Global Economy : तेलाच्या वाढत्या दरांचा रुपयावर दबाव; डॉलरसमोर रुपया कमजोर

Global Economy : कच्च्या तेलाच्या वाढत्या किमती आणि मजबूत होत असलेल्या डॉलरमुळे भारतीय रुपयावर दबाव वाढला आहे. Brent क्रूड 107 डॉलरच्या पुढे गेल्याने भारताच्या आयात खर्चाबाबत चिंता निर्माण झाली आहे. RBI च्या हस्तक्षेपामुळे रुपयाची घसरण काही प्रमाणात रोखली जात आहे .

• कच्च्या तेलाच्या दराने वाढवली चिंता
• डॉलर मजबूत , रुपयावर दुहेरी दबाव
• RBI च्या हालचालीकडे बाजाराचे लक्ष

Global Economy : जागतिक बाजारात कच्चा तेलाच्या दरांनी पुन्हा शंभर डॉलरचा टप्पा ओलांडल्याने भारतीय रुपयावर दबाव वाढला आहे . मध्य पूर्वेतील वाढता तणाव , तेलाच्या पुरवठयाबाबत निर्माण झालेली चिंता आणि अमेरिकन फेडरल रिझर्व्हच्या व्याजदराच्या निर्णयाकडे लागलेले लक्ष यामुळे चलन बाजारात अस्थिरता वाढली आहे . मंगळवारी रुपया डॉलरच्या तुलनेत ९५.९२ पर्यंत घसरला . तेल आयात करणाऱ्या भारतासाठी ही घसरण महागाईच्या दृष्टीने महत्वाची मनाली जात आहे .

कच्च्या तेलाच्या दराने वाढवली चिंता

मध्य – पूर्वेतील संघर्षामुळे कच्च्या तेलाच्या पुरवठयावर परिणाम होण्याची भीती निर्माण झाली आहे . सौदी अरेबियातील ऊर्जा पायाभूत सुविधांवरील हल्ल्यानंतर Brent क्रूडच्या दर सुमारे १०७.७ डॉलर प्रति बॅरलपर्यंत पोहोचला . या महिन्यात तेलाच्या किमतीत जवळपास २० टक्क्यांची वाढ झाली आहे . भारत आपल्या गरजेच्या मोठ्या प्रमाणातील कच्च्या तेलासाठी आयातीवर अवलंबून असल्याने आंतरराष्ट्रीय बाजारातील वाढत्या दरांचा थेट परिणाम देशाच्या आयात खर्चावर होतो .

AI Governance : ‘धमकीच्या कथा’ थांबवा! चीनचा आंतरराष्ट्रीय सहकार्याचा आग्रह; AI विकासावरून नवा वाद

डॉलर मजबूत , रुपयावर दुहेरी दबाव

तेलाच्या वाढत्या किमतींसोबत अमेरिकन डॉलरही मजबूत होत आहे . अमेरिकेच्या १० वर्षाच्या ट्रेझरी बॉंडचा परतावा ५ टक्क्यांपेक्षा वर गेल्याने गुंतवणूकदारांचा कल डॉलरकडे वाढला आहे . त्याचवेळी अमेरिकन फेडरल रिझर्व्ह कडून व्याजदर वाढीची शक्यता बाजारात बळावली आहे .

त्यामुळे नवीन मोठ्या बाजारांमधून भांडवल बाहेर जाण्याचा दबाव निर्माण होऊ शकतो . याचा थेट परिणाम रुपयाच्या मूल्यावर होत असून , मंगळवारी रुपया एका महिन्याहून अधिक काळातील नीचांकी पातळीवर पोहोचला .

Russia-Ukraine War : युद्धात मोठा ब्रेक? ट्रम्प म्हणाले, रशिया-युक्रेनने ऊर्जा ठिकाणांवर हल्ले थांबवण्यास दिली संमती

RBI च्या हालचालीकडे बाजाराचे लक्ष

रुपयातील घसरण रोखण्यासाठी भारतीय रिझर्व्ह बँक हस्तक्षेप करत असल्याचे संकेत बाजारातून मिळत आहेत . सरकारी बँकांच्या माध्यमातून डॉलरची विक्री करण्यात आल्याने रुपयाची घसरण काही प्रमाणात मर्यादित राहिली . मात्र तेलाचे दर दीर्घकाळ शंभर डॉलरच्या वर राहिल्यास भारताच्या आयात बिलावर आणि महागाईवर दबाव वाढू शकतो . त्यामुळे आगामी काळात RBI ची भूमिका , तेलाच्या किमती आणि अमेरिकन फेडच्या निर्णय हे तीन घटक रुप्याच्या दिशेसाठी अत्यंत महत्वाचे ठरणार आहेत .