India US Defence Deal : भारत-अमेरिकेच्या संरक्षण सहकार्याला नवी गती; MH-60R हेलिकॉप्टरसाठी हजारो कोटींचा करार 

India US Defence Deal : भारत आणि अमेरिकेच्या संरक्षण सहकार्याला नवी गती प्राप्त झाली आहे. दोन्ही देशांमध्ये हजारो कोटींचा संरक्षण करार करण्यात आला आहे. यामुळे भारताच्या नौदलाची ताकद अधिक वाढणार आहे.

• भारत-अमेरिकेत ७ हजार कोटींची मोठा करार
• भारताच्या नौदलाच्या ताकदीत होणार वाढ
• जाणून घ्या संपूर्ण डिटेल्स

India US Defence Deal : वॉशिंग्टन/नवी दिल्ली : एक मोठे वृत्त मिळाले आहे. गेल्या काही काळापासून भारत आणि अमेरिकेतील (America) राजकीय संबंधामध्ये तणाव निर्माण झाला आहे. मात्र दोन्ही देशांच्या संरक्षण सहकार्यात बळकटी होत आहे. भारत आणि अमेरिकेने आणखी एका मोठ्या संरक्षण भागीदारी करारवर स्वाक्षरी केली आहे. यामुळे दोन्ही देशांच्या संरक्षण सहकार्याला नवी गती मिळणार आहे. तसेच भारतीय नौदलाची ताकदही वाढणार आहे. दोन्ही देशांत हजारो कोटींचा करार करण्यात आला आहे. हा करार नेमका काय आहे हे आपण जाणून घेऊयात.

India US Deal : अमेरिकेचे भारताला मोठे संरक्षण समर्थन; इंडो-पॅसिफिक सुरक्षा मजबूत करण्यासाठी ‘Mega Defense Pact’

भारत-अमेरिकेत तब्बल ७,९९५ कोटींचा करार

भारताच्या संरक्षण मंत्रालयाने दिलेल्या माहितीनुसार, अमेरिकेसोबत २४ सीहॉक हेलिकॉप्टरचा करार करण्यात आला आहे. अमेरिकेचे २४ सीहॉक हेलिकॉप्टरचा करार पाच वर्षांसाठी असणार आहे. याअंतर्गत भारताला हेलिकॉप्टरची ऑपरेशनल उपलब्धती मिळणार आहे. MH-60R च्या देशखभाल आणि तांत्रिक सहकार्यासाठी हा करार करण्यात आला आहे. हा करारण दोन्ही देशांच्या संरक्षणासाठी अत्यंत महत्त्वाचा मानला जात आहे.

हा करार यूएस फॉरेन मिलिटरी सेल्स (FMS)अंतर्गत करण्यात आला आहे. लॉकहीड मार्टिन या कंपनीने तयार केलेल्या हेलिकॉप्टर सपोर्ट पॅकेजमध्ये स्पेयर पार्ट्स, ॲक्सेसरी, तंत्रज्ञान, उत्पादन सहकार्य, प्रशिक्षण आणि दुरुस्ती सहकार्य अशा तरतुंदी समाविष्ट आहे. यामुळे भारतीय नौदलाला हेलिकॉप्टरची नियमित देखभाल सोप्पे होऊ आणि मिशन रेडिनेससाठी मोठा फायदा होईल.

काय आहे या सीहॉकचे वैशिष्ट्ये

अमेरिकेची MH-60 हे जगातील सर्वात उत्कृष्ट समुद्री हेलिकॉप्टर मानले जाते. याची ‘ब्लॅकहॉक’ आवृत्ती ही एंटी-सबमरीन वॉरफेर (ASW) आणि एंटी सर्फेस वॉरफेअर(ASuW) मिशनमध्ये सर्वात प्रभावी मानली जाते. या सीहॉकमध्ये सर्व वातावरणात काम करण्याची क्षमता आहे, ज्यामुळे भारताच्या नौललालासाठी हा करार अत्यंत महत्त्वाचा आहे.

२०२० मध्ये सीहॉकसाठी १५ हजार कोटींचा करार

यापूर्वी भारताने २०२० फ्रेब्रुवारीमध्ये १५,१५७ कोटी रुपयांचा करार २४ MH-60R हेलिकॉप्टर्ससाठी केला होता. यातील पहिले तीन हेलिकॉप्टर २०२१ भारताला मिळाले होते, नंतर २०२४ मध्ये पूर्ण ताफा भारताच्या नौदलात सामील झाला होता. हा ताफा कोचीमधील INS गरुड येथे INAS 334 स्क्वाड्रनमध्ये तैनात करण्यात आला होता.

या नव्या करारामुळे भारताच्या आत्मनिर्भरतेच्या दृष्टीकोनाला चालना मिळणार आहे. यामुळे भारताच संरक्षण हेलिकॉप्टरची मध्यम स्तरांवरली दुरुस्ती आणि देखभाल सुविधा विकसित होईल. ज्याचा फायदा भारतीय कंपन्यांना आणि देशाच्या संरक्षण उत्पादनाला मिळेल. या करारामुळे भारत आणि अमेरिकेच्या संरक्षण भागीदारीला बळकटी मिळेल.

सौदी-अमेरिका मैत्रीचा भारताला होणार फायदा? जाणून घ्या नेमकं कसं बदलणार धोरणात्मक समीकरण