Falah-e-Insaniyat Foundation, tied to banned groups allegedly gets USAID funds
USAID : यूएस एजन्सी फॉर इंटरनॅशनल डेव्हलपमेंट (USAID) ही यूएस सरकारची वैधानिक संस्था आहे. मात्र, या एजन्सीकडून मिळणारा पैसा भारतविरोधी कारवायांमध्ये गुंतलेल्या संघटनांकडे जात असे हे फार कमी लोकांना माहीत आहे. फलाह-ए-इन्सानियत फाउंडेशन (FIF), जी हाफिज सईदच्या लष्कर-ए-तैयबा (LET) ची आघाडीची संघटना आहे. या गटाला USAID मार्फत निधी मिळाला. हे फाउंडेशन पाकिस्तानमधून चालते आणि दहशतवादी कारवायांमध्ये सामील असल्याचे आढळून आले आहे. यूएसएआयडीवर भारतविरोधी दहशतवादी संघटना फलाह-ए-इन्सानियत फाऊंडेशनला निधी पुरवल्याचा आरोप आहे.
यूएसएआयडीला भारतविरोधी कार्यकर्ते जॉर्ज सोरोस यांच्याकडून निधी मिळाल्याचे सांगण्यात येते. फलाह-ए-इन्सानियत फाउंडेशनचा संबंध लष्कर-ए-तैयबा आणि जमात-उद-दावा (JUD) यांच्याशी आहे, ज्यांना 26/11 च्या मुंबई हल्ल्यासाठी जबाबदार धरण्यात आले होते. एकेकाळी अमेरिकन सरकारने अशा संस्थांवर बंदी घातली होती, तरीही त्यांना USAID मार्फत पैसे मिळत राहिले.
USAID बंद करण्याचे ट्रम्प प्रशासनाचे पाऊल
डोनाल्ड ट्रम्प यांनी दुसऱ्यांदा राष्ट्राध्यक्ष बनताच USAID बंद करण्याचे आदेश दिले. ट्रम्प प्रशासनाने एजन्सीवर अमेरिकन करदात्यांच्या पैशांचा गैरवापर केल्याचा आरोप केला. USAID बंद करण्यात आले, त्याचे सर्व अधिकारी आणि कर्मचाऱ्यांना रजेवर पाठवण्यात आले आणि जगभरात काम करणाऱ्या कर्मचाऱ्यांना अमेरिकेत परतण्याचे आदेश देण्यात आले.
जागतिक घडामोडी संबंधित बातम्या वाचण्यासाठी येथे क्लिक करा : किलर ड्रोन, फायटर जेट… तुर्किये बनणार Defense Industry चा नवा राजा; भारताचा तणाव वाढणार
फलाह-ए-इन्सानियत फाउंडेशनचे सत्य
फलाह-ए-इन्सानियत फाउंडेशन (FIF) ला अमेरिका आणि भारताने लष्कर-ए-तैयबाची मदत करणारी संघटना म्हणून संबोधले आहे. जेव्हा लष्कर-ए-तैयबा आणि जमात-उद-दावावर बंदी घालण्यात आली तेव्हा तपास आणि मंजुरी टाळण्यासाठी FIF ची स्थापना करण्यात आली. 2010 पर्यंत या फाऊंडेशनला USAID मार्फत निधी मिळत राहिला, तरीही अमेरिकेनेच या संस्थेला प्रतिबंधित दहशतवादी संघटना घोषित केले.
FIF वर अमेरिकेचे निर्बंध आणि निधीचा वाद
यूएस स्टेट डिपार्टमेंटच्या म्हणण्यानुसार, फलाह-ए-इन्सानियत फाउंडेशन ही पाकिस्तानमधील संघटना आहे, जी लष्कर-ए-तैयबा आणि जमात-उद-दावा यांच्याशी खोलवर जोडलेली आहे. अमेरिकन सरकारने या संस्थेवर बंदी घातली असूनही, यूएसएआयडीच्या माध्यमातून तिला निधी मिळत राहिला.
जागतिक घडामोडी संबंधित बातम्या वाचण्यासाठी येथे क्लिक करा : पूर्ण होणार अखंड भारताचे स्वप्न; संरक्षण बजेट आणि नौदलाची ताकद पाहून ‘या’ शत्रूदेशाचे तज्ज्ञही थक्क
FIF ला निधी कसा मिळत राहिला?
USAID ने हेल्पिंग हँड फॉर रिलीफ अँड डेव्हलपमेंट (HHRD) द्वारे FIF ला मदत दिली. HHRD ही दक्षिण आशियातील जिहादी संघटनांशी संबंध असलेली मिशिगन-आधारित इस्लामिक धर्मादाय संस्था आहे. USAID आणि फलाह-ए-इन्सानियत फाउंडेशन यांच्यातील निधीमुळे अनेक प्रश्न निर्माण झाले आहेत. अमेरिकेच्या बंदीनंतरही, FIF चा निधी आणि लष्कर-ए-तैयबासारख्या संघटनांशी असलेले संबंध हा अमेरिका आणि इतर देशांसाठी चिंतेचा विषय आहे.
.png "Videos"){kind=small}
