इक्वेडोरमधून (Ecuador) एक खळबळजनक घटना समोर आली आहे. काही बंदूकधारी एका टीव्ही स्टुडिओच्या लाईव्ह कार्यक्रमात घुसले (Gunman In Ecuador Live Studio) आणि लोकांना धमकावू लागले. जेव्हा ही घटना घडली तेव्हा चॅनल लाइव्ह कार्यक्रम सुरू होता. इक्वेडोरच्या टीव्ही स्टेशन टीसीच्या लाईव्ह प्रोग्राममध्ये, मुखवटाधारी सशस्त्र लोकांनी बंदुका आणि कर्मचाऱ्यांना जमिनीवर बसण्यास भाग पाडले. यावेळी गोळ्यांचा आवाजही ऐकू आल्याचे सांगण्यात येत आहे.
[read_also content=”गॅब्रिएल अटल बनले जगातील पहिले समलिंगी पंतप्रधान, फ्रान्सचे सर्वात तरुण पंतप्रधान म्हणून स्वीकारणार पदभार! https://www.navarashtra.com/world/gabriel-attal-becomes-frances-youngest-prime-minister-nrps-496676.html”]
रिपोर्ट नुसार, अलीकडेच इक्वाडोरचा सर्वात धोकादायक गुन्हेगार तुरुंगातून पळून जाण्यात यशस्वी झाला, ज्यामुळे सुरक्षा संकट अधिक गडद झाले आहे. अशातच, काही गुंड इक्वेडोरमधे एका टीव्ही स्टुडिओच्या लाईव्ह कार्यक्रमात घुसले आणि त्यांनी युद्धाची घोषणा केली. या घटनेनं संपुर्ण देशात एकच खळबळ उडाली आहे. या घटनेच्या काही तासांतच राष्ट्राध्यक्ष डॅनियल नगोबोआ यांना देशात अंतर्गत सशस्त्र संघर्षाची स्थिती जाहीर करावी लागली.
Que pena todo lo que esta pasando con los hermanos del canal tc televisión, Dios los cuide pic.twitter.com/behRNVacSz — Emergencias Ec (@EmergenciasEc) January 9, 2024
इक्वेडोरचे राष्ट्राध्यक्ष नाबोआ यांनी सोशल मीडिया प्लॅटफॉर्मवर माहिती दिली की मी सशस्त्र दलांना लष्करी कारवाया करण्याचे आणि या टोळ्यांना निष्प्रभ करण्याचे आदेश देतो. हे गुंड टीसी टेलिव्हिजनच्या स्टुडिओमध्ये, जिथे थेट कार्यक्रम सुरू होता, रायफल आणि ग्रेनेड घेऊन घुसले. त्यानंतर टीव्ही स्टुडिओमधून बंदुकीच्या गोळ्या ऐकू आल्या आणि लोक गोळी मारू नका, प्लीज शूट करू नका असे ओरडताना ऐकू आले. गुंडांनी लोकांना जमिनीवर झोपण्यास सांगितले आणि स्टुडिओचे दिवे बंद केले. टीसी टेलिव्हिजनने वृत्तसंस्थेला व्हॉट्सअॅपवर संदेश दिला की, गुन्हेगार स्टुडिओमध्ये घुसले आहेत आणि त्यांना आम्हाला मारायचे आहे.
.png "Videos"){kind=small}
