China's magnesium hydride super H-bomb test stuns the world surpassing atomic bomb power
China magnesium hydride bomb : चीनने नुकतीच एक अशी लष्करी चाचणी यशस्वीपणे पार पाडली आहे, जी भविष्यातील युद्धांचे रूपच बदलू शकते. एप्रिल महिन्यात चीनच्या स्टेट शिपबिल्डिंग कॉर्पोरेशन (CSSC) अंतर्गत 705 रिसर्च इन्स्टिट्यूटने एक नॉन-न्यूक्लियर, हायड्रोजनवर आधारित स्फोटकाची यशस्वी चाचणी घेतली आहे. या बॉम्बमध्ये रेडिएशनचा मागमूसही नाही, पण त्याचा विनाशक प्रभाव पारंपरिक अणुबॉम्बसारखाच – किंवा काही बाबतीत त्याहूनही अधिक – मानला जात आहे.
या बॉम्बचा आधार आहे मॅग्नेशियम हायड्राइड (MgH₂) हे संयुग. याचा मूळ उद्देश स्वच्छ ऊर्जा निर्मितीसाठी हायड्रोजन साठवणे होता, पण चिनी संशोधकांनी त्याचे रूपांतर एका अत्यंत विनाशक बॉम्बमध्ये केले आहे. MgH₂ गरम केल्यावर हायड्रोजन वायू सोडतो, जो प्रचंड उष्णता आणि जळणाऱ्या अग्निगोळ्याचे रूप धारण करतो. शास्त्रज्ञांच्या म्हणण्यानुसार, या बॉम्बचा स्फोट 1,000 अंश सेल्सिअसहून अधिक तापमान निर्माण करतो, आणि जर स्फोट दोन सेकंदांहून अधिक काळ टिकला, तर त्याची विनाशक क्षमता TNT पेक्षा 15 पट अधिक असते.
चिनी तंत्रज्ञान जर्नल “जर्नल ऑफ प्रोजेक्टाइल्स, रॉकेट्स, मिसाईल्स अँड गाइडन्स“ मध्ये प्रसिद्ध झाले असून, साउथ चायना मॉर्निंग पोस्टने याबाबत विशेष माहिती दिली आहे. या बॉम्बचे वैशिष्ट्य म्हणजे तो अणुबॉम्बप्रमाणे रेडिएशन पसरवत नाही, त्यामुळे तो अण्वस्त्र नियंत्रण करार (NPT) किंवा अणुचाचणी बंदी करारांमध्ये (CTBT) येत नाही. त्यामुळे चीन याचे खुलेआम उत्पादन करत आहे.
जागतिक घडामोडी संबंधित बातम्या वाचण्यासाठी येथे क्लिक करा : 300 वर्षांपूर्वी गोव्यातून निघालेलं पोर्तुगीज जहाज समुद्रात बुडालं; आता सापडला 12 अब्ज रुपयांचा खजिना
विशेष म्हणजे, पूर्वी केवळ काही ग्रॅम प्रमाणात तयार होणाऱ्या MgH₂ चा आता दरवर्षी 150 टनांपर्यंत उत्पादन सुरू आहे. शांक्सी प्रांतातील प्लांटमध्ये वन-पॉट सिंथेसिस तंत्रज्ञानाद्वारे हे शक्य झाले आहे. हे तंत्र सुरक्षित, जलद आणि कमी खर्चाचे आहे, जे युद्धात मोठा फरक घडवून आणू शकते.
CSSC 705 इन्स्टिट्यूटने विकसित केलेले हे उपकरण टॉर्पेडो, मानवरहित पाण्याखालील वाहन (UUV) किंवा अत्यंत अचूक हल्ल्यांसाठी वापरले जाऊ शकते. त्याचा आकार लहान आणि वजन अत्यंत कमी असल्यामुळे हे प्रिसिजन स्ट्राईकसाठी परिपूर्ण ठरते.
याची तुलना रशियाच्या TOS-1A थर्मोबॅरिक सिस्टमशी केली जाते, पण चिनी शस्त्र अधिक कॉम्पॅक्ट, टिकाऊ आणि रेडिएशनशिवाय आहे.
या बॉम्बचा स्फोट होतो तेव्हा परिसरातील ऑक्सिजन पूर्णपणे जळून जातो. परिणामी, शरीराचे अंतर्गत अवयव तात्काळ निष्क्रिय होतात. त्यामुळे हा स्फोट नागरी भागांमध्ये झाला, तर हिरोशिमा-नाकासाकीसारखा विनाश घडू शकतो – फक्त किरणोत्सर्गाशिवाय!
साउथ चायना मॉर्निंग पोस्टच्या अहवालानुसार, चीन भविष्यातील तैवान संघर्षात या बॉम्बचा वापर करू शकतो. भूमिगत बंकर किंवा शहरी किल्ल्यांना निष्क्रिय करण्यासाठी हे तंत्रज्ञान प्रभावी ठरू शकते. अमेरिका तैवानला लष्करी मदत करत असताना, चीनचे हे तंत्रज्ञान त्यांच्या रणनीतीला मोठे आव्हान देऊ शकते.
जागतिक घडामोडी संबंधित बातम्या वाचण्यासाठी येथे क्लिक करा : तुर्कीची S-400 पाकिस्तानला विकण्याची योजना; काय असणार अमेरिका आणि इस्रायलची भूमिका?
चीनच्या हायड्रोजन बेस्ड सुपर एच बॉम्बने आंतरराष्ट्रीय सुरक्षेच्या नियमांना चकवा देत युद्धाच्या भविष्याला एक नवीन, अधिक धोकादायक वळण दिले आहे. अणुशक्तीपेक्षा स्वस्त, रेडिएशनविरहित, आणि तितकाच विनाशक – अशा शस्त्राचा विस्तार आंतरराष्ट्रीय समुदायासाठी गंभीर चिंता निर्माण करत आहे.
.png "Videos"){kind=small}
