मंगळवार, 10 नोव्हेंबर 2026
"आमच्या इशाऱ्यामुळेच अमेरिकाने गुडघे टेकले"; डोनाल्ड ट्रम्प यांच्या विधानावर इराणचा पलटवार (Photo Credit- X)
इराणच्या सरकारी टेलिव्हिजनने वृत्तसंस्था ‘एपी’च्या (AP) हवाल्याने म्हटले आहे की, इराणच्या सडेतोड इशाऱ्यासमोर अमेरिकन राष्ट्राध्यक्षांना माघार घ्यावी लागली. इराणने स्पष्ट शब्दांत बजावले होते की, “जर आमच्या ऊर्जा केंद्रांना लक्ष्य केले गेले, तर आम्ही संपूर्ण क्षेत्रातील ऊर्जा व्यवस्था उद्ध्वस्त करू.” या इशाऱ्यामुळेच ट्रम्प यांनी संरक्षण विभागाला लष्करी कारवाई थांबवण्याचे निर्देश दिले, असा दावा इराणच्या दूतावासाकडून करण्यात आला आहे.
عقبنشینی ترامپ پس از هشدار قاطع ایران پس از آنکه جمهوری اسلامی تهدید کرد که در صورت هرگونه حمله آمریکا به زیرساختهای انرژی ایران، زیرساختهای انرژی کل منطقه را هدف قرار میدهد، ترامپ عقب نشست و گفت که دستور تعویق حمله را صادر کرده است. pic.twitter.com/3Jcl3k5YDN — Embassy of the I.R. Iran in Kabul, Afghanistan (@IRANinKabul) March 23, 2026
US Iran युद्धात Donal Trump यांनी टाकला ‘शांततेचा बाॅम्ब’! आता तरी ऊर्जा संकटातून दिलासा मिळणार का?
यापूर्वी डोनाल्ड ट्रम्प यांनी ‘ट्रुथ सोशल’वर पोस्ट करत माहिती दिली होती की, अमेरिका आणि इराणमध्ये गेल्या दोन दिवसांत सकारात्मक आणि विधायक चर्चा झाली आहे. या चर्चेला वाव देण्यासाठी आणि तणाव कमी करण्यासाठी इराणच्या वीज प्रकल्पांवर होणारे संभाव्य हल्ले 5 दिवसांसाठी लांबणीवर टाकण्यात आले आहेत. मात्र, इराणने याला अमेरिकेचा ‘पराभव’ किंवा ‘भीती’ असे स्वरूप दिले आहे.
या वादाच्या मुळाशी ‘स्ट्रेट ऑफ होर्मुझ’ (होर्मुझची सामुद्रधुनी) ही जागतिक तेल व्यापाराची महत्त्वाची वाहिनी आहे. ट्रम्प यांनी इराणला 24 तासांपूर्वी इशारा दिला होता की, “जर 48 तासांच्या आत होर्मुझची सामुद्रधुनी पूर्णपणे उघडली नाही, तर इराणच्या ऊर्जा केंद्रांना लक्ष्य केले जाईल.” या धमकीला प्रत्युत्तर म्हणून इराणने जागतिक ऊर्जा संकट ओढवण्याचा इशारा दिला होता. आता दोन्ही देश लष्करी कारवाई ऐवजी कूटनीतिक मार्ग चोखाळताना दिसत असले तरी, पडद्यामागे तणाव कायम आहे.
इराणची वृत्तसंस्था ‘तसनीम’ने एका सूत्राच्या हवाल्याने म्हटले आहे की, जोपर्यंत हा ‘मानसिक संघर्ष’ सुरू राहील, तोपर्यंत ‘स्ट्रेट ऑफ होर्मुझ’मधील स्थिती युद्धपूर्व काळाप्रमाणे सामान्य होणार नाही. म्हणजेच, अमेरिका आणि इराणमधील चर्चा यशस्वी होईपर्यंत जागतिक तेल पुरवठ्यावरील टांगती तलवार कायम राहणार असल्याचे संकेत इराणने दिले आहेत.
