World News : इस्रायलचा वेस्ट बँकवर कडकडीत लॉकडाऊन ;हजारो पॅलेस्टिनींचे जनजीवन विस्कळीत

World News : गोळीबारात दोन इस्रायली सैनिकांचा मृत्यू झाल्यानंतर इस्रायलने वेस्ट बँकमध्ये कडक लॉकडाऊन लागू केला आहे. हेब्रॉनमध्ये लष्करी कारवाईदरम्यान सुमारे १२०० पॅलेस्टिनी विस्थापित झाले असून अनेक घरांवर बुलडोझर फिरवण्यात आले आहेत.

• गोळीबारात दोन इस्रायली सैनिकांचा मृत्यू
• १२०० पॅलेस्टिनी विस्थापित; घरांवर बुलडोझर कारवाई
• संपूर्ण वेस्ट बँकमध्ये निर्बंध; आरोग्य आणि व्यापारावर परिणाम

World News : इस्रायलने पॅलेस्टाईनच्या वेस्ट बँकेत कडक लॉकडाऊन लागू केला आहे . मध्य पूर्वेत संघर्ष शिगेला गेला असतानाच या नवीन प्रकारामुळे तणाव अजूनच वाढला आहे . हेब्रोन शहराजवळ झालेल्या गोळीबारात दोन इस्रायली सैनिकांचा मृत्यू झाल्यानंतर पंतप्रधान नेतन्याहू यांनी हा निर्णय घेतला आहे . त्यानंतर लगेचच इस्रायली सैनिकांनी सगळ्या शहराला वेढा घालत कडक कारवाई करायला सुरवात केली आहे . या कारवाईमुळे हजारो पॅलेस्टानी नागरिकांना आपले राहते घर सोडावे लागत असून सगळ्या परिसरात भीतीचे वातावरण पसरले आहे . सामान्य माणसाच्या आयुष्याची अक्षरशः वाताहत झाली आहे .

गोळीबारात दोन इस्रायली सैनिकांचा मृत्यू

हेब्रोन शहराजवळ लष्करी तपासणी नाका आहे . तिथे अचानक पॅलेस्टानी बंधूकधार्यांनी गोळीबार केला . या हल्ल्यात दोन इस्रायली सैनिकांचा मृत्यू झाला . तर बाकी तीन सैनिक पुरते जखमी झाले . यावर लगेच इस्रायली सैन्याने प्रतिहल्ला केला आणि ते दोन पॅलेस्टानी नागरिक मारले गेले .

या घटनेनंतर नेतन्याहू यांनी तातडीचे हेब्रोनला वेढा घालण्याचे आणि सगळ्या वेस्ट बँकमध्ये लॉकडाऊ लागू करण्याचे आदेश दिले . आता हा लॉकडाऊन किती कायदेशीर किंवा नैतिकतेला धरून आहे याबाबत जगभरात चर्चा सुरु झाल्या आहेत .

Breaking News: ये दोस्ती हम नही तोडेंगे ;रशियाचा पहिला डिझेलचा टँकर अमेरिकेच्या दिशेने रवाना

१२०० पॅलेस्टिनी विस्थापित; घरांवर बुलडोझर कारवाई

लष्करी कारवाईदरम्यान हेब्रोनमधील अल जालादा आणि ऐन देयर बहा परिसरात मोठ्या प्रमाणावर छापे टाकण्यात आले . अनेक घरांची झाडाझडती घेण्यात आली असून काही घरे ,दुकाने आणि इमारती जमीनदोस्त करण्यात आल्या आहेत . या कारवाईमुळे अंदाजे १२०० पॅलेस्टानी नागरिक आपली राहती घरे ,संसार सोडून सोडून दुसऱ्या मिळेल त्या सुरक्षित ठिकाणी गेले आहेत . या सगळ्या प्रकारामुळे युद्धामुळे निष्पाप माणसाला आपल्या हक्काच्या जागेवरून स्थलांतर करून उपेक्षित आयुष्य जगण्याची वेळ आली आहे . वय झालेली आणि लहान वय असलेल्या माणसांना याचा अधिकचा त्रास होत आहे .

World News : इराणच्या निशाण्यावर अमेरिकन अधिकारी ;अमेरिका ताबडतोब लागली कामाला

संपूर्ण वेस्ट बँकमध्ये निर्बंध; आरोग्य आणि व्यापारावर परिणाम

या सगळ्या प्रकारामुळे इस्रायली सैन्याने वेस्ट बँकमधील अनेक शहरांचे महत्वाचे रस्ते आणि प्रवेशद्वार बंद केले असून , ठिकठिकाणी लष्करी तपासणी नाके उभे करण्यात आले आहेत . तसेच प्रत्येक नागरिकांच्या सगळ्या हालचालींवर बारीक लक्ष ठेवण्यात येत आहे . याचा परिणाम असा होत आहे कि , रुग्णालये ,शाळा व्यापार आणि रोजगारावर होत आहे . काही नागरिकांना उपचारांसाठीही बाहेर येता येत नसल्याने त्यांचीही पंचाईत झाली आहे . पॅलेस्टानी प्रशासनाने या कारवाईला सामूहिक शिक्षा असल्याचे म्हंटले आहे . तर दुसरीकडे संयुक्त राष्ट्रांनी या घडणाऱ्या सगळ्या प्रकाराबाबत चिंता व्यक्त केली आहे .