किंग चार्ल्स यांना कँसरची लागण, बकिंगहॅम पॅलेसने दिली माहिती!

ब्रिटनचे किंग चार्ल्स III (King Charles III) यांना कँसरची लागण झाल्याची माहिती समोर आली आहे.

    ब्रिटनच्या राजघराण्यातून एक मोठी आणि चिंताजनक बातमी समोर येत आहे. किंग चार्ल्स तृतीय (King Charles III)  यांना कॅन्सरची लागण झाली आहे. बर्किंगहॅम मधील प्रवक्तांनी या संदर्भात एक निवेदन जारी करत माहिती दिली आहे. काही दिवसापासून किंग चार्ल्स यांना प्रोटेस्ट ग्रंथीसंदर्भात त्रास जाणवू लागला होता. त्याची तपासणी करताना त्यांना कॅन्सरचं निदान झालं आहे. किंग चार्ल्स यांनी कोणता कर्करोग झाला आहे, हे अद्याप स्पष्ट झालं नाही आहे.

    निवेदनात काय?

    बर्किंगहॅम पॅलेसने दिलेल्या निवेदनानुसार, डाॅक्टरांनी त्यांच्या काही तपसण्या केल्या होत्या. त्यादरम्यान किंगचार्ल्स यांना कॅन्सरचं निदान झाल्याची बाब समोर आली. त्यामुळे डॅाक्टरांनी आता त्यांना विश्रांती घेण्याचा सल्ला दिला आहे. त्यांना सार्वजनिक कामापासून दूर राहण्यास सांगण्यात आलं आहे.  मात्र, त्यांच्यावर उपचार सुरू असून डॅाक्टर योग्य ती सगळी काळजी घेत आहेत.

    पंतप्रधान ऋषी सुनक यांनी किंग चार्ल्स यांना बरं होण्यासाठी दिल्या शुभेच्छा

    किंग चार्ल्स यांना कॅन्सरचे निदान झाल्यानंतर ब्रिटनचे पंतप्रधान ऋषी सुनक यांनी त्यांना लवकर लवकर बरे होण्यासाठी शुभेच्छा दिल्या.तसेच ते लवकरच पूर्ण ताकतीने परततील याची मला खात्री आहे, संपूर्ण देश त्यांच्या आरोग्यासाठी प्रार्थना करत असेल अशी पोस्ट सुनक यांनी सोशल मीडीयावर प्लॅटफॉर्म एक्सवर केली आहे.

    कोण आहेत किंग चार्ल्स?

    किंग चार्ल्स यांचा जन्म १४ नोव्हेंबर १९४८ रोजी बकिंघम पॅलेसमध्ये झाला होता, ते चार वर्षांचे असताना त्यांची आई महाराणी एलिझाबेथ या पदावर विराजमान झाल्या होत्या. १९६९ मध्ये २० वर्षांच्या असताना त्यांना महाराणीने कॅरफर्नन कॅसल मध्ये प्रिंस ऑफ वेल्स म्हणून नियुक्त केलं गेलं होतं.

    चार्ल्स यांनी २९ जुलै १९८१ मध्ये लेडी डायना स्पेंसर यांच्य़ाशी लग्न केलं. त्या दोघांना दोन मुलं प्रिंस विलियम आणि प्रिंस हॅरी आहेत. २८ ऑगस्ट १९९६ रोजी हे लग्न मोडलं. ९ एप्रिल २००५ मध्ये त्यांनी कॅमिला यांच्याशी लग्न केलं.

    महाराणी एलिझाबेथ द्वितीय यांच्या निधनानंतर किंग चार्ल्स तृतिय ब्रिटनेच किंग बनले होते. मागील वर्षी मे मध्ये त्यांचा राज्यभिषेक झाला होता. यानंतर त्यांना किंग चार्ल्स तृतिय नावाने संबोधित केले जाते. त्यांचे वय ७३ वर्ष आहे.