सोमवार, 9 नोव्हेंबर 2026
Japan Crisis: जपानमध्ये 'लोकसंख्या क्रांती' की सांस्कृतिक संकट? मशिदींच्या संख्येत विक्रमी वाढ झाल्याने गदारोळ ( फोटो सौजन्य : सोशल मीडिया )
Muslim population growth in Japan 2026 : निसर्गरम्य आणि आपल्या शिस्तबद्ध संस्कृतीसाठी ओळखला जाणारा जपान सध्या एका अभूतपूर्व सामाजिक संकटातून जात आहे. जपानच्या फुजिसावा (Fujisawa) शहरात एका भव्य मशिदीच्या बांधकामाला स्थानिक रहिवाशांनी दिलेल्या विरोधामुळे संपूर्ण देशात खळबळ उडाली आहे. हा वाद केवळ एका इमारतीचा नसून, तो जपानच्या बदलत्या लोकसंख्येचा आणि धोक्यात आलेल्या ‘शिंटो’ (Shinto) परंपरेचा आहे. सोशल मीडियावर व्हायरल होणाऱ्या व्हिडिओंमध्ये हजारो जपानी नागरिक या प्रकल्पाविरोधात निदर्शने करताना दिसत आहेत.
फुजिसावामधील रहिवाशांचा मुख्य आक्षेप मशिदीच्या आकारावर आहे. येथील स्थानिक रहिवाशांच्या मते, प्रस्तावित मशीद ही जवळच असलेल्या पारंपरिक शिंटो देवस्थानांपेक्षा मोठी आणि भव्य आहे. यामुळे परिसराची ऐतिहासिक आणि सांस्कृतिक ओळख पुसली जाईल, अशी भीती त्यांना सतावत आहे. अनेक सार्वजनिक सभांमध्ये या मुद्द्यावरून वाद झाले असून, परिस्थिती इतकी तणावपूर्ण झाली की पोलिसांना आंदोलकांना पांगवण्यासाठी बळाचा वापर करावा लागला. आंदोलकांचे म्हणणे आहे की, जपानने आपल्या परंपरा जपल्या पाहिजेत आणि कोणत्याही विदेशी संस्कृतीला स्थानिक वारशापेक्षा मोठे होता कामा नये.
जागतिक घडामोडी संबंधित बातम्या वाचण्यासाठी येथे क्लिक करा : Paris Summit: ‘मॅक्रॉन यांनी मेलोनींना मारली मिठी अन् Kiss…’ पॅरिस शिखर परिषदेतील ‘तो’ VIDEO VIRAL; मेलोनींची खास प्रतिक्रिया
वासेदा विद्यापीठाचे तज्ज्ञ हिरोफुमी तानादा यांच्या आकडेवारीनुसार, जपानमध्ये मुस्लिम समुदायाची वाढ थक्क करणारी आहे. २०१० मध्ये जपानमध्ये केवळ १ लाख १० हजार मुस्लिम होते, जे २०२४ च्या अखेरीस ४ लाख २० हजार झाले आहेत. अवघ्या १०-१५ वर्षांत ही लोकसंख्या चौपट झाली आहे. परिणामी, २००८ मध्ये संपूर्ण जपानमध्ये केवळ ५० मशिदी होत्या, ज्यांची संख्या २०२५ पर्यंत १६० च्या पार पोहोचली आहे. टोकियो, ओसाका आणि योकोहामा यांसारखी मोठी शहरे आता मुस्लिमांचे केंद्र बनू लागली आहेत.
🚨 Thousands of Japanese gathered to protest the construction of the first mosque in Fujisawa. The proposed mosque would be much larger than the nearby sacred Shinto shrine, an act of provocation! pic.twitter.com/BpfrPydAxw — Global News & Geopolitics 🌍 (@GlobalNewsGeo) April 13, 2026
credit – social media and Twitter
जपानमधील हा बदल आकस्मिक नाही. देशातील घटता जन्मदर आणि वेगाने वृद्ध होत चाललेली लोकसंख्या यामुळे जपानला ‘वर्कफोर्स’ची (कामगारांची) प्रचंड कमतरता भासत आहे. ही पोकळी भरून काढण्यासाठी जपानी सरकारने इंडोनेशिया, पाकिस्तान, बांगलादेश आणि इराणमधील कामगारांना आपले दरवाजे उघडले. हे कामगार प्रामुख्याने आयटी, तांत्रिक क्षेत्र आणि नर्सिंगमध्ये काम करत आहेत. मात्र, त्यांच्यासोबत आलेल्या धार्मिक आणि सांस्कृतिक परंपरा आता जपानच्या मूळ संस्कृतीशी संघर्षात येत आहेत.
जागतिक घडामोडी संबंधित बातम्या वाचण्यासाठी येथे क्लिक करा : Islamabad Talks: युद्धाच्या सावटात शांततेची नवी पहाट! US-Iran पुन्हा आमनेसामने; इस्लामाबादमध्ये ‘या’ दिवशी ठरणार जगाचे भवितव्य
जपानच्या घटनेने धार्मिक स्वातंत्र्य दिले असले तरी, जपानी समाजात आपली ओळख जपण्याची भावना खूप तीव्र आहे. फुजिसावा मशिदीच्या प्रतिनिधींनी आम्ही जपानच्या नियमांचे पालन करू, असे आश्वासन दिले असले तरी स्थानिकांचे समाधान झालेले नाही. जपानमधील अनेक तज्ज्ञांचे मते, जर हीच गती कायम राहिली, तर येत्या काही दशकांत जपानचे लोकसंख्याशास्त्रीय चित्र पूर्णपणे बदललेले असेल. हा प्रश्न आता केवळ धर्माचा नसून जपानच्या भविष्यातील अस्तित्वाचा बनला आहे.
Ans: जपानमधील कामगारांची कमतरता भरून काढण्यासाठी सरकारने परदेशी कामगारांसाठी धोरणे शिथिल केली आहेत, ज्यामुळे इंडोनेशिया, पाकिस्तान आणि बांगलादेशमधून मोठ्या प्रमाणावर स्थलांतर झाले आहे.
Ans: प्रस्तावित मशीद स्थानिक पारंपरिक शिंटो देवस्थानांपेक्षा मोठी असल्याने ती परिसराची सांस्कृतिक ओळख नष्ट करेल, असा रहिवाशांचा आरोप आहे.
Ans: २००८ मध्ये मशिदींची संख्या ५० होती, जी २०२५ पर्यंत १६० पेक्षा जास्त झाली असल्याचा अंदाज आहे.
