Mojtaba Khamenei: ‘एक पाय कबरमध्ये, दुसरा…’ इराणमध्ये ‘घोस्ट’ राजवट; मोजतबा खामेनींनबाबत CIA आणि Mossad चा ‘हा’ दावा

Mojtaba Khamenei : इराणचे नवे सर्वोच्च नेते, मोजतबा खामेनी, सार्वजनिक कार्यक्रमांमध्ये अनुपस्थित राहिल्याने त्यांच्या अस्तित्वाबद्दल प्रश्न निर्माण झाले आहेत. मोजतबा यांनी कोणतेही सार्वजनिक भाषण केलेले नाही.

• ‘अदृश्य’ सर्वोच्च नेता
• CIA आणि मोसादचा शोध
• इराणमध्ये नेतृत्व संकट

Mojtaba Khamenei missing news 2026 : इराणचे (Iran) मावळते सर्वोच्च नेते अयातुल्ला अली खामेनी यांच्या मृत्यूनंतर (२८ फेब्रुवारी २०२६) त्यांचे पुत्र मोजतबा खामेनी यांची नियुक्ती करण्यात आली, तेव्हा जगाला वाटले की इराणमध्ये सत्तेचे संक्रमण शांततेत होईल. मात्र, नियुक्तीला दोन आठवड्यांहून अधिक काळ लोटूनही मोजतबा यांनी एकदाही सार्वजनिक दर्शन दिलेले नाही. इतकेच काय, तर त्यांनी एकही व्हिडिओ किंवा ऑडिओ संदेश जारी केलेला नाही. यामुळे आता एकच प्रश्न विचारला जात आहे इराणचा नवा सर्वोच्च नेता नक्की आहे कुठे?

मोजतबा खामेनी: जिवंत की कोमात?

गुप्तचर यंत्रणांकडून मिळालेल्या धक्कादायक माहितीनुसार, २८ फेब्रुवारी रोजी ज्या अमेरिकन-इस्रायली हल्ल्यात त्यांचे वडील मारले गेले, त्याच हल्ल्यात मोजतबा देखील गंभीर जखमी झाले होते. काही पाश्चात्य माध्यमांनी असा दावा केला आहे की, मोजतबा खामेनी यांचे दोन्ही पाय कापले गेले असून ते सध्या कोमात आहेत. इराण सरकारने हे दावे फेटाळले असले तरी, त्यांच्याकडे मोजतबा जिवंत असल्याचा कोणताही व्हिडिओ पुरावा नाही. केवळ लिखित संदेशांद्वारे राज्यकारभार चालवला जात असल्याने त्यांना ‘कार्डबोर्ड अयातुल्ला’ असे हिणवले जात आहे.

जागतिक घडामोडी संबंधित बातम्या वाचण्यासाठी येथे क्लिक करा : White House: अमेरिकेत शटडाउनने उडाली धांदल; ट्रम्प म्हटले, ‘इराणची डोकेदुखी संपल्यावर, देशातील ‘या’ शत्रूला ठेचणार’

CIA आणि मोसादचा ‘आर्क्टिक’ ते तेहरान शोध

अमेरिकेची सीआयए (CIA) आणि इस्रायलची मोसाद (Mossad) या यंत्रणा मोजतबा यांच्या हालचालींवर २४ तास लक्ष ठेवून आहेत. सीआयएच्या एका अधिकाऱ्याने या परिस्थितीला “बियॉन्ड वेअर्ड” (अत्यंत विचित्र) असे म्हटले आहे. इराणचे अधिकारी मोजतबा यांच्या भेटीसाठी वेळ मागत आहेत, यावरून ते जिवंत असल्याचे संकेत मिळत असले तरी, ते स्वतः निर्णय घेत आहेत की त्यांच्या नावाने दुसरी कोणी व्यक्ती सत्ता राबवत आहे, यावर गुप्तचर यंत्रणांचा संशय आहे. मोसादने तेहरानमधील हॉस्पिटल आणि सुरक्षित घरांवर (Safe Houses) लक्ष केंद्रित केले आहे, जिथे मोजतबा यांच्यावर उपचार सुरू असल्याची शक्यता आहे.

See more

BREAKING: Iran’s Supreme Leader Mojtaba Khamenei has released a Nowruz message calling for the coming year to be one of a “resistance economy”, to be “celebrated in the shadow of national unity and national security”, reports state media. 🔴LIVE updates: https://t.co/V10ePnuCv3 pic.twitter.com/zuLOYcN9XM — Al Jazeera English (@AJEnglish) March 20, 2026

credit – social media and Twitter

नवरोजलाही मोजतबा यांचे दर्शन नाही!

इराणमध्ये ‘नवरोज’ (पर्शियन नवीन वर्ष) हा सर्वात मोठा सण असतो. परंपरेनुसार, सर्वोच्च नेते या दिवशी राष्ट्राला संबोधित करतात. मात्र, मोजतबा यांनी या दिवशीही केवळ एक लिखित संदेश जारी केला. राष्ट्राध्यक्ष मसूद पेझेश्कियान यांनी व्हिडिओ संदेश दिला, पण सर्वोच्च नेत्याची अनुपस्थिती ही इराणच्या इतिहासातील सर्वात मोठी ‘रेड फ्लॅग’ (धोक्याची घंटा) मानली जात आहे. ट्रम्प प्रशासनानेही यावर शंका व्यक्त केली असून “आम्हाला माहीत नाही की त्यांचा नेता नक्की कोण आहे,” असे विधान केले आहे.

जागतिक घडामोडी संबंधित बातम्या वाचण्यासाठी येथे क्लिक करा : Mordechai Vanunu: इस्रायलची ‘न्यूक्लियर’ गुपितं जगाला विकणाऱ्या देशद्रोही वानुनूचा ‘मोसाद’ने ‘असा’ केला गेम; वाचा थरारक सत्य

इराणमध्ये अंतर्गत सत्तेचा संघर्ष?

मोजतबा समोर येत नसल्यामुळे इराणमध्ये सत्तेची पोकळी निर्माण झाली आहे. तज्ज्ञांच्या मते, इराणची रिव्होल्युशनरी गार्ड्स (IRGC) आता खऱ्या अर्थाने देशाची सूत्रे हातात घेत आहे. जर मोजतबा खरोखरच गंभीर जखमी किंवा मृत असतील, तर इराणमध्ये गृहयुद्धासारखी परिस्थिती निर्माण होऊ शकते. सध्या इराणमध्ये इंटरनेटवर कडक निर्बंध लादण्यात आले असून, मोजतबा यांच्या प्रकृतीबाबत कोणतीही माहिती बाहेर पडू दिली जात नाहीये.