Middle East War : ‘रक्ताच्या प्रत्येक थेंबाचा बदला घेणार’ ; मोजतबा खामेनेईंचा इस्रायल-अमेरिकेला थरकाप उडवणारा इशारा

Ali Larijani assassination : मध्यपूर्वेतील युद्धाचा आज २० वा दिवस असून यात इराणचे सर्वात मोठे नुकसान झाले आहे. सुप्रीम लीडर खामेनेईंच्या मृत्यूनंतर सर्वोच्च सुरक्षा प्रमुख लारीजानी यांचाही इस्रायल हल्ल्यात मृत्यू आहे.

• लारीजानींच्या हत्येनंतर मध्यपूर्वेत युद्धाचा भडका
• मोजतबा खामेनेईंचा इस्रायल-अमेरिकेला इशारा
• वडिलांच्या, पत्नीच्या, मुलाच्या आणि सुरक्षा प्रमुखाच्या हत्येचा घेणार बदला?

Mojtaba Khamenei Warns US-Israel : तेहरान/वॉशिंग्टन/जेरुसलेम : गेल्या तीन आठवड्यांपासून मध्यपूर्वेत इस्रायल-अमेरिका विरुद्ध इराण संघर्ष (US-Israel VS Iran War) पेटला आहे. या संघर्षाने जागतिक पातळीवर गंभीर चिंतेचे वातावरण निर्माण केले आहे. यामध्ये सर्वोत मोठे नुकसान हे इराणचे झाले आहे. इराणचे सर्वोच्च नेते अयातुल्ला अली खामेनेई (Ayatollah Ali Kahamenei) यांचा इस्रायली हल्ल्यात मृत्यू झाला आहे. तसेच त्यांचे संपूर्ण कुटुंबही उद्ध्वस्त झाले आहे. यानंतर इराणचे सर्वोच्च सुरक्षा अधिकारी अली लारीजानी यांचीही हत्या करण्यात आली आहे. यामुळे इराण पेटून उठला आहे. याच पार्श्वभूमीवर इराणचे नवे सुप्रीम लीडर मोजतबा खामेनेई यांनी तीव्र संताप व्यक्त केला आहे. त्यांनी अमेरिका-इस्रायलला गंभीर इशारा दिला आहे.

Iran-Israel War : इस्त्रायलचा इराणवर पुन्हा मोठा हल्ला; खामेनेई यांच्यानंतर आता सुरक्षाप्रमुखाचा मृत्यू

मोजबता खामेनेईं यांचा थरकाप उडवणारा इशारा

अली लारीजानी यांच्या मृत्यूने इराणला दुसरा सर्वात मोठा राजनैतिक आणि लष्करी झटका बसला आहे. यामुळे मोजतबा खामेनेई संतापले असून त्यांनी अधिकृत निवदेन जारी करत प्रतिशोध घेण्याचे म्हटले आहे. त्यांनी निवेदनात, लारीजानी यांच्या रक्ताच्या प्रत्येक थेंबाचा बदला घेणार, शत्रूला याची  मोठी किंमत चुकवावी लागेल असे म्हटले आहे.  त्यांच्या या विधानाने खळबळ उडाली आहे. मोजतबा यांनी लारीजानी  यांचे बलिदान व्यर्थ जाऊ दिले जाणार नाही आणि भ्याड कृत्यामागे असलेल्यांना  कठोर शिक्षा होईल असेही त्यांनी स्पष्ट शब्दात सांगितले आहे.

कोण होते अली लारीजानी?

लाजीरानी इराणच्या सत्तेतील दुसरे सर्वात शिक्तीशाली व्यक्तीमत्त्व होते. ते माजी सर्वोच्च नेते खामेनेई यांचे अत्यंत खास मानले जायचे. खामेनेई यांच्या निधनानंतर आणि मोजतबा यांची सर्वोच्च नेता म्हणून निवड झाल्यानंतर लाजीरानी किंगमेकर म्हणून आले. त्यांच्याकडे इराणच्या इस्लामिक रिव्होल्यूशनरी गार्ड कॉर्प्स(IRGC) आणि इराणच्या सैन्याच्या महत्त्वाच्या ऑपरेशन्सचे नेतृत्व होते.

लाजीरानी एक प्रगल्भ विद्वानही होते. त्यांनी शरीफ युनिव्हर्सिटीमधून गणितात पदवी घेतली आणि तेहरान विद्यापीठातून पाश्चात्य तत्त्वज्ञानात पीएचडी पूर्ण केली होती. याशिवाय त्यांनी 2008 ते 2020 या काळात सलग तीन वेळा इराणच्या संसदेचे अध्यक्षपदही भूषणवले होते. ऑगस्ट 2025 मध्ये त्यांची इराणचे सर्वोच्च राष्ट्रीय सुरक्षा परिषदेचे सचिव म्हणून निवड करण्यात आली होती.

Iran-US War : इराण-अमेरिका युद्धादरम्यानच अमेरिका बुडाला मोठ्या कर्जात; $39 ट्रिलियनचा कर्जाचा बोजा