israel internal crisis roman gofman appointed mossad chief david barnea protest 2026
Major General Roman Gofman Mossad Chief : जागतिक राजकारणात आपल्या अचूक आणि धडाकेबाज कारवायांसाठी ओळखली जाणारी इस्रायलची गुप्तचर संस्था ‘मोसाद’ (Mossad) सध्या अंतर्गत वादाने पेटली आहे. पंतप्रधान बेंजामिन नेतान्याहू यांनी घेतलेल्या एका निर्णयामुळे संपूर्ण इस्रायलमध्ये खळबळ उडाली आहे. मेजर जनरल रोमन गोफमन यांची मोसादचे पुढील प्रमुख म्हणून नियुक्ती केल्याची घोषणा नेतान्याहू यांनी १२ एप्रिल रोजी केली. मात्र, या घोषणेनंतर अवघ्या काही तासांतच इस्रायलच्या लष्करी आणि गुप्तचर वर्तुळातून विरोधाचा सूर उमटू लागला आहे.
सध्याचे मोसाद प्रमुख डेव्हिड बार्निया यांचा पाच वर्षांचा कार्यकाळ संपत असून २ जून रोजी रोमन गोफमन ही जबाबदारी स्वीकारतील. नेतान्याहू यांनी गोफमन यांची स्तुती करताना त्यांना “धाडसी आणि सर्जनशील अधिकारी” म्हटले आहे. गोफमन यांनी युद्धकाळात दाखवलेली चतुराई आणि साधनसंपन्नता पाहून ही निवड केल्याचे त्यांनी स्पष्ट केले. विशेष म्हणजे, इस्रायली लष्कराचे (IDF) चीफ ऑफ स्टाफ आयल झमीर यांनीही गोफमन यांच्या निवडीचे समर्थन केले आहे. मात्र, या समर्थनामागे राजकीय हात असल्याचा आरोप आता होऊ लागला आहे.
जागतिक घडामोडी संबंधित बातम्या वाचण्यासाठी येथे क्लिक करा : Peace Talks Fail : शांतता चर्चेमागे मोठा कट! JD Vance ना नेतान्याहूंचा फोन अन् चर्चा फिसकटली; इस्लामाबादमध्ये नक्की काय घडले?
या संपूर्ण वादाच्या केंद्रस्थानी आहेत मोसादचे विद्यमान प्रमुख डेव्हिड बार्निया. बार्निया यांनी केवळ गोफमन यांच्या नियुक्तीला विरोधच केला नाही, तर त्यांच्यावर गंभीर आरोपही केले आहेत. “गोफमन हे आपल्या अधिकारांचा गैरवापर करू शकतात, त्यांचे व्यक्तिमत्त्व या पदासाठी योग्य नाही,” असे विधान बार्निया यांनी केले आहे. जेव्हा एखाद्या गुप्तचर संस्थेचा विद्यमान प्रमुख आपल्याच उत्तराधिकाऱ्यावर असे आरोप करतो, तेव्हा त्या देशाची सुरक्षा व्यवस्था किती खिळखिळी झाली आहे, याचे दर्शन जगाला घडते.
The advisory committee on senior appointments chaired by retired Supreme Court President Asher Grunis has approved this evening, Maj.-Gen. Roman Gofman as Director of the Mossad. 1/2 — Prime Minister of Israel (@IsraeliPM) April 12, 2026
credit – social media and Twitter
केवळ मोसादमध्येच नव्हे, तर इस्रायलच्या रस्त्यावरही आता या नियुक्तीविरोधात लोक उतरले आहेत. इस्रायली टीकाकार आणि राजकीय विश्लेषकांनी याला इस्रायलच्या सुरक्षेसाठी सर्वात मोठा अंतर्गत धोका म्हटले आहे. एल्माकायेस यांसारख्या प्रभावशाली व्यक्तींनी या नियुक्तीविरोधात न्यायालयीन किंवा कायदेशीर लढा देण्याची तयारी दर्शवली आहे. ही नियुक्ती केवळ राजकीय सोयीसाठी केली गेली असल्याचा दाट संशय व्यक्त केला जात असून, यामुळे इस्रायली लष्करात आणि मोसादमध्ये दोन तट पडण्याची भीती निर्माण झाली आहे.
जागतिक घडामोडी संबंधित बातम्या वाचण्यासाठी येथे क्लिक करा : Oil Price Hike: ‘पेट्रोलच्या किमती विसरू नका!’ ट्रम्प यांच्या नाकेबंदीला इराणचे ‘गणितीय’ उत्तर; अमेरिकेला रडवणारं समीकरण VIRAL
तज्ज्ञांच्या मते, जर मोसाद आणि इस्रायली लष्कर (IDF) यांच्यात असाच वाद कायम राहिला, तर इस्रायलला गृहयुद्धासारख्या (Civil War) परिस्थितीचा सामना करावा लागू शकतो. शत्रू राष्ट्रांशी लढत असताना अंतर्गत कलह वाढणे हे कोणत्याही देशासाठी विनाशकारी असते. नेतान्याहू यांनी घेतलेला हा निर्णय मोसादला अधिक शक्तिशाली बनवणार की ती आतून पोखरली जाणार? हा प्रश्न आता जगभरातील संरक्षण तज्ज्ञांना पडला आहे. २ जून पर्यंत या वादाला कोणते वळण लागते, याकडे सर्वांचे डोळे लागले आहेत.
Ans: मेजर जनरल रोमन गोफमन यांची पंतप्रधान नेतान्याहू यांनी मोसादचे नवे प्रमुख म्हणून नियुक्ती केली असून ते २ जून रोजी कार्यभार स्वीकारतील.
Ans: बार्निया यांचा आरोप आहे की रोमन गोफमन आपल्या पदाचा आणि अधिकारांचा गैरवापर करू शकतात, ज्यामुळे मोसादच्या स्वायत्ततेला धोका पोहोचू शकतो.
Ans: गुप्तचर संस्था आणि लष्कर यांच्यातील अंतर्गत मतभेदांमुळे देशाच्या सुरक्षेवर परिणाम होण्याची भीती असल्याने इस्रायलमध्ये निदर्शने सुरू झाली आहेत.
.png "Videos"){kind=small}
