Trump Fires Army Chief Randy George and 2 Generals Amid Iran War
अमेरिकेचे संरक्षणमंत्री पीट हेगसेथ यांनी रन्डी जॉर्ज यांच्यासह अन्य दोन जनरल्सना बडतर्फ केले आहे. हा निर्णय अशा वेळी घेण्यात आला आहे, जेव्हा अमेरिका इराणविरुद्ध युद्धात (US Iran War) गुंतलेली आहे. रॅन्डी जॉर्ज हे ऑगस्ट २०२३ पासून या पदावर होते. बायडेन प्रशासनाच्या काळात ४ वर्षांसाठी त्यांची नियुक्ती झाली होती. विशेष म्हणजे, हेगसेथ यांनी पदभार स्वीकारल्यापासून आतापर्यंत दोन डझनहून अधिक टॉप जनरल्स आणि ॲडमिरल्सना हटवण्यात आले आहे.
हटवण्यात आलेले रॅन्डी जॉर्ज यांनी पहिल्या खाडी युद्धासह इराक आणि अफगाणिस्तानात सेवा बजावली आहे. त्यांनी २०२१-२०२२ मध्ये बायडेन प्रशासनाच्या काळात संरक्षण सचिव लॉईड ऑस्टिन याचे प्रमुख लष्करी सहाय्यक म्हणूनही काम पाहिले. फेब्रुवारी २०२५ मध्ये ट्रम्प प्रशासनाच्या सुरुवातीलाच रॅन्डी जॉर्ज यांना हटवण्याचे प्रयत्न झाले होते, परंतु त्यावेळी ते बचावले होते.
संरक्षणमंत्री हेगसेथ यांनी यापूर्वी नेशीच्या टॉप अधिकारी ॲडमिरल लिसा फ्रांबेटी आणि एअर फोर्सच्या जनरल जिम स्लाईफ यांच्यासह अनेक कमांडर्सना हटवले आहे. ट्रम्प यांनी जॉइंट चीपस ऑफ स्टाफचे अध्यक्ष जनरल चार्ल्स सीक्यू’ ब्राउन ज्युनियर यांनाही पदावरून काढले होते, तेव्हापासून डझनभर वरिष्ठ अधिकारी एकतर मुदतपूर्व निवृत्त झाले किंवा त्यांना काढण्यात आले आहे.
रॅन्डी जॉर्ज यांच्यासोबतच आर्मी जनरल डेव्हिड होडने आणि मेजर जनरल विल्यम ग्रीन या अधिकाऱ्यांनाही घरचा रस्ता दाखवण्यात आला आहे. जनरल डेव्हिड होडने हे ‘आर्मी ट्रान्सफॉर्मेशन अँड ट्रेनिंग कमांड’ चे प्रमुख होते. डिसेंबरमध्ये स्थापन करण्यात आलेल्या या युनिटचा लष्कराच्या आधुनिकीकरणाच्या मोहिमेत मोठा सहभाग होता. मेजर जनरल विल्यम ग्रीन हे लष्कराचे ‘चीफ ऑफ चॅपलेन्स’ (धर्माधिकारी प्रमुख) होते.
रॅन्डी जॉर्ज यांच्या हकालपट्टीनंतर जनरल ख्रिस्तोफर ला नीव याची प्रभारी लष्करप्रमुख म्हणून नियुक्ती करण्यात आली आहे. ला नीव हे गेल्या ऑक्टोबरमध्ये ट्रम्प याच्याद्वारे आमी वाईस चीफ ऑफ स्टाफ पदासाठी नामांकित झाले, त्यावेळी ते हेगसेथ यांचे टॉप सैन्य सल्लागार होते. अवध्या दोन वर्षांपूर्वी ते ‘टू-स्टार जनरल’ होते, त्यामुळे त्यांची ही पदोन्नती अत्यंत वेगवान मानली जात आहे.
इराणच्या लष्कराने अमेरिकेच्या ज्या एफ-१५ ई लढाऊ विमानाला पाडून नष्ट केले, त्या विमानाचा वैमानिक सध्या कुठे आहे? हा प्रश्न सध्या वॉशिंग्टनपासून ते तेहरानपर्यंत सर्वत्र चर्चेचा विषय बनला आहे. तथापि, ताज्या माहितीनुसार अमेरिकेने विमानातील एका कर्मचाऱ्याची (क्रू मेंबरची) इराणमधून यशस्वीपणे सुटका केली आहे.
अमेरिका आणि इस्रायलच्या अधिकाऱ्यांचा हवाला देत ‘द न्यूयॉर्क टाइम्स’ने दिलेल्या वृत्तानुसार, इराणी सैन्य घटनास्थळी पोहोचण्यापूर्वीच अमेरिकेच्या लष्कराने शोध आणि बचाव मोहीम हाती घेतली होती. त्यात दोन कर्मचाऱ्यांपैकी एकाची यशस्वीपणे सुटका केली आहे.
डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.
Ans: इराणवर जमिनीवरुन हल्ला करण्याच्या ट्रम्प यांच्या निर्णायवरुन अमेरिकन लष्करात नाराजी निर्माण झाली आहे.
Ans: इराणवर जमिनीवरुन हल्ला करण्याच्या मुद्द्यावरुन लष्करात नाराजी निर्माण झाली आहे. यामुळे ट्रम्प यांनी आर्मी चीफ रॅन्डी जॉर्ज यांना पदावरुन काढून टाकले.
Ans: जॉर्ज रॅन्डी यांच्यासह दोन वरिष्ठ अधिकारी जनरल जेव्हिड होडने आणि मेजर जनरल विल्यम ग्रीन यांना पदावरुन हटवण्यता आले आहे.
.png "Videos"){kind=small}
