US Iran Conflict : ट्रम्प इराणला उद्ध्वस्त करणार होते, पण ‘या’ व्यक्तीच्या एका इशाऱ्याने सगळंच बदललं! नेमकं काय घडलं?

US Iran Tension : गेले काही दिवस अमेरिका इराणमध्ये प्रचंड तणावाचे वातावरण होते. इराणमधील आंदोलांवर हिंसाचाराच्या विरोधात अमेरिका हल्ला करणार होता, परंतु अद्यापही कोणताही हल्ला झालेला नसून यामागेचे मोठे कारण समोर आले आहे.

• इराणला उद्ध्वस्त करणार होता अमेरिका
• पण इस्रायलने फोन केला अन् हल्ला थांबला
• नेमकं काय घडलं? आणि का?

PM Netanyhu Call Trump to stop Attack on Iran : वॉशिंग्टन/जेरुसेलम : गेले काही आठवडे अमेरिका (America) आणि इराण (Iran) मध्ये प्रचंड तणावाचे वातावरण होते. दोन्ही देशात युद्धाची परिस्थिती निर्माण झाली होती. इराणमध्ये सुरु असलेल्या आंदोलनात खामेनेई सरकारने बळाचा वापर केला होता. यामुळे ट्रम्प यांनी इराणला, निरापराध लोकांचा बळी गेल्यास त्याविरोधात कठोर कारवाई केली जाईल असा इशारा दिला होता. याच पार्श्वभूमीवर अमेरिकेने इराणच्या जवळ लष्करी तैनाती देखील सुरु केल्या होत्या. पण हा हल्ला टळला असून यामागचे मोठे कारण आता समोर आले आहे.

Iran Regime Change : इराणवर अजूनही ट्रम्पची नजर? खामेनेईंच्या सत्तापालटाचा थेट इशारा, नवा प्लॅन तयार?

नेतन्याहूंच्या विनंतीवरुन टळला हल्ला

सुत्रांकडून मिळालेल्या माहितीनुसार, गेल्या आठवड्यात इस्रायलचे पंतप्रधान बेंजामिन नेतन्याहू यांचा डोनाल्ड ट्रम्प यांना एक फोन आला होता. यावेळी त्यांनी अमेरिकेला इराणवर हल्ला न करण्याचे आवाहन केले.वॉशिंग्टन पोस्टने, व्हाइट हाउसच्या सूत्राचा हवाला देत सांगितले आहे की, नेतन्याहूंनी ट्रम्प यांना इराणवर हल्ला न करण्याचे आवाहन दिले होते.

काय आहे नेमकं कारण?

अहवालानुसार, नेतन्याहूंनी ट्रम्प यांना सांगितले की, अमेरिकेच्या हल्ल्यानंतर इराणने हल्ला केल्यास इस्रायल त्याला प्रत्युत्तर देण्यास सक्षम नसल्याचे ट्रम्प यांना म्हटले. यामुळे ट्रम्प यांनी आपला हल्ला मागे घेतला असल्याचा दावा केला जात आहे. नेतन्याहू यांनी ट्रम्प यांना सांगितले की, अमेरिकेने इराण जवळच्या प्रदेशामध्ये पुरेसे सैन्य तैनात केलेले नाही. तसेच इस्रायलला ही इराणी हल्ल्यापासून बचावासाठी पुरेसे क्षेपणास्त्र आणि ड्रोन पुरवण्यात आलेले नाही.

यामुळे इस्रायल स्वत:चे रक्षण करु शकणार नाही. परिणामी अमेरिकेला याचा गंभीर परिणाम भोगावा लागला. कारण इस्रायल बॅलेस्टिक क्षेपणास्त्रांचे हल्ले रोखण्यासाठी अमेरिकेच्या सैन्यावर अवलंबून आहे. वॉशिंग्टन पोस्टने दिलेल्या वृत्तानुसार, १४ जानेवारी २०२६ रोजी ट्रम्प आणि नेतन्याहूंमध्ये चर्चा झाली होती.

सौदी अरेबियाने दिला होता इशारा

दरम्यान याच वेळी सौदी अरेबियाने ट्रम्प यांना इराणवर हल्ला न करण्याचा इशारा दिला होता. सौदी अरेबियाचे क्राउन प्रिन्स मोहम्मद बिन सलमान यांनी ट्रम्प यांना कॉल केला होता. त्यांनी प्रादेशिक सुरक्षेच्या कारणास्तवर हल्ला न करण्याचा सल्ला ट्रम्प यांना दिला होता. यामुळे इस्रायल आणि सौदी अरेबियाच्या या सल्ल्यामुळेच ट्रम्प यांनी इराणवर हल्ल्याचा निर्णय मागे घेतला असल्याचे म्हटले जात आहे. विशेषत: नेतन्याहूंच्या दबावामुळेच इराणवर अमेरिकेचा संभाव्य हल्ला टळला आहे.

Iran Protest : इराण रक्ताळला! १६,००० हून आंदोलकांची थेट गोळ्या झाडून हत्या; भयावह फोटो पाहून अंगावर येईल काटा