इस्राइलचे पंतप्रधान नेत्यान्याहू यांचा पंतप्रधान मोदींना फोन, युद्ध सुरु असताना साधला संवाद

भारतातील इस्राइलचे राजदूत नाओर गिलॉन यांनी सांगितलं होतं की, आम्हाला भारताच्या भक्कम पाठिंब्याची गरज आहे. भारत हा एक प्रभावशाली देश आहे. तो दहशतवादाचे आव्हान समजून घेतो.

इस्राइल आणि पॅलेस्टाईनमधील हमास दहशतवादी यांच्यात चार दिवसांपासून युद्ध चालू आहे. या युद्धात आतापर्यंत दोन्ही बाजूचे सुमारे 1600 लोक मृत्यूमुखी पडले आहेत. तर 7 हजारपेक्षा जास्त लोक जखमी झाले आहेत. दरम्यान मध्य पूर्वेतील अनेक मुस्लीम राष्ट्रांनी पॅलेस्टाईनला पाठिंबा दर्शवलाय. अमेरिका आणि युरोपातील काही देश इस्रायलच्या बाजूने उभे आहेत. भारतानेही इस्राइलच्या बाजूने भूमिका घेतली आहे. याच दरम्यान इस्राइलचे पंतप्रधान बेंजामिन नेत्यान्याहू यांनी पंतप्रधान नरेंद्र मोदी यांच्याशी फोनद्वारे संवाद साधला आहे.

See more

I thank Prime Minister @netanyahu for his phone call and providing an update on the ongoing situation. People of India stand firmly with Israel in this difficult hour. India strongly and unequivocally condemns terrorism in all its forms and manifestations. — Narendra Modi (@narendramodi) October 10, 2023

पंतप्रधान नरेंद्र मोदींनी एक्स (आधीचे ट्विटर) या सोशल मीडियावर पोस्ट केली आहे. पंतप्रधान मोदींनी लिहिलं आहे की,इस्राइलचे पंतप्रधान बेंजामिन नेत्यान्याहू यांनी मला फोन करून तिथल्या परिस्थितीबद्दल सांगितलं आहे. त्यासाठी मी त्यांचे आभार मानतो. या बिकट परिस्थितीत आम्ही भारतीय लोक इस्राइलच्या बाजूने खंबीरपणे उभे आहोत. भारत अशा दहशतवादी कृत्यांचा तीव्र निषेध करत आहे.

दरम्यान, भारत आणि इस्राइल यांच्यात चांगले संबंध आहेत. इस्राइलने पंतप्रधान मोदी यांच्या समर्थनासाठी आभार मानले आहेत. हमास दहशतवादी संघटनेने इस्राइलवर हल्ला केल्यानंतर पंतप्रधान नरेंद्र मोदींनी सर्वात आधी पुढे येत याचा निषेध केला होता.

भारतातील इस्राइलचे राजदूत नाओर गिलॉन यांनी सांगितलं होतं की, आम्हाला भारताच्या भक्कम पाठिंब्याची गरज आहे. भारत हा एक प्रभावशाली देश आहे. तो दहशतवादाचे आव्हान समजून घेतो. भारताला या संकटाचीही चांगली जाणीव आहे. यावेळी हे महत्वाचं आहे की, आमच्या युद्ध क्षमतेमुळे आम्ही हमासचे अत्याचार चालू ठेवू शकणार नाही.

दरम्यान हमासने 150 पेक्षा जास्त इस्रायली नागरिकांना ओलीस ठेवल्याचे वृत्त येत आहे. इस्राइलच्या प्रतिहल्ल्यानंतर हमासची पिछेहाट झालीआहे. गाझा पट्टीचा काही भाग इस्राइलच्या सैन्याने आपल्या ताब्यात घेतला आहे.