जपानमध्ये पुन्हा मोठा भूकंप; क्युशू भागात ६.६ रिश्टर स्केलचे झटके
नवी दिल्ली: नेपाळ-तिबेटमध्ये 7.1 तीव्रतेच्या भूकंपाचे जोरदार धक्के आज पहाटे जाणवले आहेत. मंगळवारी (7 जानेवारी) सकाळी तिबेटमधील शिगात्से शहरात 6.9 तीव्रतेचा भूकंप झाला, यामुळे संपूर्ण परिसरात घबराट पसरली. चीनच्या सरकारी प्रसारमाध्यमांनी (CCTV) याची माहिती देत सांगितले की, हा भूकंप 10 किलोमीटर खोलीपर्यंत पसरला. या भूकंपाचे हादरे तिबेटसोबतच नेपाळमध्ये काही भागांमध्ये जाणवले.
तसेच, नेपाळच्या भूकंप विज्ञान विभागाने दिलेल्या माहितीनुसार, सकाळी 6:35 वाजता नेपाळमध्येही भूकंपाचे जोरदार धक्के जाणवले. मिळालेल्या माहितीनुसार, हा भूकंप नेपाळ-चीन सीमेवरील तिबेटमधील डिंगे कांती येथे केंद्रित होता. हा भूकंप 7.0 तीव्रतेचा होता. या भूकंपाचा प्रभाव नेपाळच्या पूर्व ते मध्य भागात दिसून आला, यामुळे काठमांडूसह अनेक भागांतील नागरिक भयभीत झाले आहेत.
काठमांडूमध्येही भूकंपाचे परिणाम
नेपाळची राजधानी काठमांडूमध्येही भूकंपाचे जोरदार धक्के जाणवले आहेत. या भूकंपामुळे लोकांमध्ये घबराट निर्माण झाली आणि अनेक लोक घराबाहेर पडले. गेल्या काही काळात काठमांडूमध्ये इतक्या तीव्रतेचा भूकंप जाणवला नव्हता. भूकंपामुळे नुकसान झाले आहे की नाही, याची अजून स्पष्ट माहिती समोर आलेली नाही. मात्र, लोकांमध्ये भीतीचे वातावरण आहे. नेपाळच्या अन्य भागांतील लोकांनीही भूकंपाचे हादरे जाणवल्याचे सांगितले आहे.
भूकंपाचे केंद्र आणि त्याचा परिणाम
चीनच्या भूकंप नेटवर्क केंद्राने जारी केलेल्या माहितीनुसार, भूकंपाचे केंद्र तिबेटच्या शिगात्से शहरात होते. हे धक्के समुद्रसपाटीपासून 10 किलोमीटर खाली होते. नेपाळ सरकारने देखील पुष्टी केली की भूकंपाचे केंद्र नेपाळ-चीन सीमेवरील तिबेटमधील डिंगे कांती येथे होते. या भूकंपामुळे तिबेट आणि नेपाळमधील अनेक भागांना हादरे बसले. यामुळे दोन्ही देशांतील लोक भयभीत झाले आणि सुरक्षिततेसाठी घराबाहेर पडले.
नुकसानाचा आढावा सुरू
सध्या या भूकंपामुळे नेमका किती जीवितहानी किंवा मालमत्तेचे नुकसान झाले आहे, याची माहिती नाही. मात्र, प्रशासन आणि अधिकाऱ्यांनी परिस्थितीची पाहणी सुरू केली आहे. भविष्यातील धोक्याचा अंदाज घेत स्थानिक प्रशासन लोकांना सतर्क राहण्याचे आवाहन करत आहे. भूकंपप्रवण क्षेत्रात असलेल्या तिबेट आणि नेपाळमध्ये असे भूकंप नवीन नाहीत, परंतु अशा मोठ्या भूकंपांनी तेथील नागरिकांचे जीवन विस्कळीत होते. भविष्यातील संभाव्य धोक्यांवर नियंत्रण ठेवण्यासाठी योग्य उपाययोजना करण्याची आवश्यकता आहे.
.png "Videos"){kind=small}
