करी ताकदीचे प्रदर्शन
• नव्या अत्याधुनिक ड्रोन बॉम्बरचे उड्डाणाने वेधले जगाचे लक्ष
• अमेरिका आणि भारतासाठी धोक्याची घंटा?

Jaish e mohammed: जैश-ए- मोहम्मदचा दहशतवादी बनण्यासाठी करावा लागणार कोर्स; मसूद अझहरने तयार केला अभ्यासक्रम

अमेरिकेच्या बॉम्बरप्रमाणे रचना

या नव्या अत्याधुनिक ड्रोन बॉम्बरचे नाव GJ-X आहे. मीडिया रिपोर्टनुसार, या ड्रोन बॉम्बरचा आकार आणि रचना अमेरिकेच्या प्रसिद्ध B-21 रायडर स्टेल्थ बॉम्बरप्रमाणे आहे. या ड्रोनचे पंख ४२ मीटर आहेत. या ड्रोनचे पहिले उड्डाण चीनच्या झिंजियांग प्रांतात मालन एअरबेसवर करण्यात आले होते. बिना पायलट चालणारे हे जगातील अत्यंत दुर्मिळ आणि अत्याधुनिक ड्रोन मानले जात आहे.

काय आहेत नव्या ड्रोन बॉम्बर्सची वैशिष्ट्ये

• द वॉर झोन या संरक्षणविषय वेबसाइटने दिलेल्या माहितीनुसार, या नव्या GJ-X ड्रोनचे स्वरुप बॉम्बवर्षाव करणाऱ्या ड्रोनसारखे आहे. यामध्ये दोन इंजिन्स बसवण्यात आले असल्याचे सांगितले जात आहे.
• तज्ज्ञांच्या मते, हे नवे ड्रोन चीनच्या H-20 स्टेल्थ बॉम्ब प्रकल्पाचा भाग आहे. चीनचे H-20 ड्रोन बॉम्ब हे दीर्घ पल्लापर्यंत मारा करणारे आहे. याच प्रमाणे GJ-X ही असल्याचे सांगण्यात येते.
• या ड्रोनचा आकार काहीसा चीनच्या CH-7 ड्रोनशी सुसंगत आहे.
• GJ-X हे अधिक शक्तिशाली आणि वेगवाने असल्याचे सांगितले जात आहे.
• हे नवे ड्रोन मध्यम पल्ल्याच्या अंतरावर मार करण्यासाठी विकसित करण्यात आले आहे. यामुळे हे ड्रोन चीनच्या हवाई मोहिमांमध्ये महत्त्वपूर्ण भूमिका बजावू शकते.
• हे ड्रोन मानवविरहित असून रडारपासून लपून राहून शकते.

– GJ-X UCAV: 42m wingspan stealth drone, tested October 19, 2025, at Malan base, Xinjiang.– Flying-wing design, WS-10C/WS-15 engines, 7,000+ km range, 15-20 hr endurance. – 2-4 tons payload for strike/ISR, AI-driven swarm tactics for A2/AD. 1/2 pic.twitter.com/Yy58aUY61S — Defence News Of INDIA (@DefenceNewsOfIN) October 20, 2025

भारत अमेरिकेचे चीनच्या लष्करी हालचालींवर नजर

गेल्या काही काळात चीनन सतत आपल्या लष्करी ताकदीत वाढ करत आहे. यामुळे आंतरराष्ट्रीय स्तरावर चिंतेचे वातावरण निर्माण झाले आहे. आशिया-प्रशांत प्रांतामध्ये धोरणात्मक भागीदारीमध्ये बदल होताना दिसत आहे. यामुळे भारत आणि अमेरिकेच्या संरक्षण क्षेत्राला मोठा धोका निर्माण होण्याची शक्यता आहे. यामुळे भारत आणि अमेरिका दोन्ही देश चीनच्या या लष्करी हालचालींवर बारकाईने लक्ष ठेवून आहे.

FAQs(संबंधित प्रश्न)

प्रश्न १. चीनचे GJ-X ड्रोन नेमके काय आहे?

चीनचे GJ-X ड्रोन हे नव्या पिढीचे स्टेल्थ बॉम्बर ड्रोन आहे. हे एक मानवविरहित ड्रोन आहे.

प्रश्न २. चीनच्या या नव्या अत्याधुनिक ड्रोनची तुलना कशाशी करण्यात आली आहे?

चीनच्या या नव्या अत्याधुनिक ड्रोनची तुलना ही अमेरिकेच्या B-21 रायडर स्टेल्थ बॉम्बरशी करण्यात आली आहे.

कोण आहे सिराज वहाज? ज्यासोबत फोटो शेअर करताच जोहर ममदानींवर संतापले ट्रम्प ; एलॉन मस्कने म्हटले…

Web Title: China stealth drone gj x spotted flying next gen bomber

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com