मंगळवार, 10 नोव्हेंबर 2026
अमेरिकेचे "सुरक्षा कवच" अयशस्वी! इराणने समुद्रापासून जमिनीपर्यंत माजवला हाहाःकार; सहा सैनिकांच्या मृत्यूने व्हाईट हाऊस हादरले ( फोटो सौजन्य : सोशल मीडिया )
6 US Soldiers killed in Kuwait attack : मध्य-पूर्वेतील (US-Israel Iran War) आकाशात सध्या शांतता नाही, तर मृत्यूचे तांडव सुरू आहे. इराण आणि अमेरिका यांच्यातील संघर्ष आता केवळ धमक्यांपुरता मर्यादित राहिला नसून, तो एका भीषण युद्धाच्या रूपात समोर आला आहे. इराणने केलेल्या ताज्या क्षेपणास्त्र आणि ड्रोन हल्ल्यांनी कुवेतपासून सौदी अरेबियापर्यंत पसरलेल्या अमेरिकन लष्करी तळांना अक्षरशः हादरवून सोडले आहे. या हल्ल्यांमध्ये अमेरिकेचे अतोनात नुकसान झाले असून, ६ शूर सैनिकांनी आपला जीव गमावला आहे.
हल्ल्याचा सर्वात भीषण फटका कुवेतला बसला आहे. शुऐबा बंदरातील अमेरिकेचे ‘टॅक्टिकल ऑपरेशन्स सेंटर’ (Tactical Operations Center) इराणच्या अचूक क्षेपणास्त्र माऱ्यात पूर्णपणे जमीनदोस्त झाले. या स्फोटात ६ अमेरिकन सैनिकांचा जागीच मृत्यू झाला. इतकेच नाही, तर ‘अली अल सालेम’ हवाई तळावरील विमानांचे हँगर्स आणि ‘कॅम्प ब्यूहरिंग’ येथील इंधन साठेही आगीच्या भक्ष्यस्थानी पडले आहेत. अमेरिकेसाठी हा गेल्या अनेक दशकांतील सर्वात मोठा लष्करी धक्का मानला जात आहे.
जागतिक घडामोडी संबंधित बातम्या वाचण्यासाठी येथे क्लिक करा : Strait of Hormuz: मोठा दिलासा! अखेर इराणने होर्मुझचं दार उघडलं; भारत आणि ‘या’ देशांना LPG आणि Oil नेण्यासाठी फ्री एन्ट्री
कतारमधील ‘अल उदेद’ (Al Udeid) हवाई तळ हा अमेरिकेचा मध्य-पूर्वेतील कणा मानला जातो. मात्र, इराणने या तळाची ‘अर्ली वॉर्निंग रडार सिस्टीम’ (Early Warning Radar System) पूर्णपणे नष्ट केली आहे. डोळे गेल्यावर माणूस जसा आंधळा होतो, तशीच अवस्था आता या भागातील अमेरिकन हवाई दलाची झाली आहे. दुसरीकडे, बहरीनमधील अमेरिकन नौदलाच्या ‘पाचव्या ताफ्या’च्या (5th Fleet) मुख्यालयावरही हल्ले झाले आहेत. यामुळे समुद्रातील अमेरिकेची ताकद कमालीची कमकुवत झाली असून, नौदल कारवायांवर प्रश्नचिन्ह उभे राहिले आहे.
सौदी अरेबियातील ‘प्रिन्स सुलतान हवाई तळा’वरही इराणने ड्रोनचा मारा केला. या हल्ल्यात अमेरिकेची महत्त्वाची दळणवळण उपकरणे आणि आकाशात इंधन भरणारी (Refueling Aircraft) अनेक विमाने निकामी झाली आहेत. सामरिकदृष्ट्या हा तळ अमेरिकेसाठी अत्यंत महत्त्वाचा आहे, कारण इथूनच इराणवर नजर ठेवली जाते. या हल्ल्यांमुळे आता या भागातील अमेरिकन हवाई गस्त पूर्णपणे विस्कळीत झाली आहे.
🚨 REPORT:
IRAN OPENS NEW FRONT: SYRIA Iranian proxy groups in Iraq have launched at least 6 suicide drones at the Rmelan military base in northern Syria. There are no U.S. troops at the base
Only Syrian government forces Reports indicate multiple Syrian soldiers were killed… pic.twitter.com/J3BsqUSiP8 — Mossad Commentary (@MOSSADil) March 23, 2026
credit – social media and Twitter
एकीकडे न्यूयॉर्क टाइम्स आणि जागतिक प्रसारमाध्यमे अमेरिकेच्या नुकसानीच्या बातम्या देत असताना, दुसरीकडे अमेरिकन राष्ट्राध्यक्ष डोनाल्ड ट्रम्प यांनी मात्र वेगळाच पवित्रा घेतला आहे. त्यांनी एका कार्यक्रमात दावा केला की, “अमेरिकेच्या प्रत्युत्तरादाखल केलेल्या हल्ल्यांमुळे इराण पूर्णपणे कोलमडला आहे. इराण आता युद्ध थांबवण्यासाठी आणि तडजोडीसाठी धडपडत आहे.” ट्रम्प यांच्या या दाव्यामुळे नेमकी परिस्थिती काय आहे, याबाबत संभ्रम निर्माण झाला असला तरी, जमिनीवर अमेरिकेचे झालेले नुकसान नाकारता येण्यासारखे नाही.
जागतिक घडामोडी संबंधित बातम्या वाचण्यासाठी येथे क्लिक करा : World Politics: मला दुसरं काम आहे, युद्ध लवकर संपवा! ट्रम्पच्या एका फोनने सर्वांच्याच मनात उठले भीतीचे काहूर; नेमकी कशाची चाहूल?
इराणने अमेरिकेच्या तळांना अशा प्रकारे लक्ष्य करणे हे जागतिक सुरक्षा आणि ऊर्जा पुरवठ्यासाठी अत्यंत धोक्याचे आहे. जर हे युद्ध असेच लांबले, तर कच्च्या तेलाचे दर गगनाला भिडतील आणि जगात महागाईचा भडका उडेल. ६ सैनिकांच्या मृत्यूचा बदला अमेरिका कसा घेते, यावर आता जगाचे भवितव्य अवलंबून आहे.
Ans: न्यूयॉर्क टाइम्सच्या वृत्तानुसार, कुवेतमधील शुऐबा बंदरातील टॅक्टिकल सेंटरवर झालेल्या इराणी हल्ल्यात ६ अमेरिकन सैनिक ठार झाले आहेत.
Ans: इराणने कतारमधील 'अल उदेद' हवाई तळ लक्ष्य केला असून, तिथली रडार यंत्रणा पूर्णपणे नष्ट केली आहे.
Ans: ट्रम्प यांनी दावा केला आहे की इराण अमेरिकेच्या हल्ल्यांमुळे उद्ध्वस्त झाला असून ते आता शांतीसाठी तडजोड करण्यास तयार आहेत.
