Gaza Hind Rajab : ५ वर्षीय हिंद रजबच्या कारवर गोळीबार केल्याची इस्रायलची कबुली; गुन्हेगारी चौकशी सुरू

Gaza Hind Rajab : २९ जानेवारी २०२४ रोजी गाझा शहरातील तेल अल - हवा भागातून ५ वर्षीय हिंद रज़ब आपल्या कुटुंबियांसोबत कारमधून बाहेर पडत होती . कारवार गोळीबार झाल्यानंतर हिंद जखमी अवस्थेत कारमध्ये अडकली होती आणि तेव्हा तिच्या कुटुंबातील इतर सदस्यांचा मृत्यू झाला होता .

• आधी लष्करी सहभाग नाकारला
• इस्रायली सैनिकांचे वागणे
• हल्ल्याची कबुली

Gaza Hind Rajab : एक ५ वर्षीय हिंद रज़ब नावाची पॅलेस्टानी मुलगी आपल्या घरातल्यांसोबत कार मधून जात असताना एके ठिकाणी अचानक त्यांच्या कारवार बेछूट गोळीबार करण्यात आला . या गोळीबारामध्ये तिच्या घरातील सदस्यांचा जागीच मृत्यू झाला तर हिंद रजब ही लहान मुलगी जिवंत राहिली .

तेव्हा तिने गाडीतून फोन द्वारे बाहेरील लोकांशी संपर्क साधला . त्यानंतर पॅलेस्टानी रेड क्रेसेंटच्या कर्मचाऱ्यांशी फोनवर संपर्क साधला . ती कारमध्ये एकटी जिवंत असल्याचे सांगत मदतीची विनंती करत होती . तिच्याशी अनेक तास संपर्क सुरु होता . तिला वाचवण्यासाठी दोन रेड क्रेसेंट पॅरामेडिक्स रुग्णवाहिकेतून रवाना झाले . मात्र त्यांचाही नंतर मृत्यू झाला . हिंद तिचे कुटुंबीय आणि दोन्ही पॅरामेडिक्सचे मृतदेह नंतर सापडले .

China Ice Silk Road : आर्क्टिकमधून चीनचा नवा सागरी मार्ग; अमेरिकेसोबत तणाव वाढण्याची शक्यता

आधी लष्करी सहभाग नाकारला

सुरवातीला इस्रायली लष्कराने त्या परिसरात आपले सैनिक नसल्याचे सांगितले होते . २०२४ मधील प्राथमिक चौकशीतही कारजवळ इस्रायली सैन्य असल्याचे आढळले नसल्याचा दावा करण्यात आला होता . त्यानंतर विविध तपासांमध्ये घाटनास्थळी इस्रायली लष्करी वाहने असल्याचे पुरावे समोर आले .

Major Singh: पंजाब ते अमेरिका गँगस्टर नेटवर्क! जगू भगवानपुरिया टोळीचा 29 वर्षीय गुंड मेजर सिंग FBIच्या ‘रडारवर’, अटक वॉरंट जारी

इस्रायली सैनिकांचे वागणे

गाझा आणि लेबनॉन मध्ये ज्या प्रकारे इस्रायली सैनिक वागत आहेत याचे बरेचसे व्हिडीओ सोशल मीडियावर व्हायरल झालेले आहेत . त्यामुळे इस्रायलच्या सैनिकांवर आता जगभरात विश्वास कमी असल्याचे बोलले जात आहे . तसेच नुकत्याच गाझा मध्ये एका गावात केलेल्या जास्तीमुळे इस्रायली सैनिक पुन्हा वादाच्या भोवऱ्यात सापडले आहेत .