
Baramati Firing Incident
मिळालेल्या माहितीनुसार, बारामती एमआयडीसी परिसरातील शिवशंभोनगर येथे राजन कोळेकर यांचे निवासस्थान आहे. त्यांच्या घराजवळ पार्किंगमध्ये उभ्या असलेल्या गाडीवर अज्ञात दोन व्यक्तींनी गोळीबार केला. गोळीबारानंतर हल्लेखोर घटनास्थळावरून पसार झाले. अचानक झालेल्या या प्रकारामुळे संपूर्ण परिसरात भीतीचे वातावरण निर्माण झाले आहे.
या घटनेपूर्वी कोळेकर यांना इन्स्टाग्रामच्या माध्यमातून एका अज्ञात व्यक्तीचा फोन आला होता. संबंधित व्यक्तीने स्वतःची ओळख ‘डीके’ अशी करून देत दोन लाख रुपयांची मागणी केल्याची माहिती वृत्तांतून समोर आली आहे. त्यानंतर काही तासांतच त्यांच्या वाहनावर गोळीबार झाल्याने खंडणीची मागणी आणि गोळीबार यांचा परस्पर संबंध आहे का, असा प्रश्न उपस्थित झाला आहे.
घटनेची माहिती मिळताच पोलीस घटनास्थळी दाखल झाले. परिसरातील परिस्थितीची पाहणी करून तपास सुरू करण्यात आला आहे. हल्लेखोरांची ओळख पटविण्यासाठी सीसीटीव्ही फुटेज आणि अन्य तांत्रिक बाबींच्या आधारे तपास केला जात आहे.दरम्यान, बारामतीसारख्या महत्त्वाच्या शहरात उद्योजकाच्या घराजवळच गोळीबाराची घटना घडल्याने कायदा व सुव्यवस्थेचा प्रश्न पुन्हा ऐरणीवर आला आहे. हल्ल्यामागील नेमके कारण, खंडणी मागणारा आणि गोळीबार करणारे एकच आहेत का, तसेच या घटनेत आणखी कोणाचा सहभाग आहे, याबाबत पोलिसांच्या तपासातूनच स्पष्टता येणार आहे.
चार गावांचा पाणीपुरवठा दोन महिन्यांपासून विस्कळीत; टँकरवर अवलंबून राहण्याची वेळ, ग्रामस्थांचा संताप
Ans: बारामती एमआयडीसी परिसरातील शिवशंभोनगर येथे ही घटना घडली.
Ans: उद्योजक राजन कोळेकर यांच्या घराजवळ उभ्या असलेल्या गाडीवर गोळीबार करण्यात आला.
Ans: अज्ञात हल्लेखोरांनी दोन राऊंड फायर केल्याची प्राथमिक माहिती आहे.