हमासचा इस्रायलच्या शहरांवर मोठा हल्ला; गाझातील हत्याकांडाच्या प्रत्युत्तरात हल्ले केल्याचा दावा

जागतिक घडामोडी संबंधित बातम्या- सौदी अरेबियाचा मोठा निर्णय! हज यात्रेपूर्वी भारतासह 14 देशांवर व्हिसा बंदी

आपत्कालीन पथक घटनास्थळी दाखल

हल्ल्याची माहिती मिळताच इस्रायलचे आपत्कालीन पथक त्वरित घटनास्थळी दाखल झालेले. सध्या जखमी झालेल्या लोकांवर उपचार सुरु आहेत. या घटनेचा व्हिडिओ देखील सोशल मीडियावर पाहायला मिळत आहे.

हल्ल्यानतर इस्रायलचा आदेश

हमासच्या हल्ल्यानंतर इस्रायल लष्कराने एक आदेश जारी केला आहे. या आदेशात इस्रायलने गाझा पट्टीतील देईर अल-बलाह शहरातील रहिवाशांना क्षेत्र सोडून जाण्याचे आदेश दिले आहे. लष्कराने सतर्कतेत म्हटले आहे की, ‘हल्ल्यापूर्वी हा शेवटचा इशारा आहे’. त्यांनतर लगेचच इस्त्रायली लष्कराने गाझा पट्टीतून हल्ला करणाऱ्या हमासच्या गटावर रॉकेट हल्ले केले. दरम्यान इस्रायलच्या या हल्ल्यात 39 जणांचा मृत्यू झाला असल्याचे गाझातील स्थानिक आरोग्य अधिकाऱ्यांनी म्हटले आहे.

दरम्यान नेतन्याहूंना हमासवरील हल्ल्याची माहिती मिळताच त्यांनी हमासला कडक प्रत्युत्तर देण्याचे निर्देश दिले आहेत. नेतन्याहूंनी सैन्याला हमासविरुद्ध तीव्र कारवाई करण्यास मान्यता दिली आहे.

गेल्या 15 महिन्यांपासून युद्ध सुरु

इस्रायल-हमास युद्ध गेल्या 15 महिन्यांपासून सुरु आहे. 19 जानेवारी रोजी इस्रायल आणि हमासमध्ये युद्धबंदी लागू करण्यात आली होती. याअंतर्गत युद्धबंधीच्या पहिल्या टप्प्यात इस्रायली ओलिसांची सुटका करण्यात आली आणि काही पॅलेस्टिनी कैद्यांची सुटका करण्यात आली. दरम्यान दुसऱ्या टप्प्यातील अटी मान्य करण्यास हमासने नकार दिल्याने १९ मार्च रोजी इस्रायलने मध्य आणि दक्षिण गाझात हल्ले सुरु केले. गाझामध्ये इस्रायली हल्ल्यांमध्ये ५०,००० हून अधिक पॅलेस्टिनी मारले गेल्याचे पॅलेस्टिनी अधिकाऱ्यांचे म्हणणे आहे.

जागतिक घडामोडी संबंधित बातम्या- कॅनडाच्या संसदेमध्ये राडा! अज्ञात व्यक्तीच्या घुसखोरीने सुरक्षा यंत्रणा अलर्ट मोडवर; संचार बंदी लागू

संबंधित बातम्या