Lawrence Bishnoi: ‘घरात घुसून कपाळात….’ लॉरेन्स बिश्नोई टोळीची पोस्ट VIRAL; कॅनडातील हल्ल्याची स्वीकारली जबाबदारी

Lawrence Bishnoi : लॉरेन्स बिश्नोई टोळीने कॅनडामध्ये पुन्हा गोळीबार केला आहे. ब्रॅम्प्टनच्या मिसिसॉगा येथील ऑटोव्हिला कार सेल्समध्ये झालेल्या गोळीबाराबद्दल मन्ना ब्रॅम्प्टनने सोशल मीडियावर पोस्ट केली.

• कॅनडात गँगवॉरचा भडका
• “हा तर फक्त ट्रेलर!”
• शत्रूंना मदत केल्याचा आरोप

Lawrence Bishnoi gang firing Canada 2026 : आंतरराष्ट्रीय स्तरावर लॉरेन्स बिश्नोई (Lawrence Bishnoi )टोळीची दहशत आता भारताबाहेरही वेगाने पसरत आहे. कॅनडामधील ब्रॅम्प्टन आणि मिसिसागा परिसरात पुन्हा एकदा गोळीबाराचा थरार पाहायला मिळाला आहे. गजबजलेल्या ‘ऑटोव्हिला कार सेल्स’ (Autovilla Car Sales) या शोरूमला लक्ष करत बिश्नोई टोळीच्या गुंडांनी गोळ्यांचा वर्षाव केला. या घटनेमुळे कॅनडातील (Canada) भारतीय समुदायामध्ये आणि स्थानिक व्यापाऱ्यांमध्ये प्रचंड भीतीचे वातावरण पसरले आहे.

सोशल मीडियावरून जबाबदारी अन् धमकीचा व्हिडिओ

लॉरेन्स बिश्नोई टोळीशी संबंधित असलेल्या मन्ना ब्रॅम्प्टन नावाच्या प्रोफाइलवरून या हल्ल्याची जबाबदारी स्वीकारण्यात आली आहे. पोस्टमध्ये अत्यंत हिंसक भाषेचा वापर करण्यात आला असून त्यात म्हटले आहे की, “वाहेगुरुचा खालसा, वाहेगुरुचा विजय! आम्ही मणी रंधावाच्या कोठीवर आणि शोरूमवर हा हल्ला केला आहे. आम्ही त्याला प्रेमाने समजावले होते की आमच्या शत्रूंना मदत करू नकोस, पण त्याला प्रेमाची भाषा समजली नाही.” या पोस्टने पुन्हा एकदा सिद्ध केले आहे की कॅनडात बसून ही टोळी आपले नेटवर्क चालवत आहे.

See more

Fresh claim by Lawrence Bishnoi gang Gang Claims Responsibility for Canada Firing Incident A social media post allegedly linked to the Lawrence Bishnoi gang has claimed responsibility for a firing incident at Autovilla Car Sales in the Mississauga–Brampton area of Canada.… pic.twitter.com/fR9UkVhTai — Atulkrishan (@iAtulKrishan1) April 4, 2026

credit – social media and Twitter

जागतिक घडामोडी संबंधित बातम्या वाचण्यासाठी येथे क्लिक करा : Military Strategy : इराणच्या काळजात अमेरिकन ‘टार्गेट’! विमान पाडल्यानंतरही वैमानिक गायब; ‘SERE’ रणनीतीने इराणचा गोंधळ

शत्रूंना शस्त्रे पुरवल्याचा गंभीर आरोप

बिश्नोई टोळीने या शोरूम मालकावर अत्यंत गंभीर आरोप केले आहेत. त्यांच्या दाव्यानुसार, हा मालक बिश्नोई टोळीच्या शत्रूंना शस्त्रे पुरवण्याचं काम करतो आणि गुन्हेगारी कृत्यांसाठी वापरल्या जाणाऱ्या गाड्यांची चोरी करून देतो. “हा फक्त एक ट्रेलर होता,” असे म्हणत टोळीने इशारा दिला आहे की, जर सुधारला नाही तर थेट घरात घुसून हत्या केली जाईल. “ब्रॅम्प्टनला माहित आहे की आम्ही घरफोडी आणि हत्या करण्यात तज्ञ आहोत,” असा धक्कादायक दावाही या पोस्टमध्ये करण्यात आला आहे.

See more

कनाडा में एक बार फिर गोलीबारी की घटना सामने आई है, जहां एक कार शोरूम को निशाना बनाया गया। इस फायरिंग का दावा लॉरेंस बिश्नोई गैंग से जुड़े मन्ना ब्राम्पटन ने सोशल मीडिया पोस्ट के जरिए किया है. पोस्ट में शोरूम मालिक पर दुश्मनों का साथ देने का आरोप लगाया गया है.#Canada… pic.twitter.com/o2Kx1ajJu6 — NDTV India (@ndtvindia) April 4, 2026

credit – social media and Twitter

कॅनडामध्ये गोळीबाराच्या सत्रात मोठी वाढ

गेल्या काही महिन्यांपासून कॅनडामध्ये भारतीय वंशाच्या लोकांच्या घरांवर आणि व्यवसायांवर हल्ले होण्याच्या घटनांमध्ये मोठी वाढ झाली आहे. मार्च महिन्यातच कॅल्गरीमध्ये ‘मालवा टायर’चे मालक हरप्रीत ब्रार यांच्या घरावरही गोळीबार झाला होता. याशिवाय मिसिसागामधील रेस्टॉरंट्स आणि ट्रान्सपोर्ट व्यवसायांनाही टार्गेट केले जात आहे. कॅनेडियन तपास यंत्रणा जरी यामागे कोणत्याही मोठ्या टोळीचा संबंध अद्याप सिद्ध झालेला नाही असे सांगत असल्या, तरी सोशल मीडियावरील पोस्ट थेट लॉरेन्स बिश्नोई टोळीकडे बोट दाखवत आहेत.

जागतिक घडामोडी संबंधित बातम्या वाचण्यासाठी येथे क्लिक करा : Ancient Treasure: इंटरपोलचा ‘तो’ सर्वात मोठा शोध यशस्वी! 2500 वर्षे जुना सोन्याचा खजिना सापडला; नेदरलँड्समध्ये मोठा खुलासा

पोलीस यंत्रणांसमोर मोठे आव्हान

कॅनडातील स्थानिक पोलीस (Peel Regional Police) या प्रकरणाचा तपास करत आहेत. मात्र, सोशल मीडियाचा वापर करून ज्या प्रकारे गुन्हेगार मोकळेआम धमक्या देत आहेत, त्यावरून तिथे कायदा आणि सुव्यवस्थेचा प्रश्न गंभीर झाला आहे. काही तज्ज्ञांच्या मते, टोळीत नवीन सामील झालेले तरुण केवळ आपले वर्चस्व प्रस्थापित करण्यासाठी आणि दहशत निर्माण करण्यासाठी अशा हिंसक कृत्यांचा अवलंब करत आहेत. मात्र, या गँगवॉरमुळे सामान्य अनिवासी भारतीयांच्या सुरक्षिततेवर मोठे प्रश्नचिन्ह निर्माण झाले आहे.