अमेरिका संकटात? चीनने तयार केले सहाव्या पिढीतील अत्याधुनिक लढाऊ विमान

सध्या चीन आणि अमेरिकेत तीव्र व्यापार युद्ध सुरु आहे. या व्यापर युद्धाचा परिणाम जागतिक स्तरावर होत आहे. चीन अमेरिकाला सतत आव्हान देत असते. व्यापर युद्ध असो वा शस्त्र युद्ध चीनने नेहमीच अमेरिकेला आव्हान दिले आहे.

बिजिंग: सध्या चीन आणि अमेरिकेत तीव्र व्यापार युद्ध सुरु आहे. या व्यापर युद्धाचा परिणाम जागतिक स्तरावर होत आहे. चीन अमेरिकाला सतत आव्हान देत असते. व्यापर युद्ध असो वा शस्त्र युद्ध चीनने नेहमीच अमेरिकेला आव्हान दिले आहे. अमेरिकेच्या प्रत्येक आव्हानाला उत्तर देण्यास चीन तयार असल्याचे चीनने म्हटले आहे. दरम्यान पुन्हा एकदा अमेरिकेची चिंता वाढण्याची शक्यता आहे. कारण अलीकडेच चीनने आपल्या नव्या पिढीच्या लढाऊ विमानांची ताकदीचे प्रदर्शन केले आहे. यामुळे जागतिक धोरणात्मक समीकरणे बदलण्याची शक्यता आहे.

मिळालेल्या माहितीनुसार, चीनने आपल्या J-36 आणि J-50 या दोन अत्याधुनिक फाइटर जेट्सची टेस्टिंग जोरात सुरू केली आहे. हे लढाऊ विमाने सहाव्या पिढीतील लढाऊ विमाने मानली जात आहे. यामुळे अमेरिका आणि इतर पाश्चात्त्य देशांमध्ये खळबळ उडाली आहे.

जागतिक घडामोडी संबंधित बातम्या- ‘या’ कारणामुळे इराण अमेरिकेशी थेट चर्चा करत नाही; जाणून घ्या काय आहे नेमकं प्रकरण?

See more

New images of China’s 6th-generation fighter jet, developed by the Shenyang Aircraft Corporation (SAC). The J-XDS (aka J-50). pic.twitter.com/o4YCMMHTqu — Clash Report (@clashreport) April 17, 2025

लढाऊ विमानांची वैशिष्ट्ये

• अलीकडेच चीनमध्ये  J-36 लढाऊ विमानाची टेस्टिंगट होत असल्याची माहिती समोर आली. हे विमान चेंग्दू एअरक्राफ्ट कॉर्पोरेशन कंंपनीने विकसित केले असून, याचे डिझाईन पूर्णपणे टेललेस आहे.
• या अत्याधुनिक लढाऊ विमानात तीन WS-10C टर्बोफॅन इंजिन्स आहेत. या इंजिन्समुळे विमान अत्यंत वेगाने आणि मोठ्या उंचीवर दीर्घ अंतरावर उडू शकते.
• विशेष म्हणजे, या विमानात दोन पायलट बसू शकतात. या विमानातील एक ड्रोन नियंत्रणासाठी आहे.
• यामध्ये इलेक्ट्रो-ऑप्टिकल सेन्सर आणि साइड लुकिंग एयरबोर्ड रडारसारखी अत्याधुनिक उपकरणे बसवण्यात आली आहेत. हे विमान पारंपरिक पाचव्या पिढीच्या विमानांच्या तुलनेत अधिक शस्त्रसज्ज असल्याचे सांगितले जात आहे.
• तसेच शेनयांग एअरक्राफ्ट कॉर्पोरेशनकडून J-50 नावाचे दुसरे प्रोटोटाइप विमान उत्तरेकडील चीनमधील एका प्लांटजवळ उडातना दिसले आहे. हे विमान देखील सहाव्या पिढीचे असल्याचा दावा केला जात आहे.

चीनच्या या कृतीतून दिसून येते की, अमेरिका संरक्षण क्षेत्रात ड्रॅगन थेट आव्हान देत आहे. सध्या अमेरिका F-47 च्या सहाव्या पिढीच्या विमानवर काम करत आहे. परंतु चीनने देखील त्यांच्या प्रोटोटाइप्सची प्रत्यक्ष झलक दाखवली आहे. चीनने अमेरिकाला अप्रत्यक्ष संदेश दिला आहे की, ड्रॅगन कोणत्याही लढाईसाठी सज्ज आहे. सध्या व्यापारी, तांत्रिक आणि लष्करी क्षेत्रात अमेरिका-चीन दरम्यानचा संघर्ष आता आणखी तीव्र होण्याची शक्यता आहे.

जागतिक घडामोडी संबंधित बातम्या- पुतिन यांच्या 30 तासांच्या युद्धबंदीच्या घोषणेनंतरही रशियन हल्ले सुरूच; झेलेन्स्की यांचा दावा