इस्रायलने दक्षिण लेबनॉनवर क्षेपणास्त्र डागले, हिजबुल्लाहाच्या तीन सैनिकांना कठंस्नाान

दक्षिण लेबनॉनमध्ये इस्रायलच्या हवाई हल्ल्यात हिजबुल्लाहचे तीन लढवय्ये ठार झाले आहेत. ही घटना शनिवारी रात्री घडल्याचे सांगण्यात येत आहे.

लेबनॉनमधून एक मोठी बातमी समोर येत आहे आहे. इस्रायल आणि हमासमधील संघर्ष थांबण्याचं नाव घेत नाही आहे. शनिवारी इस्त्रायली सैन्याने दक्षिण लेबनॉनमधील एका घरावर हवाई हल्ला (Israel Lebanon Attack news) केला. या हल्ल्यात हिजबुल्लाचे तीन सैनिक ठार झाले. एका घरावर इस्रायली हल्ला करण्यात आला. याठिकाणी इतरही लोक होते त्यामुळे इतर दोघे गंभीर जखमी झाले. या घटनेनंतर हिजबुल्लानेही या प्रकरणात मृतांच्या संख्येला दुजोरा दिला आहे.

[read_also content=”बाबा रामदेव यांच्या अडचणी काही संपेना, आता योग शिबिरांवरील सेवा कर भरण्याचा सर्वोच्च न्यायालयाचा आदेश! https://www.navarashtra.com/india/supreme-court-order-to-patanjali-yoga-peetha-trust-to-pay-sercvice-tax-on-yoga-camp-nrps-525897.html”]

यापूर्वीच्या विधानांमध्ये, हिजबुल्लाहने असे म्हटले होते की त्यांनी सैनिक आणि गुप्तचर उपकरणांसह अनेक इस्रायली लक्ष्यांवर जोरदार गोळीबार केला होता. मात्र, या संदर्भात इस्रायली लष्कराचे म्हणणे आहे की त्यांनी आयता राख शाब भागात एका कॅम्पस आणि त्यात सक्रिय असलेल्या दहशतवाद्यांवर हल्ला केला होता. काफरकेला भागात हिजबुल्लाच्या दहशतवादी संरचनेवर काम करणाऱ्या एका दहशतवाद्यावर हल्ला करण्यात आला.

इस्राय आणि हमास यांच्यात दररोज गोळीबार

हमास आणि इस्रायलमध्ये झालेल्या हल्ल्यानंतर गाझामध्ये युद्ध सुरू झाले आहे. इस्रायली लष्कर आणि हमासचा मित्रपक्ष हिजबुल्ला यांच्यात सीमेवर दररोज गोळीबार होत असून त्यात सैनिकांना आपला जीव गमवावा लागत आहे. एका माहितीनुसार, युद्ध सुरू असल्यापासून इस्रायलच्या हल्ल्यात 375 सैनिक ठार झाले असून त्यात 70 नागरिकांचा समावेश आहे. लष्कराच्या माहितीनुसार, उत्तर इस्रायलमध्ये 10 सैनिक आणि 8 नागरिक मारले गेले आहेत. अलिकडच्या काही दिवसांत, हिजबुल्लाह आणि इस्रायल यांच्यातील हल्ले तीव्र झाले आहेत आणि तणाव वाढला आहे.