Germany Politics : AfDचा झंझावाती उदय; जर्मनीनंतर आता संपूर्ण युरोपच्या राजकारणाला हादरा

Germany Politics : सॅक्सनी-अॅनहॉल्ट विधानसभा निवडणुकीत AfDने जवळपास 44 टक्के मते मिळवत ऐतिहासिक विजय मिळवला आहे. बहुमतापासून पक्ष काही जागा दूर असला तरी हा निकाल जर्मनीच्या राजकारणातील मोठा बदल मानला जात आहे. AfDच्या वाढत्या प्रभावामुळे युरोपातील इतर अति-उजव्या आणि लोकानुनयवादी पक्षांनाही राजकीय बळ मिळण्याची शक्यता आहे.

• AFD चा ऐतिहासिक विजय
• जर्मनीच्या राजकारणात मोठा बदल
• युरोपमध्ये अति उजव्या लाटेला बळ

Germany Politics : जर्मनीच्या सॅक्सनी अँनहॉल्ट राज्यातील निवडणुकीत अति – उजव्या AFD पक्षाने ऐतेहासिक विजय मिळवत तब्बल ४३ .८ टक्के मते मिळवली आहेत . दुसऱ्या महायुद्धानंतर प्रथमच जर्मनीतील एखादा अति – उजवा पक्ष राज्य पातळीवर सत्तेच्या इतका जवळ पोहोचला आहे . या निकालामुळे जर्मनीच्या राजकारणासोबतच संपूर्ण युरोपमध्ये अति – उजव्या राजकीय शक्तींच्या वाढीवर नव्याने चर्चा सुरु झाली आहे .

AFD चा ऐतिहासिक विजय

सॅक्सनी अँनहॉल्ट २०२६ विधानसभा निवडणुकीत AFD जवळपास ४४ टक्के मतांसह सर्वात मोठा पक्ष ठरला . पक्षाला ८३ पैकी ३९ जागा मिळाल्या असून बहुमतासाठी आवश्यक असलेल्या ४२ जागांपासून तो तीन जागा दूर आहे . त्यामुळे AFD ला सरकार स्थापन करण्यासाठी इतर आमदारांचा पाठिंबा मिळवावा लागणार आहे .

मात्र जर्मनीच्या मुख्य प्रवाहातील पक्षांनी आतापर्यंत AFD सोबत सत्तेत जाण्याचे धोरण नाकारले आहे . AFD च्या यशामागे स्थलांतर , आर्थिक अडचणी , सुरक्षा आणि पारंपरिक राजकीय पक्षविरोधात नाराजी हे महत्वाचे मुद्दे असल्याने विश्लेषण केले जात आहे . पक्षाने स्थलांतरवर कठोर भूमिका घेत मतदारांमध्ये आपला प्रभाव वाढवला आहे .

Gaza Tragedy : शाळेच्या पहिल्याच दिवशी चिमुकलीचा मृत्यू; वफा आणि वडील इस्रायली हल्ल्यात ठार

जर्मनीच्या राजकारणात मोठा बदल

AFD चा प्रभाव अचानक निर्माण झालेला नाही . २०२५ च्या जर्मन निवडणुकीतही AFD ने २०.८ टक्के मते मिळवत दुसऱ्या क्रमांकाचे स्थान मिळवले होते . २०२१ च्या तुलनेत पक्षाच्या मतांमध्ये मोठी वाढ झाली होती . त्यामुळे सध्याच्या राज्य निवडणूक निकाल हा AFD च्या सातत्याने वाढत असलेल्या राजकीय प्रभावाचा पुढचा टप्पा मानला जात आहे .

या निकालामुळे जर्मनीतील पारंपरिक पक्षांमसमोर मोठे आव्हान उभे राहिले आहे . खासकरून स्थलांतर , अर्थव्यवस्था आणि सुरक्षा यांसारख्या मुद्द्यांवर मतदारांचा असंतोष कमी करण्यात मुख्य प्रवाहातील पक्ष कितपत यशस्वी होतात . यावर पुढील राजकीय समीकरणे अवलंबून राहतील .

Gaza : ६२ निष्पाप मुलांसह १०० पॅलेस्टिनींचे मृतदेह दफन; गाझात शोककळा

युरोपमध्ये अति उजव्या लाटेला बळ

जर्मनी हा युरोपियन युनियनमधील सर्वात प्रभावशाली देश असल्याने तेथील राजकीय बदलांचा परिणाम इतर देशांवरही होतो . AFD च्या विजयाचे स्वागत युरोपातील काही अति – उजव्या नेत्यांनी केले असले , तरी फ्रान्स आणि पोलंडसह काही देशांतील नेत्यांनी या निकालाबाबत चिंता व्यक्त केली आहे .

युरोपातील अनेक देशांमध्ये स्थलांतर , महागाई , राष्ट्रीय ओळख आणि सरकार विरोधातील नाराजी यामुळे उजव्या आणि लोकानुनयवादी पक्षांना वाढता पाठिंबा मिळत आहे . त्यामुळे AFD चा सध्याचा विजय हा केवळ जर्मनीतील प्रादेशिक निकाल न राहता युरोपातील बदलता राजकीय प्रवाहाचा महत्वाचा संकेत ठरू शकतो .