War End: ‘सैन्य पाठवण्याची गरज भासणार नाही…’ 10 दिवसांचा डेडलाइन ड्रामा; रुबियोने सांगितला ट्रम्पचा खरा प्लॅन

US Iran conflict : अमेरिकेचे परराष्ट्र सचिव मार्को रुबियो यांनी म्हटले आहे की, ही मोहीम 'महिन्यांत नव्हे, तर आठवड्यांत' संपू शकते आणि त्यासाठी भूदलाची आवश्यकता भासणार नाही. जाणून घ्या याबाबत सविस्तर.

• युद्धाचा ‘काऊंटडाऊन’ सुरू
• भूदल पाठवण्याची गरज नाही
• ट्रम्प यांचा १० दिवसांचा अल्टिमेटम

Marco Rubio statement on Iran War 2026 : मध्य-पूर्वेतील रणधुमाळीने (US-Israel Iran War) आता एका अशा वळणावर प्रवेश केला आहे, जिथे विनाशापेक्षा आता युद्धाच्या समाप्तीची चर्चा अधिक रंगू लागली आहे. गेल्या अनेक दिवसांपासून इराण आणि अमेरिका यांच्यात सुरू असलेल्या संघर्षात आता अमेरिकेने प्रथमच ‘एक्झिट प्लॅन’चे संकेत दिले आहेत. फ्रान्समध्ये पार पडलेल्या जी-७ परराष्ट्र मंत्र्यांच्या बैठकीनंतर अमेरिकेचे परराष्ट्र सचिव मार्को रुबियो (Marco Rubio) यांनी केलेल्या विधानाने जागतिक राजकारणात खळबळ उडवून दिली आहे.

महिन्यांत नाही, तर आठवड्यांत निकाल!

मार्को रुबियो यांनी अत्यंत आत्मविश्वासाने सांगितले की, अमेरिकेची इराणविरुद्धची लष्करी मोहीम ही दीर्घकाळ चालणारी नाही. “आम्हाला हे युद्ध ओढायचं नाहीये. आमची जी घोषित उद्दिष्टे आहेत, ती आम्ही वेळेत पूर्ण करू. हे युद्ध महिन्यांपर्यंत चालणार नाही, तर काही आठवड्यांतच त्याचा निकाल लागेल,” असे रुबियो यांनी स्पष्ट केले. सर्वात महत्त्वाची बाब म्हणजे, या युद्धासाठी अमेरिकेला आपले पायदळ किंवा सैन्य जमिनीवर उतरवण्याची गरज भासणार नाही, असेही त्यांनी नमूद केले. याचा अर्थ असा की, अमेरिका केवळ ‘सर्जिकल’ हवाई हल्ले आणि नौदलाच्या ताकदीवर हे युद्ध जिंकण्याचा प्रयत्न करत आहे.

जागतिक घडामोडी संबंधित बातम्या वाचण्यासाठी येथे क्लिक करा : Cyber Warfare: इराणचा अमेरिकेवर हॅकिंग स्ट्राईक! ट्रम्प यांच्या ‘राईट हँड’चा डेटा हॅक; 2010 पासूनचा डेटा लीक, गुपिते होणार उघड?

मरीन आणि हवाई दलाची गुपिते

रुबियो यांनी भूयुद्धाची शक्यता नाकारली असली, तरी पेंटागॉनच्या हालचाली काही वेगळंच सांगत आहेत. हजारो अमेरिकन मरीन आणि हवाई दलाचे सैनिक सध्या मध्य-पूर्वेच्या दिशेने रवाना झाले आहेत. मार्चच्या शेवटच्या आठवड्यापर्यंत एक मोठे उभयचर हल्ला जहाज (Amphibious Assault Ship) या सैनिकांना घेऊन युद्धभूमीजवळ पोहोचण्याची शक्यता आहे. हे सैन्य केवळ बॅकअप म्हणून आहे की जर इराणने पलटवार केला तर जमिनीवर उतरण्यासाठी, याबाबत अद्याप सस्पेन्स कायम आहे.

See more

“This is not going to be a prolonged conflict.” U.S. Secretary of State Marco Rubio says the U.S. is very confident of achieving its objectives in Iran without ground troops, after saying the war will end in weeks.https://t.co/HdkobKcYlp 📺 Sky 501, Virgin 602, Freeview 233 pic.twitter.com/CK8rhHQhIv — Sky News (@SkyNews) March 27, 2026

credit – social media and Twitter

ट्रम्प यांचा ‘एनर्जी’ बॉम्ब आणि १५-कलमी प्रस्ताव

एकीकडे रुबियो चर्चा आणि मर्यादित युद्धाची भाषा करत असताना, राष्ट्राध्यक्ष डोनाल्ड ट्रम्प यांनी इराणला थेट शब्दात शेवटची तंबी दिली आहे. ट्रम्प यांनी इराणला १० दिवसांची नवी डेडलाईन दिली आहे. जर या १० दिवसांत इराणने ‘होर्मुझची सामुद्रधुनी’ पुन्हा व्यापारासाठी खुली केली नाही, तर इराणची तेल क्षेत्रे आणि वीज केंद्रे (Energy Infrastructure) लक्ष्य केली जातील. ट्रम्प यांनी पाकिस्तानमार्फत पाठवलेल्या १५-कलमी प्रस्तावात इराणला युरेनियम संवर्धन आणि क्षेपणास्त्र कार्यक्रम पूर्णपणे थांबवण्याचे कडक निर्देश दिले आहेत.

जागतिक घडामोडी संबंधित बातम्या वाचण्यासाठी येथे क्लिक करा : War Update: इराणने सौदीत मांडला मृत्यूचा खेळ; US सैनिकांची वर्दी रक्ताने माखली, 10 हून अधिक सैनिक जखमी, पहा VIRAL VIDEO

निष्कर्ष: जगाला युद्धापासून मुक्ती मिळणार का?

मार्को रुबियो यांचे विधान आणि ट्रम्प यांचा अल्टिमेटम हे दोन्ही इराणला शरणागती पत्करण्यासाठी दबाव निर्माण करण्याचे प्रयत्न आहेत. जर इराणने १० दिवसांच्या आत वाटाघाटींचा मार्ग स्वीकारला, तर जागतिक अर्थव्यवस्था पुन्हा एकदा रुळावर येऊ शकते. मात्र, इराणने या अटी फेटाळल्या तर हे ‘आठवड्यांचे युद्ध’ अधिक भीषण स्वरूप धारण करू शकते.