Naim Qassem: इस्रायली हवाई हल्ल्यात हिजबुल्लाह प्रमुखाचा गेम; इराणचा रुद्रावतार; होर्मुझची सामुद्रधुनी बंद, जगाची रसद तोडली

US-Iran War: बेरूतमध्ये हिजबुल्लाहचा प्रमुख नईम कासिम याला ठार केल्याचा दावा इस्रायलने केला आहे. शस्त्रसंधीच्या काळात झालेल्या या मोठ्या हल्ल्यानंतर, इराणने होर्मुझची सामुद्रधुनी पूर्णपणे बंद केली आहे.

• हिजबुल्लाहला मोठा धक्का
• इराणचा ‘होर्मुझ’ ॲक्शन
• शस्त्रसंधी नावापुरतीच

Naim Qassem killed in Beirut airstrike : मध्य-पूर्वेतील युद्धाने आता सर्वात भीषण वळण घेतले आहे. ज्या क्षणी जगाला वाटले होते की शस्त्रसंधीमुळे शांतता प्रस्थापित होईल, त्याच वेळी इस्रायलने एक असा धक्का दिला आहे ज्याने संपूर्ण इस्लामिक जग हादरले आहे. इस्रायली संरक्षण दलाने (IDF) दावा केला आहे की, लेबनॉनची राजधानी बेरूतमध्ये केलेल्या एका ‘सर्जिकल’ हवाई हल्ल्यात हिजबुल्लाहचा (Hezbollah) नवा प्रमुख नईम कासिम याला कंठस्नान घालण्यात आले आहे. हसन नसरल्लाह यांच्या मृत्यूनंतर सूत्रे हाती घेतलेल्या कासिमचा अंत झाल्यामुळे हिजबुल्लाह आता नेतृत्वहीन झाला आहे.

बेरूतमध्ये नक्की काय घडलं?

इस्रायली लष्कराने दिलेल्या माहितीनुसार, हा हल्ला अत्यंत गुप्त माहितीच्या आधारे करण्यात आला होता. या हल्ल्यात नईम कासिम यांच्यासोबतच त्यांचा पुतण्या आणि खाजगी सचिव युसेफ हर्शी हा देखील ठार झाला आहे. हर्शी हा कासिमचा सर्वात विश्वासू सहकारी होता आणि हिजबुल्लाहच्या सुरक्षाविषयक सर्व गुप्त बाबी तोच सांभाळत असे. इस्रायलने या मोहिमेला ‘महत्त्वपूर्ण सामरिक विजय’ असे संबोधले आहे. बेरूतमध्ये झालेल्या या भीषण स्फोटांनी संपूर्ण शहर हादरले असून, या हल्ल्याने हिजबुल्लाहच्या उरल्यासुरल्या आत्मविश्वासाला तडे दिले आहेत.

जागतिक घडामोडी संबंधित बातम्या वाचण्यासाठी येथे क्लिक करा : Iran US Ceasefire: ‘पाकिस्तानला पुन्हा भारतात विलीन करा!’ नोबेल मागणाऱ्या शहबाज आणि मुनीर यांची ब्रिटिश पत्रकाराने मोडली खोड

शस्त्रसंधीचा ‘कागदी’ खेळ आणि वाढता हिंसाचार

सर्वात मोठी चिंतेची बाब म्हणजे, अमेरिका आणि इराण यांच्यात नुकताच एक शस्त्रसंधी करार झाला होता. मात्र, इस्रायलने या कराराला केराची टोपली दाखवली आहे. इस्रायल आणि अमेरिकेच्या मते, या करारामध्ये लेबनॉनमधील कारवाया थांबवण्याबाबत कोणतीही स्पष्ट अट नव्हती. याचाच फायदा घेत इस्रायलने लेबनॉनमध्ये आतापर्यंतचे सर्वात मोठे हवाई हल्ले केले आहेत. या हिंसाचारात आतापर्यंत १,५०० हून अधिक निष्पाप लोकांचा बळी गेला आहे. लेबनॉनची परिस्थिती आता हाताबाहेर गेली असून, सर्वत्र विनाशाचे दृश्य दिसत आहे.

See more

צה”ל חיסל בביירות את מזכירו של מזכ”ל ארגון הטרור חיזבאללה נעים קאסם: שורת תשתיות טרור הותקפו הלילה בדרום לבנון צה”ל תקף וחיסל אתמול את עלי יוסף חרשי, מזכירו האישי של מזכ”ל ארגון הטרור חיזבאללה, ואחיינו של נעים קאסם במרחב ביירות. חראשי היה מקורב ויועץ אישי למזכ”ל חיזבאללה נעים… — צבא ההגנה לישראל (@idfonline) April 9, 2026

credit – social media and Twitter

इराणचा पलटवार: ‘होर्मुझ’ची नाकेबंदी

नईम कासिमच्या हत्येमुळे इराणचा संयम आता सुटला आहे. लेबनॉनवरील हल्ल्यांच्या निषेधार्थ इराणने तातडीने होर्मुझची सामुद्रधुनी (Strait of Hormuz) बंद करण्याची घोषणा केली आहे. इराणचा असा दावा आहे की, त्यांच्या १०-कलमी शस्त्रसंधी प्रस्तावातील सर्वात महत्त्वाचा मुद्दा ‘लेबनॉनवरील हल्ले थांबवणे’ हा होता, ज्याचे इस्रायलने उल्लंघन केले आहे. होर्मुझची सामुद्रधुनी बंद झाल्यामुळे जागतिक तेल बाजारपेठेत भूकंप आला आहे. जर ही नाकेबंदी कायम राहिली, तर पेट्रोल आणि डिझेलचे दर गगनाला भिडतील आणि जागतिक अर्थव्यवस्था कोलमडेल.

जागतिक घडामोडी संबंधित बातम्या वाचण्यासाठी येथे क्लिक करा : Explainer: 56 वर्षे जुनी ‘मॅड मॅन थिअरी’ काय आहे? इराणला हरवण्यासाठी तिचा वापर करणारे ट्रम्प स्वतःच ‘असे’ झाले पराभूत

हिजबुल्लाहचे प्रत्युत्तर आणि भविष्यातील संकट

आपल्या प्रमुखाच्या हत्येनंतर हिजबुल्लाह गप्प बसलेला नाही. ९ एप्रिल रोजी हिजबुल्लाहने इस्रायली किबुत्झ मनारावर रॉकेटचा पाऊस पाडला आहे. “आम्हाला आमच्या प्रमुखाच्या रक्ताचा बदला घेण्याचा आणि लेबनॉनचे रक्षण करण्याचा पूर्ण अधिकार आहे,” असे हिजबुल्लाहने स्पष्ट केले आहे. या सततच्या हल्ल्यांमुळे शस्त्रसंधी आता केवळ कागदावरच उरली आहे. जर हा संघर्ष असाच सुरू राहिला, तर इराण आणि इस्रायलमध्ये थेट समोरासमोर युद्ध सुरू होण्याची दाट शक्यता निर्माण झाली आहे.