ओ स्त्री कल आना! आता किम जोंग उनचा विनाश अटळ? तिच्या बदल्याच्या आगीमध्ये होणार जळून खाक

जागतिक घडामोडी संबंधित बातम्या-  कॅनडात प्रशिक्षणादरम्यान दोन विमानांची जोरदार टक्कर; भारतीय वंशाच्या विद्यार्थी पायलटचा अपघातात मृत्यू

किम जोंगवर मानवाधिकार हक्कांचे उल्लंघन केल्याचा गंभीर आरोप

उत्तर कोरियामध्ये मानवी हक्कांच्या उल्लंघनाच्या पीडिताने कायदेशीर लढाई पुकारली आहे. किम जोंग विरोधात आणि उत्तर कोरियात पहिल्यांदाच असे प्रकरण समोर येत आहे. हे प्रकरण ऐतिहासिकदृष्ट्या महत्त्वाचे असल्याचे तज्ज्ञांनी म्हटले आहे. संयुक्त राष्ट्र आणि आंतरराष्ट्रीय गुन्हेगारी न्यायालय जागतिक व्यासपीठांवर हा मुद्दा उपस्थित करणार आहेत. यासाठी योजना देखील आखली जात आहे. उत्तर कोरियाच्या नेते किम जोंगवर अनेकवेळा मानवी हक्कांचे उल्लंघन केल्याचा आरोप करण्यात आला आहे. तसेच उत्तर कोरियाच्या सततच्या क्षेपणास्त्रांच्या चाचण्यांमुळे अमेरिकेने देखील त्यांच्यावर अनेक निर्बंध लादले आहेत.

उत्तर कोरियाला चीनमधून जबरदस्तीने हद्दपार

मिळालेल्या माहितीनुसार, १९९७ मध्ये उत्तर कोरियातून चोई मिन-क्योंग या महिला पळून गेल्या होत्या. २००८ पर्यंत त्यांनी चीनमध्ये आश्रय घेतला. परंतु २००८ मध्ये चीनमधून त्यांना जबरदस्तीने उत्तर कोरियाला परत पाठवण्यात आले. त्यांनी आरोप केला आहे की, उत्तर कोरियात परतल्यावर त्यांना एका डिटेंशन सेंटरमध्ये पाच महिने ठेवण्यात आले. तिथे त्यांच्यावर, शारीरिक छळ, लैंगिक अत्याचार करण्यात आला. २०१२ मध्ये त्यांनी पुन्हा उत्तर कोरियातून बाहेर पडल्या आणि दक्षिण कोरियात स्थायिक झाल्या.

चोई मिन-क्योंग यांनी सध्या उत्तर कोरियाचे नेते किम जोंग उन यांच्यावर मानवी हक्कांचे उल्लंघन केल्याचा आरोप केला आहे. तसेच राष्ट्रीय सुरक्षा मंत्रालयाच्या पाच अधिकाऱ्यांविरोधातही आंतरराष्ट्रीय गुन्हेगारी न्यायालयात फौजदारी तक्रार दाखल केली आहे. सध्या या घटनेने संपूर्ण जगभर खळबळ उडाली आहे. चोई मिन-क्योंग यांनी म्हटले आहे की, “किमच्या राजवटीत मानवतेविरुद्धच्या गुन्ह्यांसाठी जबाबादर असलेल्यांना मला न्याय मिळवून द्यायचा आहे. मला विश्वास आहे की, कायदेशीररित्या हे शक्य आहे. तसेच जगाचे लक्ष्य उत्तर कोरियाकडे आहे.”

जागतिक घडामोडी संबंधित बातम्या- झेलेन्स्कींना मोठा झटका! कीवमध्ये युक्रेनियन सुरक्षा सेवेच्या कर्नलची हत्या; रशिया सामील असल्याचा संशय

संबंधित बातम्या