न्यूयॉर्कमध्ये पर्यटक बसचा भीषण अपघात; भारतीयांसह पाच परदेशींचा बळी, अनेक जखमी

Newyork Bus Accident : अमेरिकेच्या न्यूयॉर्क राज्यात पर्यटक बसचा भीषण अपघात झाला आहे. नायग्राफॉल्सवरुन न्यूयॉर्क शहराकडे जात असातना हा अपघात घडला आहे. यामध्ये पाच जणांचा मृत्यू झाला आहे.

• अमेरिकेच्या न्यूयॉर्क राज्यात पर्यटक बसचा अपघात
• पाच जणांचा मृत्यू, अनेक जखमी
• मृतांमध्ये भारतीयांचाही समावेश

NewYork Bus Accident news in Marathi : वॉशिंग्टन : अमेरिकेच्या (America) न्यूयॉर्क राज्यात एक मोठी दुर्घटना घडली आहे. शुक्रवारी (२२ ऑगस्ट) स्थानिक वेळेनुसार दुपारी नायग्राफॉन्सवरुन न्यूयॉर्क शहराकडे जाणाऱ्या बसचा दुर्दैवी अपघात झाला. एक मोठी पर्यटक बस माहामार्गावर उलटली आहे. मिळालेल्या माहितीनुसार या अपघाता पाच जणांचा मृत्यू झाला आहे, तर अनेकजण जखमी झाले आहेत.

पोलिसांनी दिलेल्या माहितीनुसार, मृतांमध्ये भारतीय, चीन आणि फिलिपिन्सच्या नागरिकांचा समावेश आहे.  घटनेची माहिती मिळाताच आपत्कालीन सेवा आणि बचाव पथकांनी घटनास्थळी धाव घेतली होती. त्यांनी तातडीने लोकांना बसमधून बाहेर काढण्याचे काम सुरु केले. अधिकाऱ्यांनी दिलेल्या माहितीनुसार बसमध्ये एकूण ५४ प्रवासी होती.

Video: पाणी, हवा जमीन! इराणने दाखवली आपली ताकद; 1 मिनिटांत डागली ‘इतकी’ घातक मिसाईल्स, जग हादरले

बसचालकाचे लक्ष विचलित झाले आणि बसवरील नियंत्रण सुटले

न्यूयॉर्कचे पोलिस अधिकारी मेजर आंद्रे रे यांनी दिलेल्या माहितीनुसार, बसचालकाचे नियंत्रण सुटल्याने हा अपघात झाल्याची शक्यता आहे. त्याचे लक्ष विचलित झाले आणि त्याने बसवरील नियंत्रण गमावले असे आंद्रे रे यांनी म्हटले.

या घटनेच्या तापासात कोणताही तांत्रिक बिघाड सापडला नाही. तसेच बस ड्रायव्हरने मद्यपानही केले नव्हते. पोलिसांनी दिलेल्या माहितीनुसार, न्यूयॉर्कच्या बफेलो शहरापासून ४० किलोमीटर अंतरावर पेम्ब्रोक भागात हा अपघात घडला.

कोणीही गंभीर जखमी नाही

शिवाय प्रवाशांना सीटबेल्टचा वापक केला नव्हता. यामुळे बसल उलटताना खिडक्या फुटल्या आणि प्रवासी बाहेर फेकले गेले. पोलिसांनी दिलेल्या माहितीनुसार, जखमींना हेलिकॉप्टर आणि रुग्णवाहिकेच्या मदतीने जवळच्या रुग्णालयात दाखल करण्यात आले आहे. उपचारानंतर त्यांना घरी सोडण्यात आले असल्याचे आणि कोणीही गंभीर जखमी नसल्याचे पोलिसांनी स्पष्ट केले.

न्यूयॉर्कच्या राज्यापालांना केला शोक व्यक्त

न्यूयॉर्कच्या राज्यापाल कॅथी होचुल यांनी या घटनेवर शोक व्यक्त केला आहे. त्यांनी अपघातात मृत पावलेल्यांच्या कुटुंबीयांप्रती तीव्र संवेदना व्यक्त केल्या आहेत. तसेच त्यांना राज्य पोलिसा आणि स्थानिक प्रशासनाशी संपर्क साधला आहे. त्यांना मदतकार्य सुरु ठेवण्यास सांगितले आहे. तसेच नागरिकांना रक्तदानासाठी आवाहन करण्यात आले आहे.  अमेरिकेच्या वरिष्ठ सिनेटर चक शूमर यांनीही या अपघाताबद्दल दु:ख व्यक्त केले आहे. बचाव कार्य अद्यापही सुरु आहे. या घटनेमुळे माहामार्ग बंद ठेवण्यात आला आहे.

श्रीलंकेचे माजी राष्ट्रपती Ranil Wickremesinghe यांना अटक, जाणून घ्या काय आहे संपूर्ण प्रकरण