Gaza War : ‘नेतान्याहू मानवतेचे शत्रू’; तुर्कीचे परराष्ट्र मंत्री हाकान फिदान यांचा घणाघात

Gaza War : गाझामधील युद्धाच्या पार्श्वभूमीवर तुर्कीचे परराष्ट्र मंत्री हाकान फिदान यांनी इस्रायलचे पंतप्रधान बेंजामिन नेतान्याहू यांच्यावर जोरदार टीका केली. नेतान्याहू हे मानवतेचे शत्रू बनले असल्याचे फिदान यांनी म्हटले असून, त्यांच्या धोरणांना रोखण्यासाठी आंतरराष्ट्रीय समुदायाने तातडीने ठोस कारवाई करावी, असे आवाहन केले आहे.

• नेतन्याहूंच्या धोरणांवर टीका
• आंतराष्ट्रीय समुदायाने तातडीने कारवाई करावी
• तुर्की इस्रायल संबंधावर परिणामाची शक्यता

Gaza War : गाझामधील युद्ध आणि त्यातून निर्माण झालेल्या गंभीर ,मानवी संकटाच्या पार्श्वभूमीवर तुर्कीने इस्रायल विरोधात पुन्हा आक्रमक भूमिका घेतली आहे . तुर्कीचे परराष्ट्र मंत्री हाकान फिदान यांनी इस्रायलचे पंतप्रधान बेंजामिन नेतन्याहू यांच्यावर तीव्र शब्दात टीका केली आहे . गाझामधील युद्धनंतर नेतान्याहू हे मानवतेचे शत्रू बनले असल्याचे फिदान यांनी म्हंटले . तसेच त्यांच्या धोरणांना रोखण्यासाठी आंतरराष्ट्रीय समुदायाने तातडीने ठोस पाऊले उचलण्याचे आवाहन त्यांनी केले आहे .

नेतन्याहूंच्या धोरणांवर टीका

हाकान फिदान यांनी नेतान्याहू यांच्या नेतृत्वाखाली इस्रायली सरकारच्या गाझा विषयक धोरणांवर जोरदार आक्षेप नोंदवला . गाझामध्ये सुरु असलेल्या लष्करी कारवाईमुळे मोठ्या प्रमाणावर मानवी संकट निर्माण झाल्याचा आरोप त्यांनी केला आहे . त्यांच्या मते , या परिस्थितीकडे केवळ प्रादेशिक संघर्ष म्हणून पाहता येणार नाही .

नागरिकांचे संरक्षण , मानवतावादी मदत आणि आंतरराष्ट्रीय कायद्याचा आदर या मुद्यांकडेही गांभीर्याने पाहण्याची गरज आहे . फिदान यांनी नेतान्याहू यांच्या धोरणांमुळे केवळ पॅलेस्टानी नागरिकांवर परिणाम होत नसून संपूर्ण मध्यपूर्वेतील स्थैर्य धोक्यात येत असल्याचे म्हंटले आहे . इस्रायलच्या लष्करी कारवायांमुळे प्रदेशातील तणाव आणखी वाढण्याची शक्यता असल्याचेही त्यांनी म्हंटले आहे .

Iraq Blast : बगदादजवळ अल-डोरा पॉवर प्लांटमध्ये अज्ञात स्फोट; भीषण आग, आगीवर नियंत्रण

आंतराष्ट्रीय समुदायाने तातडीने कारवाई करावी

तुर्कीच्या परराष्ट्र मंत्र्यांनी आंतरराष्ट्रीय समुदायाला केवळ निषेध व्यक्त करण्यापेक्षा ठोस भूमिका घेण्याचे आवाहन केले आहे . नेतान्याहू सरकारच्या धोरणांवर दबाव आणण्यासाठी आंतराष्ट्रीय पातळीवर प्रभावी पावले उचलली पाहिजेत , अशी भूमिका फिदान यांनी मांडली .

गाझामधील नागरिकांना मानवतावादी मदत मिळणे आणि युद्धामुळे निर्माण झालेल्या संकटावर तोडगा काढणे आवश्यक असल्याचे त्यांनी स्पष्ट केले . तुर्कीने यापूर्वीही गाझामधील इस्रायली लष्करी कारवाईवर कठोर टीका केली आहे . तुर्कीचे राष्ट्राध्यक्ष रेसेप तय्यीप एर्दोगान आणि परराष्ट्र मंत्री फिदान यांनी पॅलेस्टानी नागरिकांच्या संरक्षणाचा मुद्दा आंतरराष्ट्रीय व्यासपीठांवर सातत्याने उपस्थित केला आहे . त्यामुळे फिदान यांचे ताजे वक्तव्य हे तुर्कीच्या पूर्वीच्या भूमिकेचीच पुढील भूमिका मानली जात आहे .

Gaza War : गाझातील युद्धात २६७ पत्रकारांचा मृत्यू; ८० टक्क्यांहून अधिक मीडिया सुविधा उद्ध्वस्त

तुर्की इस्रायल संबंधावर परिणामाची शक्यता

गाझा युद्धामुळे तुर्की आणि इस्रायलमधील संबंध आधीपासूनच तणावपूर्ण आहेत . पॅलेस्टानी प्रश्नावर दोन्ही देशांच्या भूमिकेमध्ये मोठी दरी निर्माण झाली आहे . अशा परिस्थितीत फिदान यांनी नेतान्याहू वर केलेली टीका राजनैतिक पातळीवरही महत्वाची मानली जात आहे .

दरम्यान , गाझामध्ये युद्धविराम , मानवतावादी मदत आणि नागरिकांच्या सुरक्षेसाठी आंतरराष्ट्रीय प्रयत्न सुरु आहेत . मात्र युद्ध थांबवण्याच्या प्रयत्नांमध्ये अद्याप अनेक अडथळे आहेत . तुर्कीने या प्रक्रियेत अधिक सक्रिय भूमिका घेण्याचे संकेत दिले आहेत . फिदान यांच्या वक्त्यव्यामुळे नेतान्याहू सरकारवरील आंतरराष्ट्रीय दबावाचा मुद्दा पुन्हा चर्चेत येण्याची शक्यता आहे .