Bangladesh Violence : निवडणुकीपूर्वी बांगलादेशात भीषण संघर्ष! खालिदा जिया यांच्या BNP पक्षात झालेल्या लढाईत अनेक जखमी

Bangladesh Violence : बांगलादेशमध्ये भीषण संघर्ष सुरु आह. माजी पंतप्रधान खालिदा जिया यांच्या बीएनपी पक्षाच्या दोन प्रतिस्पर्धी गटांमध्ये ही लढाई झाली आहे. यामध्ये १०० हून अधिक लोक जखमी झाले आहेत.

• बांगलादेशात पुन्हा संघर्ष
• BNP पक्षाच्या दोन गटांत लढाई
• १०० हून अधिक जखमी

Bangaldesh Violence News in Marathi : ढाका : बांगलादेशात (Bangladesh) गेल्या काही काळात तणावपूर्ण वातावरण आहे. देशात अनेक पक्षांमध्ये आणि कट्टर गटांमध्ये हिंसक संघर्ष सुरु आहे. नुकतेच बांगलादेशच्या माजी पंतप्रधान खालिदा जिया (Khaleda Zia) यांच्या बीएनपी पक्षात वाद पेटला आहे. यामुळे भीषण परिस्थिती निर्माण झाली आहे. मिळालेल्या माहितीनुसार, फरीदपूर येथे बीएनपी पक्षाच्या दोन प्रतिस्पर्धी गटांमध्ये तीव्र चकमक उडाली आहे. दोन्ही गटांतील संघर्षात १०० हून अधिक लोक जखमी झाले आहे. सध्या परिस्थिती बिकट होत चालली असून याला नियंत्रित करण्यात पोलिस बंदोबस्त तैनात करण्यात आला आहे.

बांगलादेशच्या माजी पंतप्रधान खालिदा जिया रुग्णालयात दाखल; प्रकृती चिंताजनक

बीएनपीच्या दोन गटांमधील वादाचे हिंसाचारात रुपांतर

ढाकाच्या वृत्तसंस्थांनी दिलेल्या माहितीनुसार, फरीदपूर येथे सलथामधील बीएनपीच्या गट्टी युनियन नेते जाहिद मातुब्बोर आणि नुरू मातुब्बोर यांच्या समर्थकांमध्ये तणावाचे वातावरण निर्माण झाले आहे. दोन्ही गटांतील वादाने काल हिंसक रुप धारणे केले होते. यामुळे मोठा संघर्ष झाला. या संघर्षात अनेक लोक जखमी झाले आहे. दोन्ही गटांनी एकमेकांवर भाले, ढाल आणि बांबूच्या काठ्यांनी हल्ला केला. या संघर्षात अनेक घरांचे नुकसान झाले आहे.  शिवाय लूटमारही करण्यात आली आहे.

या संघर्षात आसपासच्या गावातील हजारो लोक सामील झाले होते. यामुळे परिसरात भीषण परिस्थिती निर्माण झाली आहे. मिळालेल्या माहितीनुसार, सध्या परिस्थितीवर नियंत्रण मिळवण्यात आले आहे. परंतु परिस्थिती अत्यंत बिकट झाली होती. हिंसाचार रोखण्यासाठी अतिरिक्त पोलिस दल तैनात करण्यात आले होते. यावेळी महिला आणि या संघर्षामुळे महिला आणि मुलांमध्ये भीतीचे वातावरण पसरले आहे. पोलिसांनी महिला आणि मुलांना सुरक्षित ठिकाणी नेले आहे. तसेच अनेक नागरिकही घराबाहेर पडण्यास घाबरत आहे.

काय आहे संघर्षाचे कारण?

मिळालेल्या माहितीनुसार, येत्या २०२६ फ्रेब्रुवारीमध्ये बांगलादेशच्या सार्वत्रिक निवडणुका होणार आहे. याच पार्श्वभूमीवर बांगलादेशातील अनेक जिल्ह्यांमध्ये सध्या तिकीट आणि उमेदवारीवरुन तणावाचे वातावरण आहे. दरम्यान शनिवारी (३० नोव्हेंबर) ला बीएनपी पक्षाच्या दोन गटांतील तणावाचे हिंसाचारात रुपांतर झाले. ज्यामुळे तीव्र संघर्ष झाला आहे. या संघर्षात बीएनपीचा एक सदस्याचा मृत्यू झाला असून १८ जण जखमी झाले आहेत. शिवाय या संघर्षात १०० हून अधिक लोक जखमी झाले आहेत. या लोकांनी रुग्णालयात दाखल करण्यात आले असून अनेकांची प्रकृती गंभीर असल्याचे ढाकाने वृत्त दिली आहे.

बीएनपी पक्षाच्या अध्यक्षा खालिदा जिया यांची प्रकृती गंभीर

याच वेळी बीएनपी पक्षाच्या अध्यक्षा खालिदा जिया यांना रुग्णालयात दाखल करण्यात आले आहे.  खालिदा जिया गेल्या अनेक वर्षांपासून किडनी, डायबेटिज, संधिताव, आणि डोळ्यांच्या समस्यांनी ग्रस्त असून त्यांच्यावर उपचार सुरु आहेत. त्यांच्या हृदयावर आणि फुफ्फुंसावर या आजारांचा परिणाम झाला आहे. सध्या त्यांची प्रकृती चिंताजनक आहे.

Tawheed Group : बांगलादेश पेटला! अल्पसंख्याकांवर पुन्हा हल्ले; दुर्गा पूजा ते बाउल रॅली, तौहिदी गटाचा हिंसाचार थांबता थांबेना