“ना विसरू, ना माफ करू!” हमासला इस्त्रायलचे अनोख्या कृतीने चोख प्रत्युत्तर; संघर्ष पुन्हा पेटणार?

इस्त्रायलचे पंतप्रधान बेंजामिन नेतन्याहूंनी तीव्र संताप व्यक्त केला असून हे हमासच्या कार्यक्रमांचे चोख प्रत्युत्तर असल्याचे म्हटले आहे. हमासने पूर्वी इस्त्रायली बंधकांची सुटका करताना एक स्टेज इव्हेंट आयोजित केला होता. या इव्हेंटमध्ये बंधकांना स्टेजवर उभे करून हमासची स्तुती करण्यास भाग पाडले. हा कार्यक्रम पाहण्यासाठी मोठ्या संख्येने पॅलेस्टिनी लोक गोळा झाले होते, यामुळे इस्त्रायलमध्ये तीव्र संतापाची लाट उसळली होती. यामुळे या वेळी इस्त्रायले विशेष टी-शर्ट वापरून पॅलेस्टिनी कैद्यांना सोडण्याचा निर्णय घेतला.

जागतिक घडामोडी संबंधित बातम्या- डोनाल्ड ट्रम्प आहेत अमेरिकेचे कुबेर; नरेंद्र मोदींपेक्षा तब्बल 20 हजार पट जास्त संपत्ती

हमासकडून 3 इस्त्रायली बंधकांची सुटका

युद्धविरामाच्या अंतर्गत हमासने तीन इस्त्रायली बंधकांची सुटका केली. ही सुटका सकाळी 10 वाजता खान यूनिस भागात करण्यात आली. रेडक्रॉसच्या माध्यमातून हे बंधक इस्त्रायली सैन्याकडे सोपवण्यात आले.

ओलिसांच्या सुटका

7 ऑक्टोबर 2023 रोजी झालेल्या हमास हल्ल्यानंतर इस्त्रायल-हमास युद्ध सुरू झाले होते. 15 महिन्यांनंतर युद्धविरामाचा करार करण्यात आला, याअंतर्गत दोन्ही बाजूंनी सहा वेळा बंधकांची अदलाबदल करण्यात आली आहे. पहिली अदला-बदली 19 जानेवारीला झाली, नंतर 25 आणि 29 जानेवारी, 1 आणि 8 फेब्रुवारी दरम्यान प्रक्रिया पार पडली. अखेर 15 फेब्रुवारीला सहाव्या वेळेस अदला-बदली करण्यात आली.

दरम्यान हमासने डोनाल्ड ट्रम्प आणि इस्त्रायलचे पंतप्रधान बेंजामिन नेतन्याहू यांनी सर्व ओलिसांच्या सुटकेसाठी शनिवारपर्यंतचा(15 फेब्रुवारी) अल्टीमेटम दिला होता. मात्र, तरीही हमासने फक्त तीन ओलिसांची सुटका केली आहे. यामुळे नेतन्यांहूनी पॅलेस्टिनींच्या सुटकेवेळी अनोखी कृती अवलंबवली आहे. यामुळे पुन्हा एकदा इस्त्रायल आणि हमास यांच्यात युद्धाची ठिणगी पडण्याची शक्यता आहे.

जागतिक घडामोडी  संबंधित बातम्या- US Tightens Visa interview waiver: अमेरिकेने बदलले H1-B व्हिसाचे नियम; अर्जदारांना पाहावी लागणार वाट

संबंधित बातम्या