इस्रायल आणि हमास यांच्यात सुरू असलेल्या युद्धादरम्यान, माणुसकीला काळीमा फासणारे फोटो आणि व्हिडिओ सध्या सोशल मीडियावर व्हायरल होत आहेत. ऑक्टोबर २०१६ रोजी इस्रायलवर झालेल्या हल्ल्यादरम्यान हमासच्या दहशतवाद्यांनी इस्रायली महिलेवर बलात्कार केल्याचा प्रकार समोर आला. या व्हिडिओमध्ये हमास दहशतवादी बाप आणि लेकाने सामूहिक बलात्काराची कबुली देखील दिली आहे. दोघांनी एकाच महिलेल्या क्रूरतेची शिकार बनवले असल्याचे देखील म्हटले आहे. या व्हिडिओमध्ये, हमासचा एक दहशतवादी आणि त्याचा मुलगा इस्रायली अधिकाऱ्यांना सांगतांना दिसत आहे की, 7 ऑक्टोबर रोजी झालेल्या हल्ल्यादरम्यान त्यांनी एका महिलेवर सामूहिक बलात्कार केला आणि नंतर तिची हत्या केली.
जमाल हुसेन अहमद रादी (४७) असे इस्रायली महिलेवर बलात्कार केल्याचा आरोप असलेल्या हमास सेनानीचे नाव आहे. जमाल हुसैनचा १८ वर्षीय मुलगा अब्दुल्ला यानेही एका इस्रायली महिलेवर बलात्कार केला. ‘डेली मेल’च्या रिपोर्टनुसार, हमास सेनानी जमाल हुसैन यांनी सांगितले की, जेव्हा तो 7 ऑक्टोबर 2023 रोजी गाझा सीमेवरून किबुत्झ नीर या इस्रायली सीमा भागात प्रवेश केला. त्यावेळी त्याला एका घरातून रडण्याचा आवाज आला. जमाल म्हणाला- मला जे करायचे होते ते मी केले…मी तिच्यावर बलात्कार केला.
NEW: “My father raped her, then I did and then my cousin did and then we left but my father killed the woman after we finished raping her.” Captured Hamas terrorists confess to sexual violence against Israelis on 7/10. They even made it a family outing. The sickness runs deep. pic.twitter.com/21NETXGNjZ — Heidi Bachram ?️ (@HeidiBachram) May 23, 2024
इस्रायलच्या लष्कराने गाझामध्ये लष्करी कारवाईदरम्यान जमाल हुसेन आणि त्यांचा मुलगा अब्दुल्ला यांना ताब्यात घेतले आहे. चौकशीत बाप-लेकाने एक धक्कादायक खुलासा केला. 47 वर्षीय जमाल हुसैन अहमद रादी आणि त्यांचा 18 वर्षीय मुलगा अब्दुल्ला यांना इस्रायल डिफेन्स फोर्सने (आयडीएफ) गाझा पट्टीतून अटक केल्याचे सांगितले जात आहे.
हमासचा सेनानी जमाल हुसैन अहमद रादी पुढे म्हणाला, ‘मी तिला (इस्रायली महिलेला) बंदुकीचा धाक दाखवला आणि नंतर तिला निवस्त्र होण्यास सांगितले. जमाल हुसैन यांनी दावा केला की, इस्त्रायली महिलेवर तिच्यावर बलात्कार केल्यावर तिचे काय झाले ते मला माहीत नाही. इस्त्रायल आणि हमास यांच्यात सुरू असलेल्या युद्धाचा सर्वाधिक फटका लहान मुले आणि महिलांना बसला आहे. 7 ऑक्टोबरच्या हल्ल्यात हमासच्या सैनिकांनी 1200 हून अधिक लोकांना ठार केले.
व्हिडिओमध्ये जमाल आणि अब्दुल्ला ट्रॅक सूट घालून बसले आहेत, तिथे त्यांची चौकशी केली जात आहे. त्याचे हात बांधलेले आहेत आणि समोर इस्रायलचा ध्वज आहे. इस्त्रायलवरील हल्ल्यादरम्यान नोव्हा म्युझिक फेस्टिव्हलमध्येही महिलांना लक्ष्य करण्यात आले होते.
80 जणांचे अपहरण
7 ऑक्टोबर रोजी दहशतवाद्यांनी 400 लोकसंख्या असलेल्या किबुत्झ नीरमध्ये कहर केला होता. या हल्ल्यात किमान 20 लोक मारले गेले, तर 80 जणांचे दहशतवाद्यांनी अपहरण करून गाझा येथे नेले.
.png "Videos"){kind=small}
