Bangladesh Violence: ज्याच्यामुळे बांगलादेश पेटला, त्याच्यावरच युनूसने उधळली स्तुतीसुमने; हादीच्या अंत्यसंस्काराला जनसागराचा ओघ

Sharif Osman Hadi funeral : विद्यार्थी नेते आणि इन्कलाब मंचचे निमंत्रक उस्मान हादी यांच्या अंत्यसंस्कारासाठी ढाकामध्ये कडक सुरक्षा व्यवस्था करण्यात आली होती. संसद भवन परिसरातील रस्ते बंद करण्यात आले होते.

•  बांगलादेशातील ‘इन्कलाब मंच’चे निमंत्रक शरीफ उस्मान हादी यांच्यावर ढाका येथे कडक सुरक्षेत अंत्यसंस्कार करण्यात आले.
• अंतरिम सरकारचे प्रमुख मुहम्मद युनूस यांनी हादी यांचा उल्लेख ‘राष्ट्राचा नायक’ असा केला, ज्यामुळे राजकीय वर्तुळात चर्चा सुरू झाली आहे.
•  अंत्यसंस्कारासाठी १,००० बॉडी कॅमेरे, ड्रोन बंदी आणि लष्करी बंदोबस्त तैनात करण्यात आला होता, संपूर्ण संसद परिसर छावणीचे स्वरूप धारण करून होता.

Sharif Osman Hadi funeral South Plaza Parliament Dhaka :  बांगलादेशातील (Bangladesh) राजकीय अस्थिरता आणि हिंसाचाराचे केंद्र बनलेले विद्यार्थी नेते शरीफ उस्मान हादी (Sharif Osman Hadi) यांच्यावर शनिवारी ढाका येथे अंत्यसंस्कार करण्यात आले. हादी यांच्या निधनानंतर बांगलादेशात जनक्षोभ उसळला होता आणि अनेक ठिकाणी जातीय हिंसाचाराच्या घटनाही घडल्या होत्या. मात्र, आज त्यांच्या अंतिम प्रवासावेळी बांगलादेशचे अंतरिम सरकार प्रमुख मुहम्मद युनूस यांनी हजेरी लावत हादी यांना ‘क्रांतीचा महानायक’ संबोधल्याने सर्वांच्या भुवया उंचावल्या आहेत. ज्या व्यक्तीच्या मृत्यूने देशात अराजकता माजली, त्या नेत्याचे इतक्या मोठ्या प्रमाणावर उदात्तीकरण केल्याने आता नवीन वाद निर्माण होण्याची शक्यता आहे.

ढाका शहराला लष्करी छावणीचे स्वरूप

शरीफ उस्मान हादी हे केवळ एक विद्यार्थी नेते नव्हते, तर ते ‘इन्कलाब मंच’चे निमंत्रक म्हणून तरुण पिढीचा आवाज बनले होते. त्यांच्या अंत्यसंस्काराला होणारी गर्दी लक्षात घेता प्रशासनाने संसद भवन परिसरातील सर्व रस्ते बंद केले होते. परिस्थिती हाताबाहेर जाऊ नये म्हणून ढाका पोलिसांनी १,००० हून अधिक बॉडी-वॉर्न कॅमेरे (शरीरावर लावलेले कॅमेरे) तैनात केले होते. संपूर्ण परिसरात ड्रोन उडवण्यावर कडक बंदी घालण्यात आली होती. ‘माणिक मिया अव्हेन्यू’ या प्रमुख रस्त्यावरील वाहतूक पूर्णपणे रोखून धरण्यात आली होती, जेणेकरून अंत्यसंस्कारासाठी येणाऱ्या हजारो समर्थकांना जागा मिळावी.

जागतिक घडामोडी संबंधित बातम्या वाचण्यासाठी येथे क्लिक करा : Jeffrey Epstein: जगातील सर्वात मोठे स्कँडल! पण ट्रम्पसाठी फाईल्समध्ये दस्तऐवजांची फेरबदल कूटनीती; ‘अनेक’ नावे गुलदस्त्यात

मुहम्मद युनूस यांची वादग्रस्त ठरलेली ‘हिरो’ पदवी

अंत्यसंस्काराच्या वेळी मुहम्मद युनूस भावूक झालेले पाहायला मिळाले. त्यांनी हादी यांच्या बलिदानाचा गौरव करताना म्हटले की, “आज संपूर्ण बांगलादेश हादीची आठवण करत आहे. त्यांनी बांगलादेशच्या लोकशाहीसाठी आणि हक्कासाठी जे केले, ते इतिहासात सुवर्ण अक्षरांनी लिहिले जाईल.” युनूस यांनी हादींना ‘नव्या बांगलादेशचा नायक’ म्हटले. मात्र, टीकाकारांच्या मते, हादी यांच्या मृत्यूमुळेच बांगलादेशात मोठ्या प्रमाणावर हिंसाचार सुरू झाला, ज्यामध्ये अल्पसंख्याकांनाही लक्ष्य करण्यात आले. अशा परिस्थितीत सरकार प्रमुखांनी केलेली ही स्तुती आगीत तेल ओतण्याचे काम करू शकते.

See more

VIDEO | Bangladesh: People throng the Parliament area to attend the funeral of July uprising leader, Sharif Osman Hadi, in Dhaka. Hadi, one of the leaders who had taken part in the student-led protests last year – termed as July Uprising – and a candidate for the scheduled… pic.twitter.com/gVP3hmY1oS — Press Trust of India (@PTI_News) December 20, 2025

credit : social media and Twitter

लोकांचा जनसागर आणि अंत्यसंस्काराचा विधी

शनिवारी सकाळपासूनच राष्ट्रीय संसद भवनाच्या परिसरात लोकांची गर्दी वाढू लागली होती. बांगलादेशच्या कानाकोपऱ्यातून लोक आपल्या लाडक्या नेत्याला अखेरचा निरोप देण्यासाठी आले होते. अंत्यसंस्काराच्या प्रार्थनेवेळी (जनाजा) वातावरण अत्यंत तणावपूर्ण पण भावूक होते. समर्थकांनी हादींच्या समर्थनार्थ घोषणाबाजी केली. प्रशासनाने सुरक्षेसाठी केवळ पोलीसच नव्हे, तर निमलष्करी दलाच्या तुकड्याही तैनात केल्या होत्या. कोणत्याही प्रकारची अफवा पसरू नये म्हणून सोशल मीडियावरही बारीक लक्ष ठेवले जात आहे.

जागतिक घडामोडी संबंधित बातम्या वाचण्यासाठी येथे क्लिक करा : Justice For Deepu Das: बांगलादेशातील हिंसेवर मोठी अपडेट! 7 आरोपी गजाआड; थरकाप उडवणारा खुलासा आला समोर

बांगलादेशच्या भविष्यासमोर मोठे प्रश्नचिन्ह

हादी यांच्या अंत्यसंस्कारानंतर बांगलादेशातील हिंसाचार थांबणार की अधिक भडकणार, हा मोठा प्रश्न आहे. युनूस सरकारने हादींना दिलेली ही अधिकृत मान्यता एका विशिष्ट गटाला बळ देणारी ठरू शकते. दुसरीकडे, या ‘नरसंहार’ सदृश परिस्थितीमुळे सामान्य नागरिक आणि अल्पसंख्याक समुदायामध्ये दहशतीचे वातावरण कायम आहे. ढाक्यातील ही शांतता वादळापूर्वीची शांतता तर नाही ना, अशी भीती सध्या व्यक्त केली जात आहे.