US Iran War : इराणशी पंगा ट्रम्प यांना पडला भारी! मध्यपूर्वेतील १३ अमेरिकन तळं उद्ध्वस्त, रिपोर्टमध्ये धक्कादायक खुलासा

US Iran Conflict : अमेरिका-इराण युद्ध काही थांबण्याचे नाव घेईना. ट्रम्प यांनी शांतता चर्चेचा दावा केला आहे, तर इराणने हा दावा फेटाळला आहे. याच वेळी अमेरिकेच्या लष्करी तळांबाबत एक धक्कादायक रिपोर्ट समोर आला आहे.

• मध्यपूर्वेतील अमेरिकेची १३ लष्करी तळं उद्ध्वस्त
• इराणशी युद्ध ट्रम्प यांना पडलं महागात
• जगभरात खळबळ

US Iran War News Marathi : वॉशिंग्टन/तेहरान : पश्चिम आशियातील अमेरिका इराण युद्ध (US Iran War) आता एक गंभीर वळणावर येऊन पोहोचले आहे. अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी इराणशी सकारात्मक शांतता चर्चा सुरु असल्याचा दावा केला आहे. तर इराणने हा दावा फेटाळून लावला आहे. दुसऱ्या बाजूला इस्रायलचे इराणवर सातत्याने हल्ले सुरुच आहेत. यामुळे परिस्थिती अत्यंत बिकट झाली आहे. याच दरम्यान एक मोठी माहिती समोर आली आहे. इराणच्या हल्ल्यांमुळे अमेरिकेची मध्यपूर्वेतील अनेक लष्करी तळे उद्ध्वस्त झाल्याचा दावा केला जात आहे.

US Iran War : महासत्तेची नाच्चकी! ट्रम्प यांच्या चर्चेचा डाव फेल? इराणी सैन्याने जगासमोर काढली अमेरिकेची लायकी

अमेरिकेचे प्रसिद्ध वृत्तपक्ष द न्यूयॉर्क टाइम्सने प्रसिद्ध केलेल्या अहवालानुसार, इराणी ड्रोन आणि क्षेपणास्त्र हल्ल्यांनी अमेरिकेच्या लष्करी सामर्थ्याला मोठा धक्का बसला आहे. इराणच्या हल्ल्यात मध्यपूर्वेतील तब्बल १३ अमेरिकन लष्करी तळे उद्ध्वस्त झाली आहेत. यामुळे अमेरिकेचे कोट्यावधींचे नुकसान झाले आहे. या अहवालामने जगभरात खळबळ उडवून दिली आहे.

खामेनेईंच्या हत्येनंतर इराण आक्रमक

फेब्रुवारी २०२६ मध्ये इस्रायलच्या हल्ल्यात इराणचे सर्वोच्च नेते अयातुल्ला अली खामेनेई (Ayatollah Ali Khamenei) यांची झाली होती. यानंतर इराणने आक्रमक पवित्रा घेत ऑपरेशन ट्रुथफुल प्रॉमिस सुरु केले. इराणने थेट अमेरिकेविरोधात युद्ध पुकारत मध्यपूर्वेतील अमेरिकेन लष्करी तळे आणि दूतावासांना लक्ष्य केले होते.

इराणने सौदी अरेबिया, कुवैत, बहीरन, यूएई, येथील लष्करी तळांना आणि दूतावांसावर आत्मघाती ड्रोन आणि बॅलेस्टिक क्षेपणास्त्रांचा मारा केला. या हल्ल्यांमध्ये अमेरिकन लष्करी तळांची राखरांगोळी झाली असून तिथे राहण्यायोग्य जागाही राहिली नाही.

कुवैत कतारमधील तळांना मोठा धक्का

अहवालानुसार, सर्वात जास्त नुकसान हे कुवैत आणि कतारमधील तळांचे झाले. इराणने अली अल सलेम एअर बेस, कॅम्प बुहरिंग आणि पोर्ट शुऐबा भीषण आणि अचूक प्रहार केला होता. इराणने या तळांवरील इंधन यंत्रणा, विमानांचे हँगर आणि दळणवळण केंद्रे उद्ध्वस्त केली. कतारमधील अल उदेद आणि युएईमधील अल धफ्रा एअर बेसलाही लक्ष्य करण्यात आले होते. या हल्ल्यांमुळे अमेरिकन सैन्याला लष्करी तळांऐवजी स्थानिक ठिकाणांमध्ये आश्रय घ्यावा लागत आहे.

न्यूयॉर्क टाइम्सच्या अहवालात नमूद करण्यात आले आहे की, इराणच्या या विनाशकारी हल्ल्यांमुळे अमेरिकेचे अंदाजे ८०० दशलक्ष डॉलर्सचे नुकसान झाले आहे. अनेक प्रगत रडार यंत्रणा निकामी झाल्या आहेत. यामुळे मध्यपूर्वेतील आखाती देशांमध्येही
तणावाचे वातावरण आहे.

US Iran War : अमेरिकेला शरण गेला इराण? ट्रम्प यांना थेट ‘सर्वोच्च नेता’ बनण्याची ऑफर, जगभरात खळबळ