Indian Navy : 3,000 किलोमीटर दूर समुद्री चाच्यांनी अपहरण केलेल्या 20 इराणी नागरिकांची भारतीय नौदलाने केली सुटका; पहा VIDEO

Indian Navy : भारतीय नौदलाने सोमाली चाच्यांच्या तावडीतून इराणी जहाज 'अजिनी'ची सुटका करण्यासाठी अरबी समुद्रात ४८ तासांची मोहीम राबवली. जहाजावरील सर्व २० कर्मचाऱ्यांची सुखरूप सुटका करण्यात आली.

• साहसी ४८ तासांची मोहीम
• २० खलाशांची सुखरूप सुटका
• संरक्षण मंत्र्यांकडून कौतुक

हिंद महासागर आणि अरबी समुद्राच्या अथांग पाण्यावर भारतीय नौदलाने (Indian Navy) पुन्हा एकदा आपल्या शौर्याचा अन् तंत्रज्ञानाचा अभूतपूर्व पराक्रम गाजवला आहे. मुंबईच्या किनाऱ्यापासून तब्बल ३,००० किलोमीटर अंतरावर सोमाली चाच्यांच्या ताब्यात असलेल्या ‘अझिनी’ (Azini) या इराणी मासेमारी जहाजाची आणि त्यावरील २० खलाशांची भारतीय नौदलाने सुखरूप सुटका केली आहे. तब्बल ४८ तास चाललेल्या या अत्यंत आव्हानात्मक आणि थरारक मोहिमेत चाच्यांचा प्रतिकार मोडून काढत भारतीय जवानांनी एकही जीवितहानी न होऊ देता ही मोहीम यशस्वीरीत्या फत्ते केली आहे.

२९ ऑक्टोबर रोजी जहाजाचे झाले होते अपहरण

मिळालेल्या अधिकृत माहितीनुसार, ‘अझिनी’ हे इराणी मासेमारी जहाज २९ ऑक्टोबर रोजी सोमाली समुद्राच्या भागात गस्त घालत असताना सशस्त्र चाच्यांनी त्याला लक्ष्य केले आणि त्याचे अपहरण केले. या जहाजावर २० इराणी नागरिक उपस्थित होते. जहाजाचे अपहरण झाल्याचे समजताच आंतरराष्ट्रीय सागरी सुरक्षा केंद्र आणि भारतीय नौदलाने तात्काळ सूत्रे हलवली. चाचे या जहाजाचा वापर इतर व्यापारी जहाजांवर हल्ला करण्यासाठी करू शकतात, असा इशारा मिळताच भारतीय नौदलाच्या युद्धनौकांनी आणि सागरी निगराणी विमानांनी अरबी समुद्रात शोध मोहीम तीव्र केली.

 भारतीय नौदल आणि हवाई दलाचा ४८ तासांचा ताळमेळ

या महामोहिमेत केवळ नौदलच नाही, तर भारतीय हवाई दलाचीही (IAF) मोलाची साथ लाभली. चाचे अत्याधुनिक आणि घातक शस्त्रास्त्रांनी सज्ज होते, त्यामुळे अत्यंत सावधगिरीने कारवाई करणे आवश्यक होते. भारतीय नौदलाच्या युद्धनौकांनी चाच्यांच्या जहाजाला घेराव घातला, तर हवाई दलाच्या विमानांनी आकाशातून संपूर्ण परिसरावर बारीक लक्ष ठेवले. सलग ४८ तास चाललेल्या या राजकीय व लष्करी डावपेचांनंतर भारतीय सैन्याने चाच्यांना शरणागती पत्करण्यास भाग पाडले आणि २० कर्मचाऱ्यांना सुखरूप मुक्त केले.

जागतिक घडामोडी संबंधित बातम्या वाचण्यासाठी येथे क्लिक करा : US Midterms : अमेरिकन निवडणुकीत भारतीयांची विजयी हॅट्ट्रिक; पिया दांडिया, सुहास सुब्रमण्यम आणि अरुणा मिलर यांचा जलवा

My congratulations to #Indian Navy for successfully executing a meticulously coordinated 48-hour operation to rescue all 20 crew members of the pirated fishing vessel, Azini, more than 3000 km from Mumbai in the Arabian Sea, on 02 Nov 26. The swift localisation, interception and safe release of the crew and vessel from significantly-armed pirates, with timely support from the Indian Air Force, speak well of the Indian Navy’s high operational readiness and ability to respond decisively to maritime threats across the region. Our brave personnel have once again demonstrated India’s ability, intent and resolve to safeguard lives, uphold maritime security and ensure stability across the Indian Ocean Region. India continues to stand resolute in ensuring SAFE SEAS and a free, open and secure Indian Ocean Region. #IndianNavy #IndianAirForce #SafeSeas — Rajnath Singh (@rajnathsingh) November 2, 2026

credit – social media and Twitter

संरक्षण मंत्री राजनाथ सिंह यांच्याकडून सैनिकांचे कौतुक

या अत्यंत खडतर आणि यशस्वी मोहिमेनंतर देशाचे संरक्षण मंत्री राजनाथ सिंह यांनी सोशल मीडिया प्लॅटफॉर्म ‘एक्स’ (X) वर भारतीय सैन्याचे भरभरून कौतुक केले. राजनाथ सिंह यांनी लिहिले की, “जहाज आणि त्याच्या कर्मचाऱ्यांचा जलद शोध घेणे, चाच्यांना अत्यंत कौशल्याने रोखणे आणि जहाजावरील सर्व २० कर्मचाऱ्यांची सुरक्षित सुटका करणे, यावरून भारतीय नौदलाची उच्च दर्जाची परिचालन क्षमता आणि सज्जता दिसून येते.”

ते पुढे म्हणाले की, “या मोहिमेत हवाई दलाने वेळेवर दिलेले सहकार्य अत्यंत कौतुकास्पद आहे. आपल्या धाडसी जवानांनी मानवी जीव वाचवणे, सागरी सुरक्षा राखणे आणि हिंद महासागर क्षेत्रात (IOR) शांतता व स्थैर्य सुनिश्चित करण्याबाबत भारताची कटिबद्धता पुन्हा एकदा जगासमोर सिद्ध केली आहे.”

जागतिक घडामोडी संबंधित बातम्या वाचण्यासाठी येथे क्लिक करा : Nepal News : क्षणात होत्याचे नव्हते! नेपाळमध्ये दोन हेलिकॉप्टरची भीषण टक्कर; परदेशी नागरिकाचा मृत्यू; थरारक VIDEO VIRAL

 २००८ पासून अरबी समुद्रात भारताचा ‘दबदबा’

हिंद महासागर आणि एडनच्या आखातात सागरी व्यापाराचे रक्षण करण्यासाठी भारतीय नौदल २३ ऑक्टोबर २००८ पासून अविरतपणे काम करत आहे. या संपूर्ण आंतरराष्ट्रीय सागरी मार्गावर किमान एक भारतीय युद्धनौका २४ तास गस्त घालत असते. आंतरराष्ट्रीय जहाजांवरील खलाशांमध्ये सुरक्षिततेचा विश्वास निर्माण करणे आणि चाच्यांच्या कुटिल डावांना उधळून लावणे हा या गस्तीमागचा मुख्य उद्देश आहे.

यापूर्वी मार्च २०२४ मध्येही भारतीय नौदलाने ‘एमव्ही रुएन’ (MV Ruen) या अपहरण झालेल्या जहाजाची सुटका करत ३५ सोमाली चाच्यांना आत्मसमर्पण करण्यास भाग पाडले होते. आता ‘अझिनी’ जहाजाच्या यशस्वी सुटकेमुळे भारतीय नौदलाचा जागतिक स्तरावरील प्रभाव आणि ‘फर्स्ट रिस्पॉन्डर’ (First Responder) म्हणून असलेली प्रतिमा अधिक मजबूत झाली आहे.