US Iran Ceasefire Talks : युद्ध थांबणार! अमेरिका-इराणमध्ये ४५ दिवसांच्या संघर्षविरामावर चर्चा? पुढील ४८ तांस ठरणार निर्णायक

US Iran War Update : सध्या संपूर्ण जगाचे लक्ष्य मध्यपूर्वेतील अमेरिका-इराण तणावाकडे लागले आहे. दोन्ही देशांमध्ये शांतता चर्चा सुरु झाल्याचा दावा असून ४५ दिवसांच्या युद्धविरामाची शक्यता व्यक्त केली जात आहे. मात्र...

• अमेरिका इराणध्ये ४५ दिवसांचा संभाव्य युद्ध विरामासाठी चर्चा सुरु
• पुढील ४८ तांस ठरणार निर्णयाक
• संपूर्ण जगाचे लक्ष्य मध्यपूर्वेकडे

Middle East Ceasefire Talks : वॉशिंग्टन/तेहरान : अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी इराणला ४८ तासांचा अल्टीमेटम दिला आहे. यानंतर इराणने शांतता करार किंवा होर्मुझ खुला न केल्यास इराणवर लष्करी कारवाईचे संकेत दिले आहे. याच पार्श्वभूमीवर निर्णायक हालचाली सुरु झाल्याचे संकेत मिळाले आहे. अमेरिका इराणध्ये ४५ दिवसांचा संभाव्य युद्ध विरामासाठी प्रयत्न सुरु झाल्याची माहिती समोर आली आहे. ही चर्चा अशी वेळी सुरु झाली आहे, जेव्हा दोन्ही देश एकमेकांना सातत्याने विनाशाच्या धमक्या देत आहेत.

World War 3 : ‘रात्री 8 वाजता…!’ ट्रम्प यांनी निश्चित केली वेळ; इराणवर युद्धाची सावली; हल्ल्याची ‘ही’ तारीख ठरली

ट्रम्प यांचा ४८ तासांचा अल्टीमेटम

सुत्रांकडून मिळालेल्या माहितीनुसार, ४५ दिवसांच्या युद्धविरामाला कायमस्वरुपी समाधान म्हणून पाहिले जात आहे. अमेरिका आणि इस्रायलच्या सुत्रांनी देखील या वृत्ताला दुजोरा दिला आहे. परंतु पुढील काही तास निर्णायक ठरणार आहे. ट्रम्प यांनी इराणला स्पष्ट शब्दांत होर्मुझची सामुद्रधुनी पुन्हा खुली करण्यास आणि वाटाघाटा करार करण्यास सांगितले आहे.

मंगळवारी रात्री ८ वाजेपर्यंत हा करार झाला पाहिजे, नाहीतर इराणवर भीषण परिस्थिती ओढावेल. मी इराणला ध्वस्त करुन टाकील असे ट्रम्प यांनी ट्रुथ सोशल मीडियावर पोस्ट केले आहे. ट्रम्प यांनी इराणच्या वीज प्रकल्पांना आणि पायाभूत सुविधांना लक्ष्य करण्याची धमकी दिली आहे. करार झाला नाही, तर नरक काय असतो हे पाहायला मिळेल अशा टोकाच्या शब्दात त्यांनी इशारा दिला आहे.

इराणची प्रतिहल्ल्याची धमकी

दरम्यान ट्रम्प यांच्या या धमकीनंर इराणच्या केंद्रीय सैन्य कमांडनेही आपली भूमिका स्पष्ट केली आहे. इराणच्या नागरी तळांना किंवा पायाभूत सुविधांना लक्ष्य करण्यात आले तर त्यांचा प्रतिशोधही तितकाच विनाशकारी असेल, असे इराणने म्हटले आहे. याशिवाय आखाती देशांवर हल्ल्याची धमकी इराणने दिली आहे. यामुळे जागतिक स्तरावर चिंता निर्माण झाली आहे.

चर्चा अयशस्वी झाल्यास काय होईल?

कथित अमेरिका-इराण चर्चा अयशस्वी झाली तर गंभीर परिणाम होऊ शकतात.

• ट्रम्प यांच्या धमकीनुसार, इराणच्या नागरी पायाभूत सुविधांवर हल्ले होण्याची शक्यता आहे.
• तर इराणने विनाशकारी हल्ल्याची धमकी दिली आहे ज्यामुळे अरब देशांमधील उर्जा प्रकल्पांनाही धोका निर्माण होईल.
• जागतिक तेल पुरवठ्यावर आणि अर्थव्यवस्थेवरही याचा गंभीर परिणाम होऊ शकतो.
• मध्यपूर्वेत शांतता प्रस्थापित न झाल्यास मोठ्या युद्धाचा भडका उडण्याची शक्यता आहे.

यामुळे सध्या संपूर्ण जगाचे लक्ष ४८ तासांकडे लागले असून युद्धबंदीची आशा व्यक्त केली जात आहे.

भारताची यशस्वी कूटनीती! US-Iran युद्धात होर्मुझमधून 9वां LPG टँकर सुखरुप बाहेर; देशाचा उर्जा पुरवठा सुरक्षित?