१० लाख नोकऱ्या अन् ९ लाखाची गुंतवणूक…; भारत आणि युरोपीय देशांमध्ये FTA करार लागू

भारत आणि स्वित्झर्लंड, नॉर्वे, आइसलँड आणि लिंकटेस्टाईन देशांमध्ये आजापासून मुक्त व्यापार करार लागू झाला आहे. या करारामुळे देशात रोजगार, गुंतवणूक, तंत्रज्ञान यांसारख्या अनेक क्षेत्रांमध्ये मोठा सकारात्मक बदल होणार आहे.

• भारत आणि ४ युरोपीय देशांमध्ये मुक्त व्यापार करार लागू
• देशात १० लाख नोकऱ्या आणि ९ लाखांची केली जाणार गुंतवणूक
• या गोष्टी स्वस्त झाल्याने भारताला युरोपमध्ये निर्यातीची संधी

India sign FTA deal with 4 European Countries : नवी दिल्ली : एक मोठी बातमी आहे. भारताने चार युरोपीय देशांसोबत मुक्त व्यापार करार लागू केला आहे. यामध्ये स्वित्झर्लंड, नॉर्वे, आइसलँड आणि लिंकटेस्टाईन या EFTA (European Free Trade Agreement) या देशांचा समावेश आहे. बुधवारपासून (१ ऑक्टोबर) हा व्यापार करार लागू करण्यात आला आहे. हा करार भारताचा चार विकसित युरोपीय देशांसोबतचा पहिला मुक्त व्यापार करार आहे.

या करारांतर्गत भारत आणि चार युरोपीय देशांमध्ये गुंतवणूक, रोजगार वाढीवर लक्ष्य केंद्रित केले जाणार आहे. पुढील १५ वर्षात हे चार युरोपीय देश भारतात अंदाजे १०० अब्ज डॉलर म्हणजे सुमारे ८.८६ लाख कोटी रुपये गुंतवणार आहेत. यामुळे देशात १० लाख नोकऱ्या होणार आहेत.

PoJK Protest : पीओकेमध्ये तिसऱ्या दिवशीही लष्कराविरोधी संतापाचे वातावरण; पाक रेंजरच्या गोळीबार ८ हून अधिक ठार

भारत -EFTA कराराचे फायदे

• EFTAने देश भारतात ९९.६ टक्के (९२ टक्के टॅरिफ लाइन्स) निर्यात शुल्क मुक्त केली आहे. तर भारताने देखील ८२.७ टक्के टॅरिफ लाइन्सवर सवलत दिली आहे.
• या करारांतर्गत औषधनिर्मिती, वैद्यकीय उपकरणे, प्रोसेस्ड फूड, डेअरी प्रोडक्ट्स, सोया कोळसा आणि कृषी उत्पादनांवर सुरक्षितता देण्यात आली आहे.
• या करारामुळे आयात शुल्क कमी होईल, ज्यामुळे स्वित्झर्लंडची वाई, चॉकलेट, कपडे, बिस्किटी, ड्राय फ्रूट्स, कॉफी, घड्याळे आणि काही फळे भारतात स्वस्त होती.
• यामुळे भारतीय निर्यातदारांसाठी मोठी संधी उपलब्ध होईल. उदाहरणार्थ डाळी, भात, फळे, कॉफी, चहा, सी-फुड, कपडे, खेळणी आणि अभियांत्रिकी उत्पादने यांची युरोपमध्ये मागणी वाढेल. यामुळे शेतकरी, लघु उद्योग आणि निर्यातदारांना लाभ होईल.
• या मुक्त व्यापार करारामुळे तंत्रज्ञान क्षेत्रातलही मोठा फायदा होणार आहे. यामुळे युरोपमधील ऊर्जा मेडिकल संशोधन आणि स्मार्ट इलेक्ट्रॉनिक्स यांसारखी प्रगत तंत्रज्ञान भारतात येईल. यामुळे भारतीयांच्या जीवमानात सुधारणा होईल.
• तसेच इंजिनीअरिंग गुड्स, इलेक्ट्रॉनिक आयटम्स, रसायन, आणि प्लास्टिक उत्पादनांना देखील याचा फायदा होईल.
• याशिवाय पुढच्या पाच वर्षात कॉड लिव्हर ऑइल, फिश बॉडी ऑइल, स्मार्टफोन, ऑलिव ऑइल, कॉर्न फ्लेक्स, अव्हाकाडो, एप्रिकॉट, चॉकलेट, मेडिकल उपकरणे यांच्यावरील टॅरिफ काढून टाकले जाईल.
• या करारातून EFTA ला १०५ सब-सेक्टर्समध्ये भारतात प्रवेश मिळेल. तर युरोपीय देशांकडून भारताला १०७-१२८ सब-सेक्टर्समध्ये लाभ मिळेल.
• याशिवाय युरोपियन बाजारपेठांमध्ये भारतीय चित्रपट, ओटीटी, संगीत गेमिंगलाही युरोपमध्ये प्रवेश मिळेल. यामुळे भारताच्या चित्रपट वर्गाला मोठा फायदा होईल.

या देशांसोबत केला आहे भारताने FTA करार

भारताने आतापर्यंत १६ देशांसोबत (FTA) मुक्त व्यापार केला आहे. यात श्रीलंका, भूतान, थायलंड, सिंगापूर, मलेशिया, कोरिया, जपान, ऑस्ट्रेलिया, यूएई, यूके, मॉरिशस आणि आसियान या देशांचा समावेश आहे. सध्या भारत अमेरिका ओमान, पेरु, चिली, युरोपियन यूनियन, न्यूझीलंड, इस्रायलसोबतही मुक्त व्यापार करारावर वाटाघाटी करत आहे.

FAQs(संबंधित प्रश्न)

प्रश्न १. मुक्त व्यापार करार (FTA) म्हणजे काय? 

दोन किंवा अधिक देशांमध्ये होणारा मुक्त व्यापार करार ज्यामध्ये आयात-निर्यात शुल्क (Tarrif) कमी केले जाते आणि व्यापार सुलभो होतो, याला मुक्त व्यापार करार म्हणतात.

प्रश्न २. भारताने कोणत्या देशांसोबत लागू केला मुक्त व्यापार करार (FTA)? 

भारताने देश स्वित्झर्लंड, नॉर्वे, आइलँड आणि लिकटेंस्टाईन या चार विकसित युरोपीय देशांसोबत FTA करार लागू केला आहे.

प्रश्न ३. काय होईल या कराराचा फायदा?

या करारामुळे भारत आणि युरोपीय देशांमध्ये मोठ्या प्रमाणात नोकऱ्या उपलब्ध होतील, तसेच भारतात युरोपीय देशांची गुंतवणूक वाढेल, यामुळे शुल्क कमी होऊन युरोपीय उत्पादने भारतात स्वस्त होती.

प्रश्न ४. कोणत्या देशांसोबत भारताने केला आहे. FTA करार? 

भारताने आतापर्यंत १६ देशांसोबत मुक्त व्यापार करार केला आहे. ज्यामध्ये श्रीलंका, भूतान, थायलंड, सिंगापूर, मलेशिया, कोरिया, जपान, ऑस्ट्रेलिया, यूएई, यूके, मॉरिशस आणि आसियान या देशांचा समावेश आहे.

प्रश्न २. भारत कोणत्या देशांसोबत करत आहे FTA करारावर चर्चा?

सध्या भारत अमेरिका ओमान, पेरु, चिली, युरोपियन यूनियन, न्यूझीलंड, इस्रायलसोबतही मुक्त व्यापार करारावर वाटाघाटी करत आहे.

पडलेलं तोंड अन् डोळ्यात अश्रू.. ट्रम्पसमोर झुकले नेतन्याहू! दोहावरील हल्ल्याबाबत कतारची मागितली माफी, PHOTO VIRAL