भारत-ब्रिटनमध्ये FTA करारावर स्वाक्षरी; तीन वर्षाच्या दीर्घ चर्चेनंतर ऐतिहासिक करार मुर्तरुपात

India UK trade Deal : भारत आणि ब्रिटनमध्ये एक ऐतिहासिक करार करण्यात आला आहे. दोन्ही देशामध्ये व्यापार संबंध वाढवण्यासाठी मुक्त व्यापार करारावर स्वाक्षरी करण्यात आली आहे.

लंडन : भारताचे पंतप्रधान नरेंद्र मोदी सध्या ब्रिटनच्या दौऱ्यावर आहेत. यावेळी त्यांनी ब्रिटनचे पंतप्रधान केयर स्टारमर यांची भेट घेतली. दरम्यान दोन्ही नेत्यांच्या बैठकीत भारत आणि ब्रिटनमध्ये मुक्त व्यापार करारावर (FTA) स्वाक्षरी केली. दोन्ही देशांच्या पंतप्रधानांच्या उपस्थिती या करारावर स्वाक्षरी करण्यात आली आहे. यामुळे दोन्ही देशांच्या व्यापाराला आणि गुंतणूकीला चालना मिळेल.

या कराराला ६ मे २००२५ रोजी अंतिम मान्यता देण्यात आली होती. त्यानंतर आज गुरुवारी २४ जुलै रोजी दोन्ही देशात या करारवर स्वाक्षरी करण्यात आली. या करारामुळे दोन्ही देशांतील व्यापार २०३० पर्यंत १२ बिलियन पर्यंत पोहोचण्याची अपेक्षा आहे. भारत आणि ब्रिटनमधील मुक्त व्यापार करारामुळे (FTA) दोन्ही देशातून आयात निर्यात होणाऱ्या उत्पादनांवर कमी शुल्क (Tarrif) लादले जाईल.

Thailand and Combodia Conflict : जोरदार गोळीबारानंतर आता हवाई हल्ला; थायलंडने उद्ध्वस्त केले कंबोडियाचे F-16 रॉकेट

See more

#WATCH | London: India and UK sign the Comprehensive Economic and Trade Agreement. (Video: ANI/DD News) pic.twitter.com/Qnrck6lDWb — ANI (@ANI) July 24, 2025

भारत आणि ब्रिटनमधील मुक्त व्यापार करार भारताचे पंतप्रधान नरेंद्र मोदी आणि ब्रिटनचे पंतप्रधान केयर स्टारमर यांच्या उपस्थिती करण्यात आला. भारताचे वाणिज्य विभागाचे मंत्री पियूष गोय आणि ब्रिटिश समकक्ष जोनाथन रेनॉल्ड्स यांनी या करारावर स्वाक्षरी केली.

करारातील महत्वाचे मुद्दे

• या कराराचा सर्वात जास्त फायदा भारतीय शेतकऱ्यांना होण्याची अपेक्षा आहे. भारतातील कृषी उत्पादनाला ब्रिटिश बाजापेठात करमुक्त प्रवेश मिळेल.यामुळे ब्रिटिश बाजारेपठांना भारतीय शेतीचा लाभ घेता येईल.
• तसेच ब्रिटनमधून आयात होणाऱ्या वस्तूंना देखील भारतीय बाजारपेठांमध्ये स्वस्त दरात प्रवेश मिळेल.
• तसेच दोन्ही देशांत हजारो नोकऱ्या उपब्ध होतील. यामुळे लोकांना रोजगाराच्या संधी मिळतील.
• यामुळे भारताच्या मत्स्यव्यवसाय क्षेत्राला देखील चांगला फायदा मिळेल. यामध्ये आंध्र प्रदेश ओडिशा, केरळ आणि तामिळनाडू, केरळ या किनारी राज्यांना फायदा होईल.
• तसेच लेदर, कापड उद्योग, कॉस्मेटीक्स, महागाड्या गाड्या, पेय पदार्थ आणि इलेक्ट्रॉनिक संसाधने स्वस्त दरात मिळतील.
• या करारामुळे ब्रिटनच्या स्वच्छ उर्जा उद्योगाला देखील भारतीय बाजारपेठे स्थान मिळल, हा भारतासाठी देखील पर्यावरणपूरक ठरले.

मालदीवला रवाना होतील पंतप्रधान

ब्रिटनच्या दौऱ्यानंतर पंतप्रधान मोदी मालदीवच्या दौऱ्यावर रवाना होणार आहे. २५ ते २६ जुलै दरम्यान हा दौरा असेल. हा दौरा मालदीवचे अध्यक्ष मोहम्मद मुइझ्झू यांच्या निमंत्रणावरुन होत आहे. हा पंतप्रधान मोदींचा मालदीवचा तिसरा दौरा आहे. यावेळी पंतप्रधान मोदी मालदीवच्या ६० व्या स्वातंत्र्य समारंभासाठी प्रमुख पाहुणे म्हणून उपस्थित राहणार आहेत. या दौऱ्यात दोन्ही देशांतील द्विपक्षीय संबंध दृढ करण्यावर चर्चा होणार आहे.

Russia Plane Crash: अहमदाबादची पुनरावृत्ती! पुन्हा विमान कोसळलं अन् सगळे ठार, रशियातील बेपत्ता विमानातील 49 जणांचा मृत्यू?