Donald Trump चा यु-टर्न! IRGC ला फसवले, खाडीत सेटिंग, F-35, B2 बॉम्बर्समध्ये व्यवस्था

जेव्हा डोनाल्ड ट्रम्प यांनी युद्धाच्या २४ व्या दिवशी अचानक युद्धविरामाचे संकेत दिले, तेव्हा खळबळ उडाली. इराणने ट्रम्प यांच्या घोषणेचा निषेध करत, आपण अशा कोणत्याही चर्चेत सहभागी नसल्याचे सांगितले

• डोनाल्ड ट्रम्पचा सपशेल यु टर्न 

• युद्धविरामाचे संकेत नसल्याचे सांगितले 

• काय आहे खरा हेतू 

अमेरिकेचे अध्यक्ष डोनाल्ड ट्रम्प यांनी इराणसोबत संभाव्य तात्पुरत्या युद्धविरामाचे संकेत दिले आहेत. त्यांच्या ४८ तासांची मुदत संपण्याच्या काही तास आधी, त्यांनी घोषणा केली की ते पुढील पाच दिवस इराणच्या कोणत्याही वीज प्रकल्पांवर हल्ला करणार नाहीत. त्यांनी असाही दावा केला की ते इराणसोबत सतत संवाद साधत आहेत आणि या संघर्षावर लवकरच तोडगा काढला जाईल. विशेष म्हणजे, ज्या इराणशी बोलत असल्याचा ट्रम्प यांनी दावा केला होता, तो देशच या दाव्याने चकित झाला. ट्रम्प खोटे बोलत असल्याचे इराणने स्पष्टपणे सांगितले.

डोनाल्ड ट्रम्प यांच्या दाव्यानंतर लगेचच, सौदी अरेबिया आणि संयुक्त अरब अमिराती आखाती युद्धात थेट सहभागी होण्याच्या जवळ असल्याचे नवीन माहिती समोर आली. अमेरिकन वृत्तपत्र ‘द वॉल स्ट्रीट जर्नल’च्या वृत्तानुसार, दोन्ही देशांनी अशी पावले उचलली आहेत, ज्यामुळे युद्धाच्या उद्रेकाचे संकेत मिळू शकतात. तज्ज्ञांचे म्हणणे आहे की यामुळे अमेरिकेला हवाई हल्ले करणे आणि इराणच्या आर्थिक नेटवर्कला लक्ष्य करण्यासाठी एक नवीन आघाडी उघडणे शक्य होऊ शकते.

“… मोठे दुष्परिणाम होण्याची भीती”; Iran Israel युद्धावर पंतप्रधान मोदींचे मोठे भाष्य

हा डोनाल्ड ट्रम्प यांचा खरा डाव आहे!

• ‘द वॉल स्ट्रीट जर्नल’च्या वृत्तानुसार, सौदी अरेबियाने अमेरिकी सैन्याला किंग फहद हवाई तळावर प्रवेश दिला आहे. पूर्वी सौदी अरेबियाने आपला तळ इराणविरुद्ध वापरला जाणार नाही असे म्हटले होते, परंतु आता त्यात बदल झाला आहे, जो अमेरिकेसाठी एक मोठा फायदा आहे
• संयुक्त अरब अमिरातीची (UAE) भूमिकाही बदलली आहे. त्यांनी इराणच्या मालकीचे एक रुग्णालय आणि क्लब बंद केले आहे, ज्यामुळे तेहरानच्या समर्थन नेटवर्कवर परिणाम झाला आहे
• या हालचालींवरून असे दिसून येते की पर्शियन आखातातील अमेरिकेचे मित्र देश हळूहळू या संघर्षात थेट सामील होत आहेत, कारण सततच्या हल्ल्यांमुळे त्यांच्या अर्थव्यवस्थांवर परिणाम झाला आहे आणि होर्मुझच्या सामुद्रधुनीतील इराणच्या प्रभावाबद्दल चिंता वाढली आहे
• या अहवालात असेही म्हटले आहे की, बहरीनमधून इराणवर क्षेपणास्त्रे डागल्याचे व्हिडिओ समोर आले आहेत, तथापि अमेरिकेच्या लष्कराने शेजारील देशांकडून मदत मिळत असल्याची पुष्टी केली नाही.

चर्चा हे केवळ एक निमित्त आहे; इराणचा मुद्दा हाताळलाच पाहिजे

डोनाल्ड ट्रम्प जे म्हणाले ते केवळ देखाव्यासाठी आहे. आपण इराणचे अध्यक्ष मोहम्मद बागेर गालिबाफ यांच्याशी बोलत असल्याचा ट्रम्प यांचा वारंवारचा दावा, इराणची लष्करी तुकडी असलेल्या इस्लामिक रिव्होल्यूशनरी गार्ड कॉर्प्सच्या मनात संभाव्यतः शंका निर्माण करत आहे. आतापर्यंत इराणचे उर्वरित नेते एकजूट होते, पण ट्रम्प यांनी अध्यक्षांशी चर्चा करण्याबद्दल बोलताच ही एकजूट डळमळू लागली. मोहम्मद बागेर यांनी ही खोटी बातमी असल्याचा कितीही दावा केला तरी, संशयाचे वातावरण आधीच निर्माण झाले आहे. ट्रम्प यांना याचा फायदा घेऊन इराणला घेरण्याचे धोरण आखायचे आहे. या पाच दिवसांत, ते आखाती देशांसोबत एक अशी रणनीती देखील विकसित करतील, जी त्यांना हे युद्ध त्याच्या समाप्तीपर्यंत नेण्यास मदत करू शकेल.

Iran-Israel War : इराण-इस्त्रायल युद्धात भारताने करावी मध्यस्थी; संघर्ष पोहोचलाय अणूयुद्धाच्या उंबरठ्यावर