Iran Airlines : आता हवेत विमान उडवून दाखवाच ;अमेरिकेचा इराणला इशारा

Iran Airlines : अमेरिकेने इराणच्या विमान वाहतूक क्षेत्रावर दबाव वाढवला आहे. इराणी विमान कंपन्यांना परदेशात इंधन, लँडिंग आणि इतर विमानतळ सेवा देणाऱ्या कंपन्यांवर दुय्यम निर्बंध लागू करण्याचा इशारा अमेरिकेने दिला आहे. यामुळे इराणच्या आंतरराष्ट्रीय विमानसेवेवर परिणाम होण्याची शक्यता असून, प्रवाशांच्या अडचणीही वाढू शकतात.

• इराणी विमानांना ना इंधन ना लँडिंग सेवा
• २७ इराणी कंपन्यांवर आधीच निर्बंध
• इराणच्या प्रवाशांसमोर अडचण

Iran Airlines : तब्बल ७ महिने सुरु असलेल्या इराण अमेरिका युद्धाचा शेवट काही केल्या होईल असे दिसत नाही . इस्रायलने अमेरिकेला यात गुंतवून आपला मोर्चा आता गाझा पट्टी आणि लेबनॉन कडे वळवला आहे . आणि आता इराण युद्ध डोनाल्ड ट्रम्प यांच्या इज्जतीचा प्रश्न होऊन बसला आहे .

त्यामुळे या ना त्या प्रकारे काहीही करून इराणला गुडघ्यावर आणण्यासाठी अमेरिका प्रयत्न करत आहे . त्यातच इराणच्या संपूर्ण प्रवासी आणि मालवाहतूक विमान प्रवासावर बंदी आणण्यासाठी मोहीम आखली आहे . अमेरिकेचे ट्रेझरी सचिव स्कॉट बेसेन्ट यांनी इशारा दिला कि २३ सप्टेंबर पासून इराणच्या विमान कंपन्यांना जगभरातील आंतरराष्ट्रीय विमानसेवा चालवणे अत्यंत कठीण होऊ शकते .

परदेशातील विमानतळ , इंधन पुरवठादार , ग्राउंड हॅण्डलिंग कंपन्या आणि तिकीट विक्री करणाऱ्या संस्थांनी इराणी विमान कंपन्यांना सेवा दिल्यास त्यांच्यावर अमेरिकेचे निर्बंध लागू होऊ शकतात .

US Flights : अमेरिकेत विमानसेवा कोलमडली; हजारो फ्लाइट्स रखडल्या,1,000 हून अधिक रद्द

इराणी विमानांना ना इंधन ना लँडिंग सेवा

अमेरीकेच्या म्हणण्यानुसार इराणी विमानं परदेशात कोणत्याही देशात उतरले तर त्यांना लागणाऱ्या सर्व सुविधा किंवा तिकीट विक्रीसारख्या सुविधा देणाऱ्या कंपन्यांवर कारवाईचा धोका असेल . तसेच अशा कंपन्यांना अमेरिकन डॉलर प्रणालीत प्रवेश रोखला जाऊन त्यांची आर्थिक अडचण निर्माण केली जाऊ शकते .

त्यामुळे अमेरिकेचा आदेश नसतानाही इराणी विमान कंपन्यांना परदेशातील विमानतळांवर आवश्यक सेवा मिळणे कठीण होऊ शकते . असे आंतरराष्ट्रीय वर्तुळात बोलले जात आहे .

World News : चांगलंच महाग पडलं Googleला ;आयर्लंडकडून तब्बल 403 दशलक्ष युरोचा दंड

२७ इराणी कंपन्यांवर आधीच निर्बंध

अमेरिकेच्या ट्रेझरी विभागाने ८ सप्टेंबरला ३६ लक्षांवर निर्बंध जाहीर केले होते . यामध्ये इराणशी संबंधित २७ विमान कंपन्यांवर समावेश होता . अमेरिकेच्या म्हणण्यानुसार इराणच्या विमान वाहतूक क्षेत्राचा वापर शस्त्रे , कर्मचारी आणि इतर प्रतिबंधित माल वाहून नेण्यासाठी केला जात असल्याने ही कारवाई करण्यात आली .

या दबावाचा परिणाम प्रत्यक्ष विमानसेवेवरही दिसू लागला आहे . Mahan Air ने तुर्की आणि ओमानमधील काही आंतरराष्ट्रीय सेवा बंद केल्या आहेत . तुर्कीनेही महान Air च्या सेवांवर निर्बंध आणले आहेत . तर इराकने इराणी विमान कंपन्यांच्या उड्डाणांवर बंदी लागू करण्याची तयारी केली आहे .

इराणच्या प्रवाशांसमोर अडचण

इराणची विमान वाहतूक व्यवस्था आधीपासूनच अनेक वर्षांच्या अमेरिकन निर्बंधांमुळे अडचणीत आहे. विमानांचे सुटे भाग, देखभाल आणि नवीन विमाने मिळवण्यावर त्याचा परिणाम झाला आहे. आता आंतरराष्ट्रीय विमानतळ आणि सेवा पुरवठादारांवरही दबाव वाढल्यास इराणमधून परदेशात जाणाऱ्या आणि परदेशातून इराणमध्ये येणाऱ्या प्रवाशांचे पर्याय आणखी कमी होऊ शकतात.