country halts flights for important national exam in south korea
CSAT flight suspension : दक्षिण कोरियामध्ये (South Korea) प्रत्येक वर्षी एक दिवस असा येतो, जेव्हा संपूर्ण देशाचे जीवन अक्षरशः संथ होते. ऑफिसेस उशिरा उघडतात, आर्थिक बाजारपेठांचा वेग मंदावतो, आणि सर्वांत आश्चर्यकारक म्हणजे देशातील विमानसेवाही थांबतात. कारण एकच दक्षिण कोरियाची सर्वात कठीण आणि भवितव्य ठरवणारी विद्यापीठ प्रवेश परीक्षा, सी-सॅट (CSAT).
या वर्षी गुरुवारी घेतलेल्या परीक्षेदरम्यान इंग्रजी श्रवण (Listening) चाचणीचा भाग येताच संपूर्ण देश शांततेत बुडाला.
दुपारी १:०५ ते १:४० या ३५ मिनिटांत कोणताही आवाज विद्यार्थ्यांपर्यंत पोहोचू नये, यासाठी:
ही घटना पाहून पुन्हा एकदा जगाला दक्षिण कोरियात शिक्षणाला किती मान दिला जातो हे स्पष्ट झाले.
जागतिक घडामोडी संबंधित बातम्या वाचण्यासाठी येथे क्लिक करा : Saudi-US : सौदीचा अमेरिकेकडे इतिहासातील सर्वात मोठा आग्रह; क्राउन प्रिन्सच्या ‘या’ चार अटींमुळे संपूर्ण जगाचे लक्ष खिळले
या वर्षी ५५४,१७४ विद्यार्थ्यांनी परीक्षा दिली, जी गेल्या सात वर्षांतील सर्वाधिक संख्या आहे.
यातील बहुसंख्य विद्यार्थी २००७ साली जन्मलेले होते. दक्षिण कोरियात 2007 वर्ष मुलांसाठी ‘शुभ’ मानले जात असल्याने त्या वर्षी जन्मदर वाढला होता. आता तेच विद्यार्थी परीक्षेसाठी हजर झाले.
सी-सॅट परीक्षा का इतकी महत्त्वाची?
कारण दक्षिण कोरियातील स्पर्धात्मक शिक्षण व्यवस्थेत:
याचा मोठा भाग या एकाच ९ तासांच्या परीक्षेवर अवलंबून असतो.
या परीक्षेच्या दिवशी विद्यार्थ्यांना वेळेवर पोहोचण्यासाठी पोलीस विशेष ताफे तैनात केले जातात. वाहतूक सिग्नलला विद्यार्थ्यांची गाडी दिसली की प्राधान्य दिले जाते. काही आई-वडील मंदिरात प्रार्थना करण्यासाठी रांगेत उभे राहतात, तर काही परीक्षा केंद्राबाहेर चिंतेत वाट बघत बसतात.
एक आईने सांगितले,
“ही परीक्षा जवळजवळ २० वर्षांचा प्रवास आहे. माझ्या मुलीचे भविष्य आता नव्या मार्गावर चालू होणार आहे.”
जागतिक घडामोडी संबंधित बातम्या वाचण्यासाठी येथे क्लिक करा : India-Bangladesh संबंधात नवा ट्विस्ट; खलीलूर रहमान आणि अजित डोवाल भेट अन् शेख हसिनांचा अमेरिकेवर ‘यू-टर्न’
सी-सॅट ही फक्त परीक्षा नाही… ती दक्षिण कोरियाचा सामाजिक ताण, महत्त्वाकांक्षा आणि यशाची निर्णायक शर्यत आहे.
या दिवशी देशातील वातावरण इतके बदलते की शेअर बाजार, कंपन्या, सरकारी कार्यालये सर्व काही एक तास उशिरा सुरू होते.
२००७ मध्ये जवळपास ४,९६,००० बाळांचा जन्म झाला एक मोठी संख्या, कारण दक्षिण कोरियाचा जन्मदर दशकानुदशके कम होत आहे.
२०२४ मध्येसुद्धा देशाचा जन्मदर फक्त ०.७५ इतका असल्याचा अंदाज आहे, जो जगातील सर्वात कमी दरांपैकी एक आहे. यामुळे २००७ चा “शुभ वर्ष” बॅच आता सर्वात मोठी परीक्षार्थी गट म्हणून समोर आली आहे.
.png "Videos"){kind=small}
