मंगळवार, 10 नोव्हेंबर 2026
World War 3 : भारत-पाकिस्तान अणुयुद्ध सुरु होणार? इराणमधील युद्धाच्या पार्श्वभूमीवर धक्कादायक अहवाल आला समोर ( फोटो सौजन्य : सोशल मीडिया )
India Pakistan Nuclear War Threat 2026 : १८ मार्च २०२६ रोजी अमेरिकेच्या सिनेटमध्ये एक असा अहवाल सादर करण्यात आला, ज्याने दक्षिण आशियासह संपूर्ण जगाची झोप उडवली आहे. अमेरिकन इंटेलिजन्स कम्युनिटीच्या ‘ॲन्युअल थ्रेट असेसमेंट’ (Annual Threat Assessment) या ३४ पानांच्या दस्तऐवजात भारत आणि पाकिस्तानमधील तणावावर (India Pakistan Nuclear War Threat) अत्यंत गंभीर भाष्य करण्यात आले आहे. इराण आणि इस्रायलमधील युद्धाच्या पार्श्वभूमीवर हा अहवाल आल्याने जागतिक राजकारणात खळबळ उडाली आहे.
अमेरिकेच्या राष्ट्रीय गुप्तचर संचालक तुलसी गबार्ड यांनी सिनेटच्या समितीसमोर बोलताना थेट पाकिस्तानच्या क्षेपणास्त्र क्षमतेवर बोट ठेवले. गबार्ड यांच्या मते, पाकिस्तानकडे असलेली लांब पल्ल्याची बॅलिस्टिक क्षेपणास्त्रे आता इतकी प्रगत झाली आहेत की ती थेट अमेरिकेलाही लक्ष्य करू शकतात. रशिया, चीन, उत्तर कोरिया आणि इराण यांच्यासोबतच पाकिस्तान देखील आपली आण्विक शस्त्रप्रणाली अधिक आधुनिक करत आहे. २०२५ पर्यंत जगात तैनात असलेल्या क्षेपणास्त्रांची संख्या १६,००० च्या पार जाण्याचा अंदाज असून, ही बाब जागतिक सुरक्षेसाठी अत्यंत चिंताजनक आहे.
जागतिक घडामोडी संबंधित बातम्या वाचण्यासाठी येथे क्लिक करा : ऊर्जा युद्धाचा उद्रेक! गॅस तुटवडा आणणार रडकुंडीला; इराणच्या ‘South Pars Gas Field’वर हल्ला म्हणजे स्फोटक परिस्थितीचा कळस
अहवालानुसार, भारत आणि पाकिस्तानमधील संबंधांमध्ये असलेला ऐतिहासिक तणाव अणुयुद्धाला निमंत्रण देऊ शकतो. जरी दोन्ही देशांचे सरकार सध्या उघड संघर्षात उतरण्यास उत्सुक नसले, तरीही दहशतवादी गट ‘कॅटलिस्ट’ (Catalyst) म्हणून काम करू शकतात. गेल्या वर्षी पहलगामजवळ झालेल्या दहशतवादी हल्ल्याचा दाखला देत अहवालात म्हटले आहे की, अशा प्रकारच्या घटनांमुळे दोन्ही अण्वस्त्रधारी देशांमधील संयम सुटू शकतो आणि परिस्थिती नियंत्रणाबाहेर जाऊ शकते.
अहवालात नमूद करण्यात आले आहे की, अमेरिकेचे राष्ट्राध्यक्ष डोनाल्ड ट्रम्प यांच्या सक्रिय हस्तक्षेपामुळे गेल्या काही काळातील अणुसंघर्षाचा तणाव कमी झाला आहे. मात्र, पाकिस्तान आणि अफगाणिस्तानातील तालिबान राजवटीमधील संबंध बिघडत चालले आहेत. अफगाणिस्तानच्या भूमीवरून पाकिस्तानमध्ये होणारे दहशतवादी हल्ले इस्लामाबादची चिंता वाढवत आहेत. यामुळे पाकिस्तानचे लक्ष एकाच वेळी भारताच्या सीमेवर आणि अफगाण सीमेवर असल्याने दक्षिण आशियातील अस्थिरता वाढत आहे.
#US | US intelligence chief Tulsi Gabbard said that Pakistan is among the countries posing the biggest nuclear threat to the United States@RShivshankar | #TheHardFacts pic.twitter.com/sARIcMYO1s — News18 (@CNNnews18) March 18, 2026
credit – social media and Twitter
तुलसी गबार्ड यांनी केवळ पारंपरिक युद्धाचाच नाही, तर प्रगत तंत्रज्ञानाचाही उल्लेख केला. रशिया, चीन आणि पाकिस्तान नवीन आणि प्रगत क्षेपणास्त्र वितरण प्रणालीवर काम करत आहेत. यामध्ये हायपरसोनिक क्षेपणास्त्रे आणि आधुनिक पेलोडचा समावेश आहे. यामुळे अमेरिकेच्या सुरक्षित आण्विक प्रतिबंधक शक्तीला (Nuclear Deterrent Force) भविष्यात मोठे आव्हान मिळू शकते.
जागतिक घडामोडी संबंधित बातम्या वाचण्यासाठी येथे क्लिक करा : World War 3 : अधिक भयावह युद्धपरिणाम! इराणचा सौदीच्या सर्वात मोठ्या रिफायनरीवर भीषण हल्ला; इंधन दरवाढ पेटवणार महागाईची आग
भारतासाठी हा अहवाल एकाच वेळी इशारा आणि संधी आहे. एकीकडे दहशतवादाविरोधातील भारताची भूमिका जागतिक स्तरावर अधोरेखित झाली आहे, तर दुसरीकडे पाकिस्तानच्या अण्वस्त्रांच्या वाढत्या धोक्यामुळे भारताला आपली संरक्षण सज्जता अधिक कडक करावी लागणार आहे. इराणमधील युद्धाचा धूर शांत होत नाही तोच, भारत-पाकिस्तान दरम्यानच्या या नव्या ‘अणू धोक्या’मुळे जागतिक समुदायाने आता दक्षिण आशियाकडे गांभीर्याने पाहणे सुरू केले आहे.
Ans: अहवालानुसार, दोन्ही देशांमध्ये थेट युद्धाचा विचार नसला तरी दहशतवादी हल्ल्यांमुळे परिस्थिती चिघळून अणुयुद्धाचा धोका निर्माण होऊ शकतो.
Ans: गबार्ड यांच्या मते, पाकिस्तानची बॅलिस्टिक क्षेपणास्त्रे अमेरिकेला लक्ष्य करण्यास सक्षम असू शकतात आणि २०३५ पर्यंत जागतिक क्षेपणास्त्रांचा धोका प्रचंड वाढणार आहे.
Ans: राष्ट्राध्यक्ष ट्रम्प यांच्या मध्यस्थीमुळे आणि हस्तक्षेपामुळे भारत-पाकिस्तानमधील अणुसंघर्षाचा धोका काही प्रमाणात टळला असल्याचे अहवालात नमूद केले आहे.
